എകെ ആന്റണിയെ താൻ ഏറെ സഹായിച്ചിട്ടുണ്ട്! ഒന്നും വെളിപ്പെടുത്താനാകില്ല, അദ്ദേഹം പറയണമെന്ന് സുരേഷ് ഗോപി

തിരുവനന്തപുരത്ത് ജനാധിപത്യ രാഷ്ട്രീയ സഭയുടെ ഭൂസമര പ്രഖ്യാപന കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

തിരുവനന്തപുരം: മുൻ മുഖ്യമന്ത്രി എകെ ആന്റണിയെ താൻ ഏറെ സഹായിച്ചിട്ടുണ്ടെന്ന് നടനും എംപിയുമായ സുരേഷ് ഗോപി. പക്ഷേ, ഇക്കാര്യങ്ങൾ താൻ വെളിപ്പെടുത്തില്ലെന്നും, എല്ലാം ആന്റണി തന്നെ പറയണമെന്നും അദ്ദേഹം പറഞ്ഞു.

തിരുവനന്തപുരത്ത് ജനാധിപത്യ രാഷ്ട്രീയ സഭയുടെ ഭൂസമര പ്രഖ്യാപന കൺവെൻഷൻ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. എകെ ആന്റണി വലിയ മനസുള്ള ആളാണ്. സെക്രട്ടേറിയേറ്റിന് മുന്നിൽ ആദിവാസികൾ ഭൂമിക്ക് വേണ്ടി സമരം നടത്തിയപ്പോൾ അവരുടെ എല്ലാ ആവശ്യങ്ങളും അദ്ദേഹം അംഗീകരിച്ചു. ആ സമരകാലത്ത് ആദിവാസികളുടെ ഭൂപ്രശ്നത്തെക്കുറിച്ച് താൻ ആന്റണിയുമായി ചർച്ച നടത്തിയിരുന്നുവെന്നും സുരേഷ് ഗോപി പറഞ്ഞു.

മുത്തങ്ങയിൽ വിഷവിത്തുകൾ...

2003ലെ മുത്തങ്ങ സമരത്തിൽ ചില വിഷവിത്തുകൾ പങ്കാളികളായിരുന്നു. അതിനാൽ ആ സമരത്തിന് താൻ പിന്തുണ നൽകിയിരുന്നില്ലെന്നും സുരേഷ് ഗോപി എംപി വ്യക്തമാക്കി.

ആദിവാസികൾ കാടിന്റെ കാവൽക്കാർ....

കാട് കാടിന്റെ മക്കൾക്ക് വിട്ടുകൊടുക്കണം. ആന, പുലി, കടുവ അടക്കമുള്ള മൃഗങ്ങളെ പോലെ അദിവാസികൾക്കുള്ളതാണ് കാട്. ആദിവാസികൾ കാടിന്റെ കാവൽക്കാരാണ്.

കൺകണ്ട ദൈവം...

കൈയേറ്റക്കാർ നമ്മുടെ വനസമ്പത്ത് മുഴുവൻ കൊള്ളയടിക്കുകയാണ്. നമ്മുടെ കാടുകളിൽ ചന്ദന കൊള്ളയും വ്യാപകമാണ്. മണ്ണിനെ സ്നേഹിക്കുന്നവർക്ക് ഭൂമി നൽകിയാൽ ഇതെല്ലാം തടയാനാകുമെന്നും, വനസമ്പത്തും പരിസ്ഥിതിയുമാണ് കൺകണ്ട ദൈവമെന്നും അദ്ദേഹം പറഞ്ഞു.

ആവശ്യങ്ങൾ അംഗീകരിക്കണം...

തിരഞ്ഞെടുപ്പ് സമയത്ത് മാത്രം ആദിവാസി സ്നേഹം പറഞ്ഞിട്ട് കാര്യമില്ല. ആദിവാസികളുടെ ന്യായമായ സമരത്തിന് മുന്നിൽ സർക്കാരിന് മുട്ടുമടക്കേണ്ടി വരുമെന്നും, അതിനാൽ അവരുടെ ആവശ്യങ്ങൾ എത്രയും പെട്ടെന്ന് അംഗീകരിക്കണമെന്നും സുരേഷ് ഗോപി പറഞ്ഞു.

ആന്റണിയെ സഹായിച്ചിട്ടുണ്ട്...

തിരുവനന്തപുരത്ത് ജനാധിപത്യ രാഷ്ട്രീയ സഭയുടെ ഭൂസമര പ്രഖ്യാപന കൺവെൻഷൻ ഉദ്ഘാടനം ചെയ്ത് സംസാരിക്കുന്നതിനിടെയാണ് മുൻ മുഖ്യമന്ത്രി എകെ ആന്റണിയെ ഇക്കാര്യത്തിൽ താൻ സഹായിച്ച കാര്യവും സുരേഷ്
ഗോപി വ്യക്തമാക്കിയത്.

ആന്റണിക്ക് വലിയ മനസ്...

എകെ ആന്റണി വലിയ മനസുള്ള ആളാണ്. സെക്രട്ടേറിയേറ്റിന് മുന്നിൽ ആദിവാസികൾ ഭൂമിക്ക് വേണ്ടി സമരം നടത്തിയപ്പോൾ അവരുടെ എല്ലാ ആവശ്യങ്ങളും അദ്ദേഹം അംഗീകരിച്ചു. ആ സമരകാലത്ത് ആദിവാസികളുടെ ഭൂപ്രശ്നത്തെക്കുറിച്ച് താൻ ആന്റണിയുമായി ചർച്ച നടത്തിയിരുന്നുവെന്നും സുരേഷ് ഗോപി പറഞ്ഞു.

English summary

suresh gopi mp about former chief minister ak antony.