ശാശ്വതീകാനന്ദയുടെ മരണം കൊലപാകതമാകുമോ? ആത്മഹത്യ ചെയ്യില്ലെന്ന് ആര്‍ ബാലകൃഷ്ണ പിള്ള

കൊല്ലം: ശിവഗിരി മഠാധിപതി സ്വാമി ശാശ്വതീകാനന്ദ ആത്മഹത്യ ചെയ്യില്ലെന്ന് ആര്‍ ബാലകൃഷ്ണ പിള്ള. മരണത്തെ കുറിച്ച് സംശയങ്ങള്‍ ഉണ്ടെന്നും അദ്ദേഹം പറഞ്ഞു.

മരണത്തിന് തലേദിവസം ശാശ്വതീകാനന്ദയെ ഉമ്മന്‍ചാണ്ടിക്കൊപ്പം കണ്ടിരുന്നു. ആലുവയില്‍ നിന്ന് മടങ്ങിയി ശേഷം വീണ്ടും കാണാമെന്ന് പറഞ്ഞാണ് ഇരുവരും പിരിഞ്ഞത്. എന്നാല്‍ ആത്മഹത്യ ഉറപ്പിച്ച ഒരാള്‍ ഒരിക്കലും അങ്ങനെ പറയില്ലെന്നും ബാലകൃഷ്ണപിള്ള പറഞ്ഞു.

ശാശ്വതീകാനന്ദയുടെ ഗള്‍ഫ് സന്ദര്‍ശന വേളയില്‍ നടന്ന ചിലകാര്യങ്ങളെ കുറിച്ച് അറിഞ്ഞിട്ടുണ്ടെന്നും കൃത്യമായ തെളിവുകളില്ലാത്തതിനാല്‍ ഇപ്പോള്‍ പറയാനാവില്ലെന്നും ഇദ്ദേഹം പറഞ്ഞു. ഇക്കാര്യങ്ങളെല്ലാം ഉള്‍പ്പെടുത്തി വേണം സി ബി ഐ അന്വേഷണമെന്നും പറഞ്ഞു.

ശാശ്വതീകാനന്ദ മുങ്ങിമരിച്ചതാണെന്നാണ് പോസ്റ്റ്‌മോര്‍ട്ട റിപ്പോര്‍ട്ടില്‍ രേഖപ്പെടുത്തിയിരിക്കുന്നത്. എന്നാല്‍ മരണത്തില്‍ അസ്വാഭാവികതയുണ്ടെന്നും ഇത് അന്വേഷിക്കണമെന്നും നിരവധി ആരോപണങ്ങള്‍ വന്നിരുന്നു.

English summary

Shivagiri Swaswatheekanantha not suicide says R.Balakrishnapilla. he have some doubts his death, cbi must investigate this incidents.