Click it and Unblock the Notifications
Just In
Don't Miss
-
ശരീരത്തില് മരവിപ്പോ, ബലഹീനതയോ നിസ്സാരമല്ല: എഴുന്നേല്ക്കാനാവാത്ത വിധം കിടത്തുന്ന ലക്ഷണങ്ങള് -
ബാലൻസില്ലെങ്കിലും ഇത് ചെയ്തിരിക്കണം! SBI അക്കൗണ്ടുമായി പുതിയ മൊബൈൽ നമ്പർ ലിങ്ക് ചെയ്യാനുള്ള വഴി -
കല്യാണത്തിനു മുമ്പ് ലെവൽ മാറി ദീപക്ക്; അപർണയ്ക്കൊപ്പമുള്ള യാത്രകൾ ഇനി ബെൻസിന്റെ തിളക്കത്തിൽ -
IPL 2024: ടീം ആലോചിച്ചത് ബദോനിയെ, ഹൂഡ മതിയെന്ന് രാഹുല്; കളി ജയിപ്പിച്ച തീരുമാനം ഇതാ -
'കഴമ്പുണ്ടെന്ന് തോന്നുന്ന പ്രസ്താവനകളില്ല ബാലിശമായ വെല്ലുവിളി മാത്രം, പിന്നെങ്ങനെ സിജോ വരുമ്പോൾ കളി മാറും?' -
കാശിയും അയോധ്യയും കണ്ടുവരാം.. കേരളത്തിൽ നിന്ന് ഭാരത് ഗൗരവ് ടൂറിസ്റ്റ് ട്രെയിനിൽ ചെലവ് കുറഞ്ഞ യാത്ര -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ
മാവോയിസ്റ്റ് ബന്ധം; തൃശൂരില്‍ സ്വിസ് പൗരന്‍ പോലീസ് കസ്റ്റഡിയില്‍
തൃശ്ശൂര്‍: മാവോയിസ്റ്റുകളുമായി ബന്ധമുണ്ടെന്ന് സംശയിച്ച് സ്വിറ്റ്‌സര്‍ലാന്‍ഡ്‌ സ്വദേശിയെ തൃശൂര്‍ പോലീസ് കസ്റ്റഡിയിലെടുത്തു. സ്വിസ് പൗരനായ ജോനാഥന്‍ ബോണ്ടിനെയാണ് വലപ്പാട് പോലീസ് കസ്റ്റഡിയിലെടുത്തത്. കഴിഞ്ഞ മാസം ആന്ധ്രയില്‍ വെച്ച് കൊല്ലപ്പെട്ട മാവോയിസ്റ്റ് നേതാവ് തളിക്കുളം വേളേക്കാട്ട് സിനോജിന്റെ അനുസ്മരണ ചടങ്ങിനായാണ് കണ്ണൂരില്‍ താമസിക്കുകയായിരുന്ന ബോണ്ട് തൃശൂരിലെത്തിയത്.
അറസ്റ്റിലാകുമ്പോള്‍ ഇയാളുടെ കയ്യില്‍ പാസ്‌പോര്‍ട്ട് ഇല്ലായിരുന്നു. പാസ്‌പോര്‍ട്ട് ചട്ടങ്ങള്‍ ലംഘിച്ചതിനും മാവോയിസ്റ്റ് നേതാവിന്റെ അനുസ്മരണ ചടങ്ങില്‍ പങ്കെടുത്തതിനും ഇയാള്‍ക്കെതിരെ പോലീസ് കേസ് രജിസ്റ്റര്‍ ചെയ്തിട്ടുണ്ട്. അതേസമയം, സിനോജിന്റെ അനുസ്മരണ ചടങ്ങിന്റെ വിവരം പത്രത്തിലൂടെ കണ്ട് കൗതുകം തോന്നിയതിനാലാണ് പരിപാടിക്കെത്തിയതെന്നാണ് ബോണ്ട് പോലീസിനെ അറിയിച്ചിരിക്കുന്നത്.
ആന്ധ്രാപ്രദേശില്‍ മാവോയിസ്റ്റ് പ്രവര്‍ത്തനത്തില്‍ ഏര്‍പ്പെട്ടുവരികയായിരുന്ന സിനോജ് ബോംബ് നിര്‍മാണത്തിനിടെ കൊല്ലപ്പെടുകയായിരുന്നെന്നാണ് റിപ്പോര്‍ട്ട്. തിങ്കളാഴ്ച വൈകുന്നേരം തൃപ്രയാറിലെ എസ്എന്‍ഡിപി യോഗം ഹാളിലാണ് സിനോജിന്റെ അനുസ്മരണം സംഘടിപ്പിക്കപ്പെട്ടത് ഏകദേശം നാല്‍പ്പതോളം പേര്‍ പരിപാടിക്കെത്തിയിരുന്നു.
യോഗത്തില്‍ ജോനാഥന്‍ ബോണ്ട് പ്രസംഗിക്കുകയും ചെയ്തു. ഇത് ഗുരുതരമായ കുറ്റമാണെന്നാണ് പോലീസ് ഭാഷ്യം. ടൂറിസ്റ്റ് വിസയിലാണ് ജോനാഥന്‍ കേരളത്തിലെത്തിയത്. വലപ്പാട് പോലീസ് സ്‌റ്റേഷനില്‍ കസ്റ്റഡിയിലുള്ള ഇയാളെ കേന്ദ്ര ഏജന്‍സിയില്‍ നിന്നുള്ള ഉദ്യോഗസ്ഥരടക്കം ചോദ്യം ചെയ്യുകയാണ്. അതിനിടെ, മാവോയിസ്റ്റ് അനുകൂല പോസ്റ്ററുകള്‍ തിരുവനന്തപുരം സെക്രട്ടറിയേറ്റിന്റെ പരിസരത്ത് പ്രത്യക്ഷപ്പെട്ടു.
