Click it and Unblock the Notifications
Just In
Don't Miss
-
വിദേശത്ത് തരംഗമായി മെയിഡ് ഇന് ഇന്ത്യ കാറുകള്! ജപ്പാനില് എലിവേറ്റ് വാങ്ങാൻ അപ്രതീക്ഷിത തള്ളിക്കയറ്റം -
ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം -
കിട്ടുക കല്ലേറോ, പൂച്ചെണ്ടോ? യുദ്ധഭൂമിയിൽ പുതിയ ഭടന്മാർ! HMD പൾസ് സീരീസ് ലോഞ്ച് ചെയ്തു -
വിലയിലെ ചാഞ്ചാട്ടം തുടർന്ന് സ്വർണം, ഇന്ന് നേരിയ കുറവുണ്ട്, വരും ദിവസങ്ങളിലും വില കുറഞ്ഞേക്കും -
T20 World Cup 2024: സഞ്ജുവിന് നീതി വേണം, ലോകകപ്പില് സീറ്റ് നല്കൂ; ആവശ്യപ്പെട്ട് തരൂര് -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം -
ഗബ്രിയുടെ നെഞ്ചത്തേക്ക് വീണ് ജിന്റോ, ടാസ്ക്കിനിടയിൽ നേർക്കുനേർ ആക്രമണം, ജിന്റോയോ ഗബ്രിയോ പുറത്തേക്ക്?
ടി.ഒ സൂരജിന്റെ 50 കോടിയുടെ സ്വത്തുക്കള്‍ സര്‍ക്കാര്‍ കണ്ടുകെട്ടി
കൊച്ചി: അനധികൃത സ്വത്ത് സമ്പാദിച്ചക്കേസില്‍ സസ്‌പെന്‍ഷനില്‍ കഴിയുന്ന പൊതുമരാമത്ത് സെക്രട്ടറി ടി.ഒ സൂരജിന്റെ സ്വത്തുക്കള്‍ സര്‍ക്കാര്‍ കണ്ടുകെട്ടി. 50 കോടിയോളം രൂപ വിലമതിക്കുന്ന 18 വസ്തുവകകളാണ് സര്‍ക്കാര്‍ കണ്ടുകെട്ടിയത്. കോടതി ഉത്തരവിനെത്തുടര്‍ന്നാണ് സര്‍ക്കാര്‍ നടപടി. സ്വത്തുക്കള്‍ കണ്ടുകെട്ടണമെന്നാവശ്യപ്പെട്ട് വിജിലന്‍സാണ് കോടതിയെ സമീപിച്ചത്.
തിരുവനന്തപുരം, എറണാകുളം എന്നിവിടങ്ങളിലെ സ്വത്ത് വകകള്‍ക്ക് പുറമെ ഇടുക്കിയിലെ പീരുമേട്ടിലും തൃശ്ശൂര്‍ മുണ്ടൂരിലുമാണ് സൂരജിന് ഭൂമിയുള്ളത്. പീരുമേട്ടില്‍ 26 സെന്റും മുണ്ടൂരില്‍ 11 സെന്റ് ഭൂമിയും ഉണ്ട്. ഭാര്യയുടെയും തന്റെയും പേരില്‍ എട്ടിടങ്ങളില്‍ ഭൂമിയുള്ളതായാണ് സൂരജ് നേരത്തെ വെളിപ്പെടുത്തിട്ടുണ്ടെങ്കിലും വിജിലന്‍സ് അന്വേഷണത്തില്‍ ഇതില്‍ കൂടുതല്‍ വസ്തുവകകള്‍ ഉള്ളതായി കണ്ടെത്തി.
സൂരജിന്റെ എറണാകുളം രാജഗിരിയിലെ ഭൂമിക്കും വെയര്‍ ഹൗസിനും മാത്രം ഒന്നേകാല്‍ കോടിയോളം വില വരുമെന്നും കൂടാതെ കൊച്ചിയിലെ ഒരു ഫ്‌ലാറ്റിന് 70 ലക്ഷം രൂപയും മറ്റൊന്നിന് 89 ലക്ഷം രൂപയും വില വരുമെന്ന് വിജിലന്‍സ് കണ്ടെത്തിയിട്ടുണ്ട്. ഫോര്‍ട്ട് കൊച്ചിയിലെ കായലോരത്തോടു ചേര്‍ന്നുള്ള 16 സെന്റ് ഭൂമിക്ക് 49 ലക്ഷം രൂപ ചെലവാക്കിയതായി വിജിലന്‍സ് അന്വേഷണത്തില്‍ കണ്ടെത്തി. തിരുവനന്തപുരത്തും ഒരു വീടും ഒരു ഫ്‌ലാറ്റുമുണ്ട്.
വെണ്ണലയില്‍ സൂരജ് താമസിക്കുന്ന വീടിന് ഏതാണ്ട് ഒരു കോടിയിലധികം രൂപ വില മതിക്കും. ഇതിന് 33 ലക്ഷം രൂപയാണ് കണക്കില്‍ കാണിച്ചിരിക്കുന്നത്. മംഗലാപുരത്ത് മകന്റെ പേരില്‍ ഫ്‌ലാറ്റുള്ളതായി വിജിലന്‍സ് കണ്ടെത്തിയിട്ടുണ്ട്.
