മദ്യത്തില്‍ ആസിഡ് ഒഴിച്ചുകഴിച്ച യുവാവ് മരിച്ചു

By Aswathi

Updated: Wednesday, March 19, 2014, 11:47 [IST]

ഒറ്റപ്പാലം: ലഹരി തലയ്ക്കു പിടിച്ചാല്‍ ഇങ്ങനെയിരിക്കും. മദ്യത്തില്‍ വെള്ളമെന്ന് കരുതി ഒഴിച്ചത് ആസിഡ്. മദ്യത്തില്‍ ആസിഡ് ഒഴിച്ചു കുടിച്ച യുവാവ് മരിച്ചു. സൗത്ത് പനമണ്ണ കരിയന്‍ കാട്ടില്‍ ഗോപാലന്റെ മകന്‍ ഗോപകുമാറാണ് മരിച്ചത്.

പനമണ്ണ ക്ഷേത്രത്തിലെ പൂരാഘോഷത്തിനിടെയാണ് സംഭവം. തോട്ടുപാലത്തെ വീട്ടില്‍ സംഘം ചേര്‍ന്ന് മദ്യപിക്കുകയായിരുന്നു മുപ്പത്തിനാലുകാരനായ ഗോപകുമാര്‍. വെള്ളമെന്ന് തെറ്റിദ്ധരിച്ച് ടൈല്‍സ് വൃത്തിയാക്കുന്ന ആസിഡ് അടങ്ങിയ ദ്രാവകം മദ്യത്തില്‍ ഒഴിച്ച് കഴിക്കുകയായിരുന്നു.

ആസിഡ് കഴിച്ചതും കുഴഞ്ഞുവീണ ഗോപകുമാറിനെ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാന്‍ കഴിഞ്ഞില്ല. കൂടെ മദ്യപിച്ചയാള്‍ ഗോപകുമാര്‍ വീഴുന്നതുകണ്ട്് ഉടന്‍ തുപ്പിക്കളഞ്ഞതിനാല്‍ രക്ഷപ്പെട്ടു.

സമാനമാസ സംഭവം കഴിഞ്ഞ ദിവസം മധ്യപ്രദേശിലും സംഭവിച്ചിരുന്നു. സ്ഥിരം മദ്യപാനിയായ സുരേഷ് സിംഗ് എന്ന നാല്‍പ്പത്തിഞ്ചുകാരനാണ് മദ്യമെന്ന് കരുതി ആസിഡ് എടുത്തുകുടിച്ച് മരിച്ചത്. സ്ഥിരമായി മദ്യപിച്ച് വീട്ടില്‍ ബഹളുമുണ്ടാക്കുന്ന ഇയാളുടെ കുടി നിര്‍ത്താന്‍ ഭാര്യ സാധ്യമായ വഴികളെല്ലാം തേടിയിട്ടും നടന്നിരുന്നില്ലായിരുന്നു.