കൊച്ചിയില്‍ കോളേജ് വിദ്യാര്‍ഥികള്‍ സഞ്ചരിച്ച ബസ് നിയന്ത്രണംവിട്ട് മറിഞ്ഞു; 3 പേര്‍ക്ക് പരിക്ക്‌

കൊച്ചി: കൊച്ചിയിൽ കോളേജ് വിദ്യാർത്ഥികൾ സഞ്ചരിച്ച ബസ് മറിഞ്ഞ് അപകടം. നിയന്ത്രണം വിട്ട് ബസ് മറിയുകയായിരുന്നു. കൊച്ചി ചക്കരപ്പറമ്പ് ദേശീയപാതയിലാണ് അപകടം. ഡ്രൈവർക്കും രണ്ട് വിദ്യാർഥികൾക്കും ഉൾപ്പെടെ 3 പേർക്ക് പരിക്കേറ്റു. തമിഴ്നാട്ടിൽ നിന്നുള്ള കോളേജ് വിദ്യാർഥികളാണ് ബസ്സിലുണ്ടായിരുന്നത്.

പുലർച്ചെ മൂന്ന് മണിയോടെയാണ് അപകടം ഉണ്ടായത്. ബസ് ഡിവൈഡറിൽ ഇടിച്ച് മറിയുകയായിരുന്നു. വിദ്യാർത്ഥികൾ കോയമ്പത്തൂരിൽ നിന്ന് വർക്കലയിലേക്ക് പോവുകയായിരുന്നു. 30 വിദ്യാർഥികളായിരുന്നു ബസ്സിലുണ്ടായിരുന്നത്. ആരുടെയും പരിക്ക് ​ഗുരുതരമല്ല.

അപകടത്തെ തുടർന്ന് ദേശീയപാതയിൽ ഒരു മണിക്കൂറോളം ​ഗതാ​ഗത തടസം ഉണ്ടായി. നാലാര മണിയോടെ പോലീസ് എത്തി സ് ബസ് റോഡിൽ നിന്ന് മാറ്റി. ​ഗതാ​ഗതം പൂർവസ്ഥതിയിലായിട്ടുണ്ട്. പരിക്കേറ്റവർ പ്രാഥമിക ശുശ്രൂഷയ്ക്ക് ശേഷം മറ്റൊരു വാഹനത്തിൽ യാത്ര തുടർന്നു.