• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

രണ്ടുദിവസത്തിനിടെ നാല് മരണം; മലപ്പുറത്തെ വൃദ്ധസദനത്തില്‍ സംഭവിച്ചത്, ദുരൂഹത, കേസെടുത്തു

മലപ്പുറം: തവനൂരിലെ വൃദ്ധസദനത്തില്‍ ദുരൂഹമായി ചില മരണങ്ങള്‍. രണ്ടുദിവസത്തിനിടെ നാല് പേര്‍ മരിച്ച സംഭവത്തിലാണ് ദുരൂഹത ആരോപിക്കുന്നത്. ഇതേ തുടര്‍ന്ന് സംസ്ഥാന മനുഷ്യാവകാശ കമ്മീഷന്‍ സ്വമേധയാ കേസെടുത്തു. വിശദമായ അന്വേഷണം നടത്താന്‍ പോലീസിന് നിര്‍ദേശം നല്‍കി.

സര്‍ക്കാര്‍ നിയന്ത്രണത്തിലുള്ള വൃദ്ധസദനമാണ് തവനൂരിലേത്. രണ്ട് സ്ത്രീകള്‍ ഉള്‍പ്പെടെ നാല് പേരാണ് ഇവിടെ രണ്ടുദിവസത്തിനിടെ മരിച്ചത്. തിങ്കളാഴ്ച പുലര്‍ച്ചെ മൂന്ന് പേരാണ് മരിച്ചത്. ഞായറാഴ്ച മരിച്ച വ്യക്തിയുടെ മൃതദേഹം സംസ്‌കരിച്ചിരുന്നു. കാളിയമ്മ, ശ്രീദേവി, വേലായുധന്‍, കൃഷ്ണമോഹന്‍ എന്നിവരാണ് മരിച്ചത്.

വാര്‍ധക്യസഹജമായ അസുഖമാണ് മരണ കാരണമെന്ന് വൃദ്ധ സദനം അധികൃതര്‍ പറയുന്നു. എന്നാല്‍ ദുരൂഹതയുണ്ടെന്നാണ് നാട്ടുകാരുടെ നിലപാട്. ഇതേ തുടര്‍ന്നാണ് മനുഷ്യാവകാശ കമ്മീഷന്റെ ഇടപെടല്‍. ജില്ലാ കളക്ടര്‍, പോലീസ് മേധാവി, സാമൂഹിക നീതി ഓഫീസര്‍ തുടങ്ങയവരോടാണ് മനുഷ്യാവകാശ കമ്മീഷന്‍ അംഗം മോഹന്‍കുമാര്‍ അന്വേഷണത്തിന് നിര്‍ദേശം നല്‍കിയത്. മൂന്നാഴ്ചക്കകം റിപ്പോര്‍ട്ട് സമര്‍പ്പിക്കാനും നിര്‍ദേശം നല്‍കിയിട്ടുണ്ട്.

അന്തേവാസികളുടെ ആരോഗ്യനില, ഭക്ഷ്യവസ്തുക്കളുടെ ഗുണനിലവാരം എന്നിവ പരിശോധിക്കാന്‍ പ്രത്യേകം ആവശ്യപ്പെട്ടിട്ടുണ്ട്. മൂന്ന് പേര്‍ ഒരു ദിവസം മരിച്ചത് ആശങ്കപ്പെടുത്തുന്നതാണ്. ഇവിടെ നടക്കുന്ന മരണങ്ങള്‍ പുറംലോകം അറിയുന്നില്ലെന്നും നാട്ടുകാര്‍ ആരോപിക്കുന്നു. സംസ്‌കാരം തിടുക്കത്തില്‍ നടത്തുന്നത് സംശയാസ്പദമാണെന്ന് നാട്ടുകാര്‍ പറയുന്നു.

English summary
Thavanur old age shelter home mysterious death; probe starts

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more