• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ബിനീഷ് കോടിയേരിക്ക് കുരുക്ക് മുറുകുന്നു; ഇഡിക്ക് പിന്നാലെ ആദായനികുതി വകുപ്പും, അന്വേഷണം

കൊച്ചി: മയക്കുമരുന്ന് കേസുമായി ബന്ധപ്പെട്ട് ബംഗളൂരുവില്‍ എന്‍ഫോഴ്‌സ്‌മെന്റിന്റെ കസ്റ്റഡിയിലായ ബിനീഷ് കോടിയേരിക്കെതിരെ കൂടുതല്‍ നടപടികളിലേക്ക് കടന്നിരിക്കുകയാണ് അന്വേഷണ സംഘം. അന്വേഷണ സംഘം തിരുവന്തപുരത്തെ മരുതംകുഴയിലെ കൂട്ടാന്‍വിളയിലെ വീട്ടിലേക്ക് പരിശോധനയ്ക്കായി എത്തി. ഇന്ന് രാവിലെ ഒമ്പത് മണിയോടെ അന്വേഷണ സംഘം വീട്ടിലെത്തിയത്. അതേസമയം, ബിനീഷ് കോടിയേരിക്കെതിരെ സാമ്പത്തിക ഇടപാടുകളെ പറ്റി ആദായനികുതി വകുപ്പും അന്വേഷിക്കുമെന്ന റിപ്പോര്‍ട്ടും പുറത്തുവരുന്നുണ്ട്. വിശദാംശങ്ങളിലേക്ക്..

കേസ് രജിസ്റ്റര്‍ ചെയ്‌തേക്കും

കേസ് രജിസ്റ്റര്‍ ചെയ്‌തേക്കും

ബിനീഷിന്റെ സാമ്പത്തിക ഇടപാടുകളെ പറ്റി അന്വേഷിക്കാന്‍ ആദായനികുതി വകുപ്പ് കേസ് രജിസ്റ്റര്‍ ചെയ്‌തേക്കുമെന്നാണ് ഏഷ്യാനെറ്റ് ന്യൂസ് റിപ്പോര്‍ട്ട് ചെയ്യുന്നത്. ഇഡി കണ്ടെത്തിയ ആദായ നികുതി റിട്ടേണും ബാങ്ക് നിക്ഷേപവും തമ്മിലുള്ള വ്യത്യാസമാണ് ആദായനികുതി വകുപ്പിന്റെ നടപടിക്ക് അടിസ്ഥാനമെന്നാണ് റിപ്പോര്‍ട്ട്.

ആറാം ദിവസവും ചോദ്യം ചെയ്ത് ഇഡി

ആറാം ദിവസവും ചോദ്യം ചെയ്ത് ഇഡി

തുടര്‍ച്ചയായി ആറ് ദിവസമാണ് ഇഡി ബിനീഷിനെ ചോദ്യം ചെയ്തത്. കേരളത്തിലെ ബിനീഷിന്റെ കമ്പനികളെ കുറിച്ചും ഇഡിയുടെ അന്വേഷമം പുരോഗമിക്കുകയാണ്. ഇതിനിടെ ബിനീഷ് ലഹരിക്ക് അടിമയാണെന്നും കേരളത്തിലും ദുബായിലും നിരവധി കേസുകളുള്ള കുറ്റവാളിയാണെന്നും ഇഡി കോടതിയില്‍ വ്യക്തമാക്കിയിരുന്നു.

ആദായനികുതി വകുപ്പും തിരുവനന്തപുരത്ത്

ആദായനികുതി വകുപ്പും തിരുവനന്തപുരത്ത്

ഇഡിയോടൊപ്പം തന്നെ ആദായനികുതി വകുപ്പും തിരുവനന്തപുരത്ത് എത്തിയിട്ടുണ്ട്. തിരുവനന്തപുരത്തെ ബിനീഷിന്റെ സംരഭങ്ങള്‍ പലതാണെന്ന വിവരങ്ങളും അന്വേഷണ സംഘത്തിന് ലഭിച്ചിട്ടുണ്ട്. അബ്ദുള്‍ ലത്തീഫ് ബിനീഷിന്റെ ബിനമിയാണെന്നാണ് അന്വേഷണ സംഘം ഇപ്പോള്‍ വ്യക്തമാക്കുന്നത്.

 സ്വര്‍ണ്ണക്കടത്ത് കേസിലേക്കും

സ്വര്‍ണ്ണക്കടത്ത് കേസിലേക്കും

അതേസമയം, മയക്കുമരുന്ന കേസുകള്‍ക്കും സാമ്പത്തിക ഇടപാടുകള്‍ക്കും പുറമെ അന്വേഷണ സംഘം ഇപ്പോള്‍ സ്വര്‍ണക്കടത്ത് കേസിലേക്കും പങ്കുണ്ട് എന്നതിനുള്ള കൂടുതല്‍ വാദങ്ങള്‍ നിരത്തുകയാണ്. ഇതുമായി ബന്ധപ്പെട്ട് കൂടുതല്‍ കമ്പനികളെ ഇഡി അന്വേഷണ പരിധിയിലേക്ക് ഉള്‍പ്പെടുത്തിയെന്നാണ് വിവരം. ഈ കമ്പനികളുമായി ബിനീഷിന് ബിനാമികളുമായി ബന്ധമുണ്ടെന്ന നിഗമനത്തിലാണ് നടപടി.

പരിശോധന നടത്തി

പരിശോധന നടത്തി

രാവിലെ ബിനീഷിന്റെ വീട്ടിലെത്തിയ ഇഡി സംഘം വീട് തുറന്ന് പരിശോധന നടത്തുകയായിരുന്നു. തുടര്‍ന്ന് സ്റ്റാച്യൂവിലെ ചിറകുളം റോഡിലെ ടോറസ് റെമഡീസ് എന്ന സ്ഥാപനത്തില്‍ പരിശോധന നടത്തി. 2009ലാണ് സ്ഥാപനം തുടങ്ങിയത്. എട്ടുപേരടങ്ങുന്ന ഇഡി സംഘം പൊലീസ് ഏര്‍പ്പെടുത്തിയ വാഹനത്തിലാണ് പരിശോധനക്കെത്തിയത്. സംഘത്തിന് സിആര്‍പിഎഫ് ജവാന്‍മാരുടെ സുരക്ഷയും ഏര്‍പ്പെടുത്തിയിരുന്നു.

ബിനീഷ് കോടിയേരിയുമായി ബന്ധമുള്ള ആറ് സ്ഥാപനങ്ങളിൽ റെയ്ഡ്: ടോറസ് റെമഡീസും കാർ പാലസും പട്ടികയിൽ

അത്ഭുതങ്ങള്‍ പ്രതീക്ഷിക്കാമോ? ഇന്ത്യ-ചൈന എട്ടാം സൈനികതല ചര്‍ച്ച നവംബര്‍ ആറിന് നടക്കാന്‍ സാധ്യത

യുഎസ് തിരഞ്ഞെടുപ്പ്: ട്രംപിന്റെ വിജയത്തിന് പൂജനടത്തി ഹിന്ദുസേന, ക്ഷേത്രത്തിൽ 30 മിനിറ്റ് പ്രാർത്ഥന

തിരഞ്ഞെടുപ്പ് റാലിക്കിടെ നിതീഷ് കുമാറിന് നേരെ ഉള്ളിയേറ്; വലയം തീര്‍ത്ത് സുരക്ഷ ഉദ്യോഗസ്ഥര്‍

cmsvideo
    Bineesh Kodiyeri facing serious allegations in bangalore case

    English summary
    The Income Tax Department will investigate Bineesh kodiyeri's financial dealings
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X