നടി ഇനിയയുടെ വീട്ടില് മോഷണം
തിരുവനന്തപുരം: ചലച്ചിത്രം താരം ഇനിയയുടെ വീട്ടില് മോഷണം. അഞ്ച് ലക്ഷം രൂപയും രണ്ടര ലക്ഷം രൂപയുടെ സ്വര്ണാഭരണങ്ങളുമാണ് കവര്ച്ച ചെയ്തത്. വ്യാഴാഴ്ച രാത്രി കുടുംബാംഗങ്ങള് സെക്കന്റ് ഷോയ്ക്ക് പോയ സമയത്താണ് മോഷണം നടന്നത്.
തിരുവവന്തപുരം മരുതൂര്ക്കടവിലുള്ളടിസി 50/519(3) സോപാനം എന്ന വീട്ടിലാണ് മോഷണം നടന്നത്. ഇനിയയുടെ അച്ഛന് സലാഹുദ്ദീന് പൊലീസില് പരാതി നല്കിയിട്ടുണ്ട്. വീടിന്റെ മുന്വശത്തെ പൂട്ടും കിടപ്പുമുറിയുടെ പൂട്ടും തകര്ത്താണ് മോഷണം നടന്നത്. പണവും സ്വര്ണവും സൂക്ഷിച്ചിരുന്ന അലമാര തുറന്നു കിടന്നതായും പരാതിയില് പറയുന്നു.
സിനിമയ്ക്ക് ശേഷം മടങ്ങിയെത്തിയപ്പോഴാണ് മോഷണം നടന്ന വിവരം അറിയുന്നത്. മകളുടെ വിവാഹ നിശ്ചയത്തിന് വരന്റെ വീട്ടുകാര് നല്കിയ സ്വര്ണമാണ് നഷ്ടമായതെന്ന് സലാഹുദ്ദീന് പൊലീസിനോട് പറഞ്ഞു. സീരിയല് താരമായ സ്വാതി ഇനിയയുടെ സഹോദരിയാണ്. വീടിന്റെ മുന്വാതില് തുറന്ന് മോഷ്ടാവ് അകത്ത് കടന്നതിനെപ്പറ്റി ദുരൂഹതയുണ്ട്. കേസില് പൊലീസ് അന്വേഷണം ആരംഭിച്ചിട്ടുണ്ട്.