• search

മലപ്പുറത്തെ വീട്ടില്‍ വന്‍ കവര്‍ച്ച; വീട്ടുകാര്‍ക്ക് ഭക്ഷണത്തില്‍ വിഷം കലര്‍ത്തി, ജോലിക്കാരി മുങ്ങി

Subscribe to Oneindia Malayalam
For Quick Alerts
ALLOW NOTIFICATIONS
For Daily Alerts

    തിരൂര്‍: മലപ്പുറം ജില്ലയിലെ തിരൂരിനടുത്ത് വീട്ടില്‍ കവര്‍ച്ച. വീട്ടുകാര്‍ക്ക് ഭക്ഷണത്തില്‍ വിഷം കലര്‍ത്തി നല്‍കിയാണ് കവര്‍ച്ച നടത്തിയത്. വീട്ടില്‍ ജോലിക്ക് നിന്നിരുന്ന തമിഴ്‌നാട് സ്വദേശിനിയെ കാണാനില്ല. തിരൂര്‍ ആലിങ്ങല്‍ എടശ്ശേരി ഖാലിദ് അലിയുടെ വീട്ടിലാണ് സംഭവം.

    Kerala

    രാവിലെ വീട്ടിലെത്തിയ അയല്‍വാസികള്‍ കണ്ടത് വാതിലുകള്‍ തുറന്നുകിടക്കുന്നതാണ്. അകത്ത് കയറി നോക്കിയപ്പോഴാണ് ഖാലിദ് അലിയും ഭാര്യയുമുള്‍പ്പെടെയുള്ളവര്‍ അബോധാവസ്ഥയില്‍ കിടക്കുന്നത് കണ്ടത്. ഖാലിദ് അലി, ഭാര്യ സൈനബ, മകള്‍ സഫീദ, മറ്റൊരു മകളുടെ കുട്ടി എന്നിവരെ ഉടന്‍ ആശുപത്രിയില്‍ എത്തിച്ചു.

    തിരൂര്‍ താലൂക്ക് ആശുപത്രിയില്‍ എത്തിച്ച ഇവരെ വിദഗ്ധ ചികില്‍സയ്ക്ക് വേണ്ടി കോഴിക്കോട് മെഡിക്കല്‍ കോളജിലേക്ക് മാറ്റി.

    വീട്ടിലെ സ്വര്‍ണവും പണവും മോഷണം പോയിട്ടുണ്ട്. ജോലിക്ക് നിന്നിരുന്ന തമിഴ്‌നാട് സ്വദേശിയായ മാരിയമ്മയെ കാണാനില്ല. മാരിയമ്മ തന്ന ജ്യൂസ് കഴിച്ചതിന് ശേഷമാണ് എല്ലാവരും ബോധരഹിതരായതത്രെ. സ്വര്‍ണാഭരണങ്ങള്‍ക്ക് പുറമെ വീട്ടില്‍ നിന്ന് ചില സാധനങ്ങളും മോഷണം പോയിട്ടുണ്ട്.

    സംഭവത്തിന് പിന്നില്‍ വന്‍ സംഘമുണ്ടാകുമെന്നാണ് പോലീസ് സംശയിക്കുന്നത്. ഒരു സ്ത്രീയ്ക്ക് ഒറ്റയ്ക്ക് ഇത്തരം കൃത്യം ചെയ്യാന്‍ സാധിക്കില്ലെന്ന് പോലീസ് പറയുന്നു. വിശദമായ അന്വേഷണം തുടങ്ങിയതായി പോലീസ് അറിയിച്ചു.

    വീട്ടില്‍ ജോലിക്ക് ആളെ ഏര്‍പ്പാടാക്കി തരുന്ന വ്യക്തി മുഖേനയാണ് മാരിയമ്മ ഈ വീട്ടില്‍ ജോലിക്കെത്തിയത്. പാന്‍ബസാറില്‍ താമസിക്കുന്ന തമിഴ്‌നാട് സ്വദേശിയാണ് ഖാലിദ് അലിക്ക് ജോലിക്ക് സ്ത്രീയെ നിര്‍ത്തിക്കൊടുത്തത്. ഇയാളെ പോലീസ് കസ്റ്റഡിയിലെടുത്തു. മാരിയമ്മയെ കുറിച്ചുള്ള വിവരങ്ങള്‍ ചോദിച്ചറിയുകയാണ് ലക്ഷ്യം. പോലീസിന് മാരിയമ്മയെ കുറിച്ചുള്ള വ്യക്തമായ വിവരം ലഭിച്ചിട്ടുണ്ട്.

    English summary
    Robbery in house in Tirur, Malappuram, home maid absconding

    Oneindia യില് നിന്നും തല്സമയ വാര്ത്തകള്ക്ക്
    ഉടനടി വാര്ത്തകള് ദിവസം മുഴുവന് ലഭിക്കാന്

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more