• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ജില്ലയിലെ വിവിധ ഭാഗങ്ങളിൽ ആളൊഴിഞ്ഞ വീടുകളിൽ മോഷണം,പണവും സ്വർണവും കവർന്നു..അലമാരയിലെ മദ്യകുപ്പിയും വിട്ടില്ല!

  • By desk

തിരുവനന്തപുരം: ജില്ലയിലെ വിവിധ ഇടങ്ങളിലെ ആളൊഴിഞ്ഞ വീടുകൾ കേന്ദ്രീകരിച്ച് മോഷണം.തിരുവനന്തപുരം പേട്ടയിലും കോവളത്തും കടയ്ക്കാവൂരിലുമാണ് മോഷണം നടന്നത്.മൂന്ന് വീടുകളും പൂട്ടിക്കിടന്നവയാണ്.

പേട്ടയിൽ വീട് കുത്തിത്തുറന്ന് വാതിലുകളും അലമാരകളും തകർത്ത് വീട് അലങ്കോലമാക്കിയ മോഷ്ടാക്കൾ വീട്ടിൽ സൂക്ഷിച്ചിരുന്ന 13,000 രൂപയും ബ്രിട്ടീഷ് പൗണ്ടും 10,000 രൂപ വില വരുന്ന വാച്ചും മോഷ്ടിച്ചു. അലമാരയിൽ ഉണ്ടായിരുന്ന വിദേശമദ്യവും മോഷ്ടാക്കൾ കുടിച്ചു.

കടയ്ക്കാവൂരിലും ആൾത്താമസമില്ലാതെ പൂട്ടിയിട്ടിരുന്ന വീട് കുത്തിത്തുറന്ന് ആറേകാൽ പവൻ മോഷ്ടിച്ചു. കടയ്‌ക്കാവൂർ റെയിൽവേ സ്റ്റേഷന് സമീപം ശങ്കരമംഗലത്ത് മുരുകാലയത്തിൽ ശരണ്യയുടെ വീട്ടിലാണ് സംഭവം. കുറച്ച് ദിവസമായി ശരണ്യ കുടുംബ വീട്ടിലായിരുന്നു താമസം.

കഴിഞ്ഞ ദിവസം ശരണ്യ തിരികെ എത്തിയപ്പോഴാണ് വീട് കുത്തിത്തുറന്ന് സാധനങ്ങളും മറ്റും വലിച്ചുവാരിയിട്ടിരിക്കുന്നത് ശ്രദ്ധയിൽപ്പെട്ടത്. തുടർന്ന് അലമാര പരിശോധിച്ചപ്പോഴാണ് മോഷണം നടന്നതായി മനസിലായത്. വെങ്ങാനൂർ കിടാരക്കുഴി ലാവണ്യയിൽ സരളകുമാരിയുടെ വീടിന്റെ മുൻവാതിലിലെ പൂട്ട് തകർത്ത് 13000 രൂപയും ഒന്നരപ്പവനും കവർന്നു.

ഇന്നലെ രാവിലെ 10.30ഓടെ വാതിൽ തുറന്ന് കിടക്കുന്നത് പ്രദേശവാസികളുടെ ശ്രദ്ധയിൽപ്പെട്ടതോടെയാണ് മോഷണവിവരം പുറത്തറിയുന്നത്. ഭർത്താവ് സുധാകരൻ നാടാരുടെ മരണശേഷം ഇവിടെ ഒറ്റയ്‌ക്ക് താമസിച്ചിരുന്ന റിട്ട. ഹെൽത്ത് സർവീസ് ജീവനക്കാരിയായ സരളകുമാരി മകൾ ലാവണ്യയോടൊപ്പം രണ്ടാഴ്ചയ്‌ക്ക് മുമ്പ് തൃക്കണ്ണാപുരത്തേക്ക് താമസം മാറിയിരുന്നു. കിടപ്പുമുറിയിലാണ് കവർച്ച നടന്നത്.

ജില്ലാ ആശുപത്രി അധികൃതരെ ഫ്രറ്റേണിറ്റി മൂവ്മെന്റ് ഘരാവോ ചെയ്തു

English summary
theft in some areas of Thiruvanathapur
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more