കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സമദാനിയെ കത്തികൊണ്ട് കുത്തിയിട്ടില്ല ?

  • By Soorya Chandran
Google Oneindia Malayalam News

കോട്ടക്കല്‍: മുസ്ലീം ലീഗ് എംഎല്‍എ അബ്ദുസമദ് സമദാനിക്ക് കത്തി കൊണ്ട് കുത്തേറ്റു എന്നത് വെറും ആരോപണം മാത്രമോ...? സാഹചര്യ തെളിവുകളും ആശുപത്രിയിലെ പരിശോധന റിപ്പോര്‍ട്ടുകളും വിരല്‍ ചൂണ്ടുന്നത് ഇത്തരം ഒരു നിഗമനത്തിലേക്കാണ്. അപ്പോള്‍ സമദാനി ലോകത്തോട് മുഴുവന്‍ കള്ളം പറയുകയായിരുന്നു എന്നൊരു സംശയവും ബാക്കിയാകുന്നു.

പള്ളി തര്‍ക്കത്തില്‍ മധ്യസ്ഥ ചര്‍ച്ചക്ക് ശേഷം സ്വകാര്യ സംഭാഷണത്തിനായി മുറിക്കകത്ത് കയറിയ കുഞ്ഞാവ ഹാജി തന്നെ അപ്രതീക്ഷിതമായി കത്തികൊണ്ട് കുത്തി എന്നാണ് സമദാനിയുടെ മൊഴി. ഒഴിഞ്ഞുമാറിയത് കൊണ്ട് മാത്രമാണ് വലിയ അപകടം ഉണ്ടാകാതിരുന്നതെന്നും സമദാനി പറയുന്നു.

Samadani Hospital

സമദാനിയുടെ മൂക്കിനും നെറ്റിക്കും ഇടയിലാണ് മുറിവേറ്റിട്ടുള്ളത്. അധികം ആഴമില്ലാത്ത ചെറിയ മുറിവാണിത്. ഇവിടെ ത്വക്കിലും കട്ടി കുറവാണ്. സമദാനിയുടെ മൂക്കിന്റെ എല്ലിന് ചെറിയ പൊട്ടലും ഉണ്ട്. ഇക്കാരണങ്ങളെല്ലാം പരിശോധിക്കുമ്പോള്‍ കത്തികൊണ്ട് നടത്തിയ ആക്രമണമാണോ എന്ന കാര്യം സ്ഥിരീകരിക്കാനാവില്ലെന്നാണ് ഡോക്ടര്‍മാര്‍ തന്നെ പറയുന്നത്.

ഇതിനെ പിന്തുപണക്കുന്നതാണ് കുത്തി എന്ന ആരോപിക്കുന്ന കുഞ്ഞാവ ഹാജിയുടെ മൊഴി. താന്‍ പേപ്പര്‍ വെയ്റ്റ് കൊണ്ട് അടിക്കുകയാണ് ഉണ്ടായതെന്നാണ് കുഞ്ഞാവഹാജി പോലീസിന് മൊഴി നല്‍കിയിട്ടുള്ളത്. കത്തികൊണ്ടാണോ സമദാനി ആക്രമിക്കപ്പെട്ടത് എന്ന കാര്യത്തില്‍ പോലീസിനും വ്യക്തതയില്ല.

കുഞ്ഞാവ ഹാജിയുടെ കയ്യില്‍ ആ സമയം കത്തിയുണ്ടായിരുന്നോ എന്ന കാര്യത്തില്‍ സമദാനിയുടെ മൊഴിയല്ലാതെ മറ്റ് തെളിവുകള്‍ ഒന്നും ഇല്ല. ഇനി കത്തികൊണ്ടല്ല , പേപ്പര്‍ വെയ്റ്റ് കൊണ്ടാണ് സമദാനി ആക്രമിക്കപ്പെട്ടതെങ്കില്‍ പിന്നെന്തിനാണ് ഈ നുണകള്‍.

വലത് വശത്തെ ചില്ല് തകര്‍ത്ത് തന്റെ നെഞ്ചില്‍ തട്ടി ഇടത് വശത്തെ ചില്ല് തകര്‍ത്ത് കല്ല് തെറിച്ചുപോയി എന്ന് മുഖ്യമന്ത്രി പറഞ്ഞത് പോലെയാകുമോ സമദാനിയുടേയും കാര്യം.

English summary
There was no stabbing in Smadani case?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X