ലോകത്തിലെ ഏറ്റവും കൂടുതൽ ​ഗതാ​ഗതക്കുരുക്കുള്ള ന​ഗരങ്ങളിൽ കേരളത്തിലെ ഈ ന​ഗരവും; ഇന്ത്യയിലെ 10 ന​ഗരങ്ങൾ

കൊച്ചി: ഏറ്റവും രൂക്ഷമായ ​ഗതാ​ഗതക്കുരുക്ക് അനുഭവിക്കുന്ന ലോക ന​ഗരങ്ങളുടെ പട്ടികയിൽ കൊച്ചിയും. തിരക്കേറിയ സമയത്ത് 10 കിലോ മീറ്റർ കടക്കണമെങ്കിൽ എറണാകുളത്ത് ശരാശരി 28 മിനിറ്റും 30 സെക്കന്റും വേണ്ടിവരുമെന്നാണ് ദ ടോം ടോം ട്രാഫിക് ഇൻഡക്സിന്റെ റിപ്പോർട്ട്.

ഗതാ​ഗതക്കുരുക്കിൽ കുടുങ്ങി സ്ഥിരം യാത്രക്കാർ വർഷത്തിൽ 78 മണിക്കൂർ നഷ്ടപ്പെടുത്തുന്നുണ്ടെന്നാണ് റിപ്പോർട്ടിൽ പറഞ്ഞിരിക്കുന്നത്. 62 രാജ്യങ്ങളിലായി 500 ന​ഗരങ്ങളിലെ ട്രാഫിക് ട്രെന്റുകൾ വിശകലനം ചെയ്താണ് ടോംടോം ട്രാഫിക് ഇൻഡക്സിന്റെ 14ാം പതിപ്പ് പുറത്തിറക്കിയത്. ഇന്ത്യയിലെ തിരക്കേറിയ 10 നഗരങ്ങൾ ഏതാണെന്ന് നോക്കാം...

കൊൽക്കത്ത: 34 മിനിറ്റും 33 സെക്കന്റും കൊണ്ട് മാത്രമെ 10 കിലോ മീറ്റർ ദൂരം കടക്കാനാകൂ. വർഷത്തിൽ 110 മണിക്കൂറാണ് കൊൽക്കത്തിയെ ബ്ലോക്കിൽ നഷ്ടമാകുന്നത്.

ബെം​ഗളൂരു: ഇവിടെ 34 മിനിറ്റും 10 സെക്കന്റും കൊണ്ട് മാത്രമെ 10 കിലോ മീറ്റർ പിന്നീടാനാകൂ.

പൂനെ: 33 മിനിറ്റും 22 സെക്കന്റും വേണം പൂനയിൽ തിരക്കുള്ള സമയത്ത് 10 കിലോ മീറ്റർ കടക്കാനാകൂ. ഒരു വർഷത്തിൽ 108 മണിക്കൂർ ട്രാഫിക് ബ്ലോക്കിൽ സമയം പോകും.

ഹൈദരാബാദ്; 31 മിനിറ്റ് 30 സെക്കന്റ് സമയം വേണം 10 കിലോ മീറ്റർ കടന്നുപോകാൻ. ആ​ഗോള തലത്തിൽ പതിനെട്ടാം സ്ഥാനത്താണ്.

ചെന്നൈ: 10 കിലോ മീറ്റർ പിന്നിടണമെങ്കിൽ 30 മിനിറ്റും 20 സെക്കന്റും സഞ്ചരിക്കണം. മുപ്പത്തിയൊന്നാം സ്ഥാനത്താണ് ആ​ഗോളതലത്തിൽ‌ ചെന്നൈയുടെ സ്ഥാനം വരുന്നത്.

മുംബൈ: 29 മിനിറ്റും 26 സെക്കന്റും കൊണ്ട് മാത്രമെ മുംബൈയിൽ 10 കിലോ മീറ്റർ കടന്നുപോകാനാകൂ.

അഹമ്മദാബാദ്: ഇവിടെ 29 മിനിറ്റും 3 സെക്കന്റും വേണം തിരക്കേറിയ സമയത്ത് 10 കിലോ മീറ്റർ കടക്കാൻ.

എറണാകുളം: പൊതുവേ ട്രാഫിക് ബ്ലോക്കിന് പേര് കേട്ട ന​ഗരമാണ് കൊച്ചി. 28 മിനിറ്റിം 30 സെക്കന്റും വേണം എറണാകുളക്ക് 10 കിലോ മീറ്റർ കടക്കാൻ.

ജയ്പൂർ: വിനോദസഞ്ചാരികൾ ധാരാളാമായി എത്തുന്ന സ്ഥലമാണ് ജയ്പൂർ. 28 മിനിറ്റും 28 സെക്കന്റ് വേണം 10 കിലോ മീറ്റർ താണ്ടാൻ.

ന്യൂഡൽഹി: 23 മിനിറ്റും 24 സെക്കന്റും ചെലവഴിക്കണം10 കിലോ മീറ്റർ ദൂരം സ‍ഞ്ചരിക്കാൻ. ആ​ഗോളതലത്തിൽ 122 ാം സ്ഥാനത്താണ്.

English summary

These Indian cities Have The Worst Traffic Congestion, Here Is The List 10 Cities Including Kochi