Click it and Unblock the Notifications
Just In
Don't Miss
-
7 പേർക്ക് പോകാവുന്ന ഹ്യുണ്ടായിയുടെ ഫാമിലി എസ്യുവിക്ക് 55,000 രൂപ വിലക്കുറവ്, വിട്ടാലോ ഷോറൂമിലേക്ക് -
അഞ്ച് വർഷം ഗർഭം ധരിക്കാൻ ശ്രമിച്ചു, പക്ഷെ നടന്നില്ല; വാടക ഗർഭധാരണ മാർഗം സ്വീകരിച്ചതിനെക്കുറിച്ച് കിരൺ -
Weekly Numerology Horoscope: മേടത്തിലെ സൂര്യന് വെറുതേ അസ്തമിക്കില്ല: സൂര്യനെപ്പോലെ തിളങ്ങും ഭാഗ്യം -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
കുമ്പളയില്‍ അറസ്റ്റിലായ മോഷണക്കേസ് പ്രതി കാസര്‍കോട്ടെ കടയില്‍ നിന്ന് അറുപതിനായിരം രൂപ കവര്‍ന്നു
കാസര്‍കോട്: കുമ്പളയില്‍ അറസ്റ്റിലായ നിരവധി മോഷണക്കേസുകളിലെ പ്രതി ഇരിട്ടി സ്വദേശി സജി (32) കാസര്‍കോട്ടെ കടയില്‍ നിന്ന് 60,000 രൂപ കവര്‍ന്നതായി വിവരം. പുതിയ ബസ്സ്റ്റാന്റ് സര്‍ക്കിളിന് സമീപം എം.ജി റോഡിലെ സി.എം സ്റ്റോര്‍സില്‍ നിന്നും സജി പണം കവര്‍ന്നതായി കടയുടമ പൊലീസില്‍ പരാതി നല്‍കി. ഈ മാസം എട്ടാം തിയതി പലചരക്കു കടയിലെത്തിയ യുവാവ് അരി, പഞ്ചസാര അടക്കമുള്ള പതിനഞ്ചോളം സാധനങ്ങള്‍ വേണമെന്നാവശ്യപ്പെട്ട് ഉടമയുടെ ശ്രദ്ധ തെറ്റിച്ചാണത്രെ മേശ വലിപ്പിലുണ്ടായിരുന്ന പണം കവര്‍ന്നത്.
സാധനങ്ങള്‍ തൂക്കാനും പാക്ക് ചെയ്യാനും ഉടമ തിരിഞ്ഞപ്പോഴാണ് പണം തട്ടിയത്. സഹോദരങ്ങളായ ആനവാതുക്കല്‍ അബ്ദുല്ലഹാജിയുടെയും മൊയ്തീന്‍ കുഞ്ഞിയുടെയും ഉടമസ്ഥതയിലുള്ളതാണ് കട. അബ്ദുല്ലഹാജി മാത്രമായിരുന്നു ഈ സമയത്ത് കടയിലുണ്ടായിരുന്നത്. ഇത് മുതലെടുത്താണ് പണം കവര്‍ന്നത്. സാധനങ്ങള്‍ ഓരോന്നായി കെട്ടിക്കൊണ്ടിരിക്കെ ഫോണ്‍ ചെയ്യാനെന്ന ഭാവേന റോഡിലേക്ക് നീങ്ങിയ യുവാവ് അപ്രത്യക്ഷനാവുകയായിരുന്നു. തുടര്‍ന്നാണ് പണം നഷ്ടപ്പെട്ട വിവരം അറിഞ്ഞത്.
വീട്ടില്‍ ബോര്‍വെല്‍ കുഴിക്കാനായി കരുതിവെച്ച പണമായിരുന്നു കവര്‍ന്നത്. പണം നഷ്ടപ്പെട്ട വിവരം നേരത്തെ പൊലീസിനെ അറിയിച്ചിരുന്നു. ഇന്നലെ പത്രത്തില്‍ കുമ്പളയില്‍ അറസ്റ്റിലായ പ്രതിയുടെ ഫോട്ടോ കണ്ടപ്പോഴാണ് തങ്ങളുടെ കടയിലും കവര്‍ച്ച നടത്തിയത് ഇതേ ആളെന്ന് ഉടമ തിരിച്ചറിഞ്ഞത്. കാസര്‍കോട് പൊലീസ് കേസെടുത്ത് അന്വേഷണം തുടങ്ങി. പ്രതിയെ കസ്റ്റഡിയില്‍ വാങ്ങി വിശദമായി ചോദ്യം ചെയ്യുമെന്ന് എസ്.ഐ. പി. അജിത് കുമാര്‍ പറഞ്ഞു.
