• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സദാചാര ആക്രമണം: രാധാകൃഷ്ണന്‍ അന്വേഷണം അട്ടിമറിക്കാനും ശ്രമിച്ചു, അന്വേഷണ സമിതിയിലും അടുപ്പക്കാര്‍!!

  • By Vidyasagar

തിരുവനന്തപുരം: വനിതാ മാധ്യമപ്രവര്‍ത്തകയുടെ വീട്ടില്‍ അതിക്രമിച്ച് കയറിയ സദാചാര ആക്രമണം നടത്തിയ കേസിലെ പ്രതി അന്വേഷണം അട്ടിമറിക്കാന്‍ ശ്രമിച്ചിരുന്നതായി റിപ്പോര്‍ട്ട്. തിരുവനന്തപുരം പ്രസ് ക്ലബിന്റെ മാനേജ്‌മെന്റ് കമ്മിറ്റി പരാതി പ്രകാരം അന്വേഷണ സമിതിയെ കനിയമിച്ചിരുന്നു. എന്നാല്‍ ഈ സമിതിയില്‍ അടുപ്പക്കാരെ നിയമിച്ച് കേസ് അട്ടിമറിക്കാനാണ് പ്രസ് ക്ലബ് സെക്രട്ടറി എം രാധാകൃഷ്ണന്‍ ശ്രമിച്ചത്. രാധാകൃഷ്ണന്റെ പാനലില്‍ നിന്ന് വിജയിച്ച പ്രസിഡന്റിന്റെ അധ്യക്ഷതയില്‍ ചേര്‍ന്ന യോഗമാണ് അന്വേഷണ കമ്മീഷനെ നിയമിക്കാന്‍ തീരുമാനിച്ചത്.എന്നാല്‍ അന്വേഷണ കമ്മീഷനിലെ നാലംഗങ്ങളും രാധാകൃഷ്ണന്റെ അടുപ്പക്കാരാണ്.

പ്രസ് ക്ലബ് തിരഞ്ഞെടുപ്പ് വേളയില്‍ രാധാകൃഷ്ണന് വേണ്ടി പരസ്യമായി വോട്ട് അഭ്യര്‍ത്ഥിച്ചവരാണ് ഈ കമ്മിറ്റിയില്‍ ഉണ്ടായിരുന്ന നാല് പേരും. അതേസമയം മനോരമ പാനലില്‍ നിന്നുള്ള സഹായവും പ്രസ് ക്ലബ് സെക്രട്ടറിക്ക് അന്വേഷണത്തിന്റെ ഭാഗമായി ലഭിച്ചിരുന്നു. ഏഷ്യാനെറ്റ് ന്യൂസിലെ സുജയ പാര്‍വതി, ജന്മഭൂമി ദിനപത്രത്തിലെ പി ശ്രീകുമാര്‍, മലയാള മനോരമയിലെ രാജീവ് ഗോപാലകൃഷ്ണന്‍, തത്വമയി ന്യൂസിലെ വി ഷീന എന്നിവരാണ് നാലംഗ കമ്മിറ്റിയിലുണ്ടായിരുന്നവര്‍.

ഇവര്‍ തിരഞ്ഞെടുപ്പ് കാലത്ത് രാധാകൃഷ്ണന് വേണ്ടി പരസ്യമായി വോട്ടഭ്യര്‍ഥിച്ചവരാണ്. അന്വേഷണം അട്ടിമറിക്കാന്‍ ഈ കമ്മിറ്റി വഴിയാണ് പ്രസ് ക്ലബ് സെക്രട്ടറി ശ്രമിച്ചത്. ഒപ്പം പ്രസ് ക്ലബ് സമിതിയില്‍ ഭൂരിപക്ഷത്തിന്റെ സ്വാധീനമുള്ളതിനാല്‍ ഈ അന്വേഷണ കമ്മീഷനെ എളുപ്പത്തില്‍ നിയമിക്കാനും സാധിച്ചു. എന്നാല്‍ വനിതാ മാധ്യമപ്രവര്‍ത്തകരുടെ പ്രതിഷേധമാണ് ഒടുവില്‍ രാധാകൃഷ്ണന്റെ അറസ്റ്റിലേക്ക് നയിച്ചത്.

വനിതാ മാധ്യമപ്രവര്‍ത്തകരുടെ കൂട്ടായ്മ ഇന്ന് രാവിലെ തൊട്ട് ശക്തമായ പ്രതിഷേധം നടത്തുന്നുണ്ട്. സമ്മര്‍ദം ശക്തമായതോടെ പേട്ട പോലീസ് പ്രസ് ക്ലബിലെത്തി രാധാകൃഷ്ണനെ അറസ്റ്റ് ചെയ്തത്. വനിതാ മാധ്യമ പ്രവര്‍ത്തകര്‍ കൂക്കി വിളിച്ചാണ് ഇയാളെ ജീപ്പ് വരെ അനുഗമിച്ചത്. ഒരു കുടുംബത്തെ സംരക്ഷിക്കാന്‍ ശ്രമിച്ചതിനാണ് താന്‍ ശിക്ഷിക്കപ്പെടുന്നത് എന്നാണ് അറസ്റ്റിനിടെ പ്രസ് ക്ലബ് സെക്രട്ടറി പറഞ്ഞത്.

സദാചാര ആക്രമണം; തിരുവനന്തപുരം പ്രസ്‌ക്ലബ്ബ് സെക്രട്ടറി രാധാകൃഷ്ണന്‍ അറസ്റ്റില്‍

English summary
thiruvananthapuram press club secretary tries to sabotage the case against him
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more
X