Click it and Unblock the Notifications
Just In
Don't Miss
-
നീ സിനിമയില് പോയാല് ഞാന് മരിക്കും എന്ന് അച്ഛന്; പെണ്കുട്ടികള്ക്ക് സുരക്ഷിതമല്ലെന്ന് കരുതി -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ -
ഇവനിങ്ങ് വന്നാൽ വിയർക്കുന്നത് ഹാരിയർ, ടെറിട്ടറി പിടിച്ചെടുക്കാൻ ഫോർഡിന്റെ ഈ എസ്യുവി -
900 വര്ഷം പഴക്കമുള്ള മമ്മി, 1000 തൂണുകളുള്ള ഹാള്; അത്ഭുതം ഈ രംഗനാഥസ്വാമി ക്ഷേത്രം -
സ്വർണവില കേട്ട് തലകറങ്ങരുത്, ഉടൻ തന്നെ പവന്റെ വില 60,000 കടക്കും, ഇന്നത്തെ നിരക്കറിയാം -
അവധി ഇത്തവണ ഹൗറയിൽ... ബെംഗളുരുവിൽ നിന്ന് കൊൽക്കത്തയുടെ ഇരട്ട നഗരത്തിലേക്ക് പോകാം, സ്പെഷ്യൽ ട്രെയിൻ
ഡീസല്‍ വിലയുടെ അടിസ്ഥാനത്തില്‍ ബസ് ചാര്‍ജ് കുറയ്ക്കാനാകില്ല
കോട്ടയം: ഡീസല്‍ വില കുറഞ്ഞ സാഹചര്യത്തില്‍ കെഎസ്ആര്‍ടിസി ബസ് നിരക്ക് കുറയ്ക്കാന്‍ സാധിക്കില്ലെന്ന് ഗതാഗതമന്ത്രി തിരുവഞ്ചൂര്‍ രാധാകൃഷ്ണന്‍. ഡീസല്‍ വില കുറഞ്ഞാല്‍ ഒന്നും കെ.എസ്.ആര്‍.ടി.സിയുടെ പ്രതിസന്ധി കുറയില്ലെന്നും അദ്ദേഹം പറഞ്ഞു. ബസിന്റെ മറ്റ് സാധന സാമഗ്രികളുടെ വില വര്‍ധിക്കുകയാണ്. സ്‌പെയര്‍ പാര്‍ട്‌സിന്റെയും ടയറിന്റെ വില കൂടിയുണ്ട്. ഈ സാഹചര്യത്തില്‍ കെഎസ്ആര്‍ടിസി നിരക്ക് കുറച്ചാല്‍ ശരിയാകില്ല. കെഎസ്ആര്‍ടിസിക്ക് ഉള്ള നഷ്ടം നികത്തുന്നത് വരെ ചാര്‍ജ്ജ് കുറയ്ക്കില്ലെന്നും മന്ത്രി വ്യക്തമാക്കി.
ഡീസല്‍ വില കുറഞ്ഞ സാഹചര്യത്തില്‍ 14 രൂപ മുതലുള്ള ടിക്കറ്റുകള്‍ക്കു സെസ് ഏര്‍പ്പെടുത്താനുള്ള നീക്കം ഉപേക്ഷിച്ചിട്ടുണ്ട്. ഡീസല്‍ വില ഇനിയും കുറയുക ആണെങ്കില്‍ അതിനുള്ള ഗുണം ജനങ്ങള്‍ക്കുണ്ടാകും. മൂന്നു മാസത്തിനുള്ളില്‍ കെഎസ്ആര്‍ടിസിയെ ലാഭത്തില്‍ എത്തിക്കാനാണ് ശ്രമം എന്നും തിരുവഞ്ചൂര്‍ കോട്ടയത്ത് പറഞ്ഞു.
കെഎസ്ആര്‍ടിസിലെ സാമ്പത്തിക പ്രതിസന്ധി പരിഹരിക്കാന്‍ എല്ലാവരും സഹകരിച്ചു പ്രവര്‍ത്തിക്കേണ്ടതാണ്. ജീവനക്കാര്‍ കളക്ഷന്‍ വര്‍ധിപ്പിച്ചാല്‍ പ്രതിസന്ധി ഒരു പരിധി വരെ കുറയ്ക്കാന്‍ സാധിക്കും. വായ്പകളുടെ പലിശ കുറയ്ക്കണമെന്ന് ആവശ്യപ്പെട്ടിട്ടുണ്ടെന്നും മന്ത്രി പറഞ്ഞു.
കെഎസ്ആര്‍ടിസി എന്ന പേര് സ്വന്തമാക്കാന്‍ ആര്‍ക്കും കഴിയില്ലെന്നും അവകാശവാദം ഉന്നയിച്ച കര്‍ണാടക സര്‍ക്കാരിന്റെ നടപടിക്കെതിരെ കേരളം അപ്പീല്‍ നല്‍കുമെന്നും തിരുവഞ്ചൂര്‍ പറഞ്ഞു. കെഎസ്ആര്‍ടിസിയുടെ പേരു നഷ്ടമാകുന്നതു കേരളത്തിന്റെ അലംഭാവം കൊണ്ടാണ് എന്നുള്ള ആരോപണം ഉയര്‍ന്നതിന് പിന്നാലെയാണ് മന്ത്രിയുടെ ഈ പ്രസ്താവന.
