• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ഉദ്യോഗാർത്ഥികളോടുള്ള സമീപനം തിരുത്താൻ തയ്യാറാവാത്ത സര്‍ക്കാറാണ് ഇത്: രമേശ് ചെന്നിത്തല

തിരുവനന്തപുരം: പി എസ് സി നിയമനങ്ങളുടെ പേരില്‍ സര്‍ക്കാറിനെതിരെ രൂക്ഷ വിമര്‍ശനവുമായി പ്രതിപക്ഷ നേതാവ് രമേശ് ചെന്നിത്തല. റാങ്ക്ലിസ്റ്റിൽ ഇടം നേടിയിട്ടു പോലും ജോലി ലഭിക്കാഞ്ഞതിൽ മനം നൊന്ത് ഒരു ചെറുപ്പക്കാരൻ ആത്മഹത്യ ചെയ്തിട്ടു പോലും, ഉദ്യോഗാർത്ഥികളോടുള്ള സമീപനം തിരുത്താൻ ഈ സർക്കാർ തയ്യാറായിട്ടില്ലെന്നും അദ്ദേഹം പറഞ്ഞു.

സംവിധായകൻ കമൽ എഴുതിക്കൊടുത്ത പോലെ പാർട്ടിക്ക് വേണ്ടപ്പെട്ടവരെ നികുതിപ്പണം കൊണ്ടു തീറ്റിപ്പോറ്റാനുള്ള കടും വെട്ടാണ് ഈ സർക്കാർ നടത്തുന്നത്. താത്കാലിക ജീവനക്കാരെ സ്ഥിരപ്പെടുത്തുന്നതിലെ നിയമവിരുദ്ധത സുപ്രീം കോടതി വിധികളിലൂടെ ചൂണ്ടിക്കാണിച്ചതാണ്. എന്നാൽ, ചില പ്രത്യേക വിധികളോട് മാത്രം ശുഷ്‌കാന്തി കാണിക്കുന്ന പ്രത്യേക ജനുസ്സിൽ ഉള്ള ഒരു സർക്കാരാണ് ഇതെന്നും രമേശ് ചെന്നിത്തല ആരോപിച്ചു.

cmsvideo
    കോഴിക്കോട്: ശബരിമല വിഷയം; സിപിഎമ്മും ബിജെപിയും ഒത്തുകളിക്കുന്നുവെന്ന് ചെന്നിത്തല

    സിഡിറ്റും, കെൽട്രോണും പോലുള്ള സ്ഥാപനങ്ങൾ പ്രവർത്തിക്കുന്നത് എ കെ ജി സെന്ററിൽ നിന്നുള്ള പണം കൊണ്ടല്ല. കോഴിക്കോട് സർവ്വകലാശാലയിലെ നിയമനങ്ങളെ രൂക്ഷമായി ഹൈക്കോടതി വിമർശിച്ചതാണ്. തെറ്റായ പ്രവണതകളുടെ ഉത്തരവാദിത്തം പൊതുവെ ഉദ്യോഗസ്ഥരുടെ തലയിലിടുന്ന പതിവുള്ള സർക്കാർ, വകുപ്പ് സെക്രട്ടറിമാരുടെ നിർദ്ദേശങ്ങളെപ്പോലും തള്ളിയാണ് ഉദ്യോഗാർത്ഥികളായ യുവാക്കളെ വഞ്ചിക്കുന്നത്.

    3 ലക്ഷം പിൻവാതിൽ നിയമനങ്ങൾ നാലര വർഷം കൊണ്ടു നടത്തിയ സർക്കാർ ആണിത്.

    തൊഴിലന്വേഷിച്ചു കഷ്ടപ്പെടുന്ന യുവാക്കളുടെയും, റാങ്കലിസ്റ്റിൽ പേര് വന്നിട്ടും ഓരോ വാതിലിലും പോയി മുട്ടേണ്ടി വരുന്ന യുവാക്കളുടെയും കണ്ണു നീരിൽ ഈ സർക്കാർ മുങ്ങിത്താഴും. യു ഡി എഫ് സർക്കാർ അധികാരത്തിൽ വരുമ്പോൾ പിൻവാതിൽ നിയമനങ്ങൾ പുന:പരിശോധിക്കും, പി എസ് സിയിലൂടെയും, എംപ്ലോയ്മെന്റ് എക്സ്ചേഞ്ചിലൂടെയും നിയമനങ്ങൾ നടത്തും. പിൻവാതിൽ നിയമനങ്ങൾ എന്നന്നേക്കുമായി അവസാനിപ്പിക്കുമെന്നും അദ്ദേഹം പറഞ്ഞു. ശബരിമല വിഷയത്തില്‍ സിപിഎമ്മും ബിജെപിയും ഒത്ത് കളിക്കുവാണെന്നും അദ്ദേഹം ആരോപിച്ചു.

    English summary
    This is a government that is not ready to change its attitude towards job seekers: Ramesh Chennithala
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X