രക്ഷകനായി ഉമ്മൻചാണ്ടി, വധശിക്ഷയിൽ നിന്ന് രക്ഷിച്ചത് മൂന്ന് പ്രവാസി മലയാളികളെ, നൽകിയത് വൻതുക
റിയാദ്: കേരളത്തിലെ ജനപ്രിയ മുഖ്യമന്ത്രിമാരില് ഒരു സ്ഥാനം മുന് യുഡിഎഫ് സര്ക്കാരിനെ നയിച്ച ഉമ്മന്ചാണ്ടിക്കുണ്ട്. ചില വിവാദങ്ങള് നിറം കെടുത്തിയെങ്കിലും ഇപ്പോഴും കക്ഷി രാഷ്ട്രീയത്തിന് അപ്പുറത്തുളള ആരാധകര് ഉമ്മന്ചാണ്ടിക്കുണ്ട്.
സൗദിയില് വധശിക്ഷയ്ക്ക് വിധിക്കപ്പെട്ട മൂന്ന് പ്രവാസി മലയാളികളെയാണ് ഉമ്മന്ചാണ്ടി സ്വന്തം കയ്യില് നിന്നും പണം കൊടുത്ത് മരണത്തില് നിന്ന് രക്ഷപ്പെടുത്തിയിരിക്കുന്നത്. സംഭവം ഇങ്ങനെ...
2008ലാണ് കൊല്ലം ജില്ലക്കാരായ പ്രവാസികള് സുധീര് മുസ്തഫ, മന്സൂര് സൈനുല് ആബിദീന്, മുഹമ്മദ് റഫീഖ് എന്നിവരെയാണ് സൗദി ശരീഅ കോടതി വധശിക്ഷയ്ക്ക് വിധിച്ചത്. കൊല്ലം സ്വദേശിയായ നൗഷാദ് കൊല്ലപ്പെട്ട കേസിലായിരുന്നു വിധി. റിയാദിലെ അല്ഹൈര് ജയിലില് ആയിരുന്നു മൂവരും വധശിക്ഷ കാത്ത് കഴിഞ്ഞിരുന്നത്. തുടര്ന്നാണ് ഇവര് മൂന്ന് പേരുടേയും കുടുംബങ്ങള് സഹായം തേടി അന്നത്തെ മുഖ്യമന്ത്രിയായിരുന്ന ഉമ്മന്ചാണ്ടിയെ സമീപിച്ചത്.
വധശിക്ഷ ഒഴിവാക്കി കിട്ടാന് സഹായിക്കണം എന്നായിരുന്നു വീട്ടുകാരുടെ ആവശ്യം. വധശിക്ഷ ഒഴിവാക്കണമെങ്കില് കൊല്ലപ്പെട്ട ആളുടെ കുടുംബം മാപ്പ് നല്കാന് തയ്യാറാകണം. മാത്രമല്ല ദയാ ധനം അഥവാ ബ്ലഡ് മണിയും കൊല്ലപ്പെട്ട ആളുടെ കുടുംബത്തിന് നല്കണം. റിയാദിലെ സാമൂഹ്യ പ്രവര്ത്തകനായ ശിഹാബ് കൊട്ടുകാടിന്റെ സഹായത്തോടെ പ്രതികളില് ഒരാളുടെ സുഹൃത്തായ ഉനൈസ് ഇന്ത്യന് എംബസ്സിയെ സമീപിച്ചു.
പ്രതികള്ക്ക് മാപ്പ് ലഭിക്കുകയാണ് എങ്കില് ബ്ലഡ് മണി നല്കാന് തയ്യാറാണ് എന്ന് കുടുംബാംഗങ്ങള് എംബസ്സിയെ അറിയിച്ചു. ഇതോടെ മുഖ്യമന്ത്രിയുടെ ഓഫീസ് ഇതിനായുളള നടപടികള് ത്വരിതപ്പെടുത്തി. വര്ക്കല സ്വദേശിയായ അഭിഭാഷകന് ഷക്കീര് വഴിയാണ് ഉമ്മന്ചാണ്ടിയുടെ ഓഫീസ് നടപടികള് നീക്കിയത്. കൊല്ലപ്പെട്ട ഉനൈസിന്റെ കുടുംബം പ്രതികള്ക്ക് മാപ്പ് നല്കാമെന്ന് സമ്മതിച്ചു.
50 ലക്ഷം രൂപയാണ് ബ്ലഡ് മണിയായി ആവശ്യപ്പെട്ടത്. പ്രതിയായ മൂന്ന് പേരുടെ കുടുംബങ്ങളും സമ്മതിച്ചതോടെ മാപ്പ് നല്കിക്കൊണ്ടുളള സമ്മതപത്രം ഇന്ത്യന് എംബസ്സി കോടതിയില് സമര്പ്പിച്ചു. ഇതോടെ മൂന്ന് പ്രതികളേയും വധശിക്ഷയില് നിന്ന് ഒഴിവാക്കി. അതേസമയം 9 വര്ഷത്തെ തടവ് ശിക്ഷ ഒഴിവാക്കിയിരുന്നില്ല. ഈ ശിക്ഷാ കാലാവധി കഴിഞ്ഞ ശേഷം പ്രതികള് നാട്ടിലേക്ക് മടങ്ങി.
എന്നാല് കേസ് ഇതോടെ അവസാനിച്ചിരുന്നില്ല. കൊല്ലപ്പെട്ട ആളുടെ കുടുംബം ബ്ലഡ് മണി സ്വീകരിച്ചതായുളള രേഖ കോടതിയില് എത്താത്തതാണ് കാരണം. പ്രതികളായ മൂന്ന് പേരുടെയും കുടുംബങ്ങള് പത്ത് ലക്ഷം രൂപ വീതം നല്കാം എന്നാണ് ആദ്യം ഉമ്മന്ചാണ്ടിയെ അറിയിച്ചിരുന്നത്. എന്നാല് അത്രയും തുക തരാനുളള സാമ്പത്തിക ശേഷി തങ്ങള്ക്ക് ഇല്ലെന്ന് പിന്നീട് ഇവര് അറിയിക്കുകയായിരുന്നു.
ഈ സമയം വര്ഷങ്ങള് കഴിയുകയും ഉമ്മന്ചാണ്ടി സര്ക്കാരിന്റെ കാലാവധി പൂര്ത്തിയാവുകയും ചെയ്തിരുന്നു. പ്രതികളില് ഒരാളായ റഫീഖ് അതിനിടെ കൊവിഡ് ബാധിച്ച് മരണപ്പെടുകയും ചെയ്തു. ഇതോടെ ബ്ലഡ് മണി സ്വന്തം കയ്യില് നിന്നും ഉമ്മന്ചാണ്ടി നല്കേണ്ട സ്ഥിതിയായി. സ്വന്തം കയ്യില് നിന്നും കൂടാതെ അടുപ്പമുളളവരുടെ സഹായത്തോടും കൂടിയാണ് 50 ലക്ഷം രൂപ ഉമ്മന്ചാണ്ടി കൊല്ലപ്പെട്ട ഉനൈസിന്റെ കുടുംബത്തിന് നല്കി കേസ് അവസാനിപ്പിച്ചത്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google