കാറിനുള്ളിൽ അലറിവിളിച്ച് യുവതി! വാഹനം തടഞ്ഞ നാട്ടുകാർ ശരിക്കും 'വിറച്ചു'! സംഭവം തൊടുപുഴയിൽ....

വ്യാഴാഴ്ച ഉച്ചയ്ക്ക് ശേഷം തൊടുപുഴ അശോക ജംഗ്ഷനിലാണ് സംഭവമുണ്ടായത്.

By ഡെന്നീസ്

Published: Friday, September 8, 2017, 13:05 [IST]

തൊടുപുഴ: സിനിമയെ വെല്ലുന്ന നാടകീയ രംഗങ്ങളാണ് കഴിഞ്ഞദിവസം തൊടുപുഴയിൽ അരങ്ങേറിയത്. ഓടിക്കൊണ്ടിരിക്കുന്ന കാറിനുള്ളിൽ നിന്ന് യുവതിയുടെ കരച്ചിലും ബഹളവും കേട്ട് നാട്ടുകാർ വാഹനം തടഞ്ഞതോടെയാണ് സംഭവങ്ങളുടെ തുടക്കം.

'എന്നെപ്പറ്റി പലതും അമ്മയോട് പറഞ്ഞു, അത് കേട്ട് നിർത്താതെ കരഞ്ഞിട്ടുണ്ട്'! ലിച്ചി തുറന്നു പറയുന്നു..

വ്യാഴാഴ്ച ഉച്ചയ്ക്ക് ശേഷം തൊടുപുഴ അശോക ജംഗ്ഷനിലാണ് സംഭവമുണ്ടായത്. തൊടുപുഴ-മൂവാറ്റുപുഴ റോഡിലൂടെ പോകുകയായിരുന്ന കാറിൽ നിന്നാണ് യുവതിയുടെ കരച്ചിലും അലർച്ചയും കേട്ടത്. ഇതോടെ അശോക ജംഗ്ഷനിലുണ്ടായിരുന്നവർ ഓടിക്കൂടി മൂവാറ്റുപുഴ ഭാഗത്തേക്ക് പോകുകയായിരുന്ന കാർ തടഞ്ഞു. യുവതിയെ തട്ടിക്കൊണ്ടുപോകുകയാണെന്നാണ് നാട്ടുകാർ കരുതിയത്.

കാർ തടഞ്ഞിട്ടു...

യുവതിയുടെ കരച്ചിലും അലർച്ചയും കേട്ടാണ് നാട്ടുകാർ കാർ തടഞ്ഞത്. നാട്ടുകാർ വാഹനം തടഞ്ഞയുടൻ കാറിലുണ്ടായിരുന്ന യുവതി പുറത്തേക്ക് ചാടാൻ ശ്രമിച്ചു.

തട്ടിക്കൊണ്ടുപോകലെന്ന്...

ഇതിനിടെ, ഓടിക്കൂടിയ നാട്ടുകാർ കാറിലുണ്ടായിരുന്ന യുവാവിനെയും ഡ്രൈവറേയും കയ്യേറ്റം ചെയ്യാൻ ശ്രമിച്ചു. യുവതിയെ തട്ടിക്കൊണ്ടുപോകുകയാണെന്ന് ആരോപിച്ചാണ് നാട്ടുുകാർ ഇരുവരെയും കയ്യേറ്റം ചെയ്തത്.

പോലീസ്...

പ്രശ്നം ഗുരുതരമാണെന്ന് മനസിലാക്കിയ ആരോ വിവരം പോലീസിനെ അറിയിച്ചു. ഉടൻതന്നെ തൊടുപുഴ പോലീസ് അശോക ജംഗ്ഷനിലെത്തി.

പ്ലേറ്റ് മാറ്റി!

എന്നാൽ പോലീസെത്തിയതോടെ കാറിലുണ്ടായിരുന്ന യുവതി പ്ലേറ്റ് മാറ്റി. അതുവരെ അലറിവിളിച്ചിരുന്ന യുവതി പോലീസിനെ കണ്ടതോടെ കരച്ചിലും ബഹളവും നിർത്തി.

നാട്ടുകാർക്കെതിരെ...

നാട്ടുകാർ വാഹനം തടഞ്ഞ് നിർത്തി തങ്ങളെ തടഞ്ഞുവെച്ചിരിക്കുകയാണെന്നാണ് യുവതി പോലീസിനോട് പറഞ്ഞത്. ഇതോടെ രക്ഷിക്കാനെത്തിയ നാട്ടുകാർ പ്രതിസ്ഥാനത്തായി.

മദ്യപിച്ചെന്ന്...

സംഭവം പന്തിയല്ലെന്ന് കണ്ട് ചിലർ സ്ഥലത്ത് നിന്നും തടിയൂരി. എന്നാൽ പോലീസ് കാറിലുണ്ടായിരുന്ന മൂന്നു പേരെയും വിശദമായി ചോദ്യം ചെയ്തു. ഡ്രൈവർ മദ്യപിച്ചതായി കണ്ടെത്തിയതിനെ തുടർന്ന് മൂന്നു പേരെയും സ്റ്റേഷനിലേക്ക് കൊണ്ടുപോയി.