ആറ് മാസത്തിനകം മതം മാറണം...! ഇല്ലെങ്കില് കൈവെട്ടും..! കെപി രാമനുണ്ണിക്ക് ഭീഷണി !
തിരുവനന്തപുരം:മതം മാറണമെന്ന് ആവശ്യപ്പെട്ട് പ്രശസ്ത ചെറുകഥാകാരനും നോവലിസ്റ്റുമായ കെപി രാമനുണ്ണിക്ക് ഭീഷണിക്കത്ത്. ആറ് മാസത്തിനകം മതം മാറണമെന്നാണ് കത്തിലെ ഭീഷണി. ഇല്ലെങ്കില് ന്യൂമാന് കോളേജിലെ പ്രൊഫസര് ജോസഫിന്റെ അനുഭവം ഉണ്ടാകുമെന്നും കത്തില് ഭീഷണി മുഴക്കിയിരിക്കുന്നു. ആറ് ദിവസം മുന്പാണ് കെ പി രാമനുണ്ണിക്ക് ഈ ഭീഷണിക്കത്ത് ലഭിച്ചത്. കോഴിക്കോട്ടെ വീട്ടിലേക്ക് തപാല് വഴിയാണ് കത്തെത്തിയത്.
നടിയുടെ ദൃശ്യങ്ങള് കയ്യിലുള്ള ആ വിഐപി ഒടുവില് പുറത്ത്..! വെളിപ്പെടുത്തലിൽ കേരളം ഞെട്ടുന്നു...!
മാധ്യമം ദിനപത്രത്തിന് വേണ്ടി പ്രിയപ്പെട്ട ഹിന്ദുക്കളോടും മുസ്ലീങ്ങളോടും ഒരു വിശ്വാസി എന്ന തലക്കെട്ടില് കെ പി രാമനുണ്ണി ലേഖനം എഴുതിയിരുന്നു. കത്ത് അയച്ചത് ആരെന്ന് വ്യക്തമല്ലെങ്കിലും ഈ ലേഖനത്തില് പ്രകോപിതരായ ആരോ ആണ് പിന്നിലെന്നാണ് സംശയിക്കുന്നത്. നിഷ്കളങ്കരായ മുസ്ലീംങ്ങളെ വഴിതെറ്റിക്കുന്നതില് നിന്നും പിന്മാറണമെന്നും കത്തില് ആവശ്യപ്പെട്ടിരിക്കുന്നു. അവിശ്വാസികള്ക്ക് ദൈവം നല്കിയിരിക്കുന്ന ശിക്ഷ വധശിക്ഷയാണെന്നും കത്തില് ഭീഷണിയുണ്ട്. കത്തിന്റെ സീല് മഞ്ചേരിയില് നിന്നാണ്. കെപി രാമനുണ്ണി നല്കിയ പരാതിയുടെ അടിസ്ഥാനത്തില് പോലീസ് കേസെടുത്ത് അന്വേഷണം ആരംഭിച്ചു.