സംസ്ഥാനത്തെ മൂന്ന് സര്ക്കാര് ആശുപത്രികള്ക്ക് കൂടി എന്ക്യൂഎഎസ് അംഗീകാരം, ആകെ 124 ആശുപത്രികള്
തിരുവനന്തപുരം: കേരളത്തിന്റെ ആരോഗ്യ മേഖലയ്ക്ക് വീണ്ടും ദേശീയ തലത്തിൽ അംഗീകാരം. സംസ്ഥാനത്തെ മൂന്ന് സര്ക്കാര് ആശുപത്രികള്ക്ക് കൂടി നാഷണല് ക്വാളിറ്റി അഷ്വറസന്സ് സ്റ്റാന്റേര്ഡ് (എന്.ക്യൂ.എ.എസ്) അംഗീകാരം ലഭിച്ചതായി ആരോഗ്യവകുപ്പ് മന്ത്രി വീണ ജോർജ് അറിയിച്ചു. തിരുവനന്തപുരം കാട്ടാക്കട ന്യൂ ആമച്ചല് കുടുംബാരോഗ്യ കേന്ദ്രം (സ്കോര് 96.4%), കൊല്ലം ഉളിയക്കോവില് അര്ബന് പ്രൈമറി ഹെല്ത്ത് സെന്റര് (സ്കോര് 93.5%), വയനാട് മുണ്ടേരി കല്പറ്റ അര്ബന് പ്രൈമറി ഹെല്ത്ത് സെന്റര് (സ്കോര് 91.92%) എന്നീ കേന്ദ്രങ്ങള്ക്കാണ് ഇപ്പോള് എന്.ക്യൂ.എ.എസ്. ബഹുമതി ലഭിച്ചത്. ദേശീയ ഗുണനിലവാര അംഗീകാരമാണ് നാഷണല് ക്വാളിറ്റി അഷ്വറസന്സ് സ്റ്റാന്റേര്ഡ്.
ഇതോടെ സംസ്ഥാനത്ത് ആകെ 124 ആരോഗ്യ സ്ഥാപനങ്ങള്ക്കാണ് എന്.ക്യു.എ.എസ്. അംഗീകാരം നേടിയെടുക്കാനായത്. 3 ജില്ലാ ആശുപത്രികള്, 4 താലൂക്ക് ആശുപത്രികള്, 7 സാമൂഹികാരോഗ്യ കേന്ദ്രങ്ങള്, 32 അര്ബന് പ്രൈമറി ഹെല്ത്ത് സെന്റര്, 78 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ് അംഗീകാരം നേടിയിട്ടുള്ളത്. രാജ്യത്തെ മികച്ച പ്രാഥമികാരോഗ്യ കേന്ദ്രങ്ങളുടെ വിഭാഗത്തില് ആദ്യത്തെ 12 സ്ഥാനവും കേരളം ഇപ്പോഴും നിലനിര്ത്തുകയാണ് എന്നും വീണ ജോർജ് അറിയിച്ചു.
ഇക്കഴിഞ്ഞ മെയ് മാസത്തിൽ സംസ്ഥാനത്തെ 11 ആശുപത്രികള്ക്ക് നാഷണല് ക്വാളിറ്റി അഷ്വറന്സ് സ്റ്റാന്റേര്ഡ് അംഗീകാരം ലഭിച്ചിരുന്നു. മലപ്പുറം അത്താനിക്കല് കുടുംബാരോഗ്യ കേന്ദ്രം (സ്കോര് 86.29%), കോഴിക്കോട് മൂടാടി കുടുംബാരോഗ്യ കേന്ദ്രം (സ്കോര് 90.4%), കൊല്ലം ഇളമ്പള്ളൂര് കുടുംബാരോഗ്യ കേന്ദ്രം (സ്കോര് 95.26%), കണ്ണൂര് പാനൂര് അര്ബന് പ്രൈമറി ഹെല്ത്ത് സെന്റര് (സ്കോര് 93.34%), തൃശൂര് ഗോസായിക്കുന്ന് അര്ബന് പ്രൈമറി ഹെല്ത്ത് സെന്റര് (സ്കോര് 78%), തിരുവനന്തപുരം വട്ടിയൂര്ക്കാവ് അര്ബന് പ്രൈമറി ഹെല്ത്ത് സെന്റര് (സ്കോര് 93.91%), കണ്ണൂര് ന്യൂ മാഹി കുടുംബാരോഗ്യ കേന്ദ്രം (സ്കോര് 87.6%), തൃശൂര് പോര്ക്കളേങ്ങാട് അര്ബന് പ്രൈമറി ഹെല്ത്ത് സെന്റര് (സ്കോര് 94.26%), കൊല്ലം മുണ്ടക്കല് അര്ബന് പ്രൈമറി ഹെല്ത്ത് സെന്റര് (സ്കോര് 91.8%), കോഴിക്കോട് പുറമേരി കുടുംബാരോഗ്യ കേന്ദ്രം (സ്കോര് 95%), ഇടുക്കി ഉടുമ്പന്ചോല കുടുംബാരോഗ്യ കേന്ദ്രം (സ്കോര് 92.6%) എന്നീ സര്ക്കാര് ആശുപത്രികള്ക്കാണ് എന്.ക്യൂ.എ.എസ്. ബഹുമതി ലഭിച്ചത്
Click it and Unblock the Notifications
Sign in with Google