സേലത്തിനടുത്ത് കാറപകടം..അമ്മയും മകനുമടക്കം മൂന്ന് മലയാളികള്‍ മരിച്ചു..!!

സേലം: തമിഴ്‌നാട്ടില്‍ സേലത്തിനടുത്ത് വാഹനാപകടത്തില്‍ മലയാളികളടക്കം നാലുപേര്‍ മരിച്ചു. ധര്‍മ്മപുരം- സേലം ദേശീയപാതയിലാണ് അപകടം നടന്നത്. ഇവര്‍ സഞ്ചരിച്ചിരുന്ന കാര്‍ ഡിവൈഡറില്‍ തട്ടി ഇടിച്ച ശേഷം എതിരെ വന്ന മറ്റൊരു കാറുമായി കൂട്ടിയിടിക്കുകയായിരുന്നു. പുലര്‍ച്ചെ ഒരു മണിയോടെ സേലത്തിനടുത്ത് കൃഷ്ണഗിരി ശേഷംപട്ടിയിലായിരുന്നു അപകടം.

കോട്ടയം മുണ്ടക്കയം സ്വദേശികളായ വത്സമ്മ( 70), മകന്‍ ബിനു (42), ജോണ്‍സണ്‍ (31) എന്നിവരാണ് മരിച്ചത്. മരിച്ചവരില്‍ നാലാമന്‍ തമിഴ്‌നാട് കൃഷ്ണഗിരി സ്വദേശിയാണ്. വാഹനമോടിച്ചിരുന്ന ബിനു ഉറങ്ങിപ്പോയതാകാം അപകടകാരണമെന്നാണ് പ്രാഥമിക നിഗമനം. ബെംഗളൂരുവിലെ ബന്ധുവിന്റെ വീട്ടില്‍ നിന്നും മടങ്ങുന്ന വഴിയിലാണ് അപകടമുണ്ടായത്. ബിനുമവിന്റെ മകളടക്കം വാഹനത്തിലുണ്ടായിരുന്ന മറ്റു രണ്ട് പേര്‍ പരുക്കുകളോടെ രക്ഷപ്പെട്ടു. ഇവര്‍ സഞ്ചരിച്ചിരുന്ന കാര്‍ പൂര്‍ണമായും തകര്‍ന്നു

English summary

Three Malayalis died in a car accident near salem in Tamil Nadu