രണ്ട് പേര് പറഞ്ഞാല് അംഗീകരിക്കാനാവില്ലെന്ന് ഷാനിമോള്; തൃക്കാക്കരയില് കൂടിയാലോചനയുണ്ടായില്ലെന്ന് വിമര്ശനം
തിരുവനന്തപുരം: തൃക്കാക്കര ഉപതെരഞ്ഞെടുപ്പിനുള്ള സ്ഥാനാര്ത്ഥി നിര്ണയത്തില് കോണ്ഗ്രസിനുള്ളില് അതൃപ്തി പുകയുന്നു. ജില്ലയിലെ മുതിര്ന്ന നേതാക്കളോട് സ്ഥാനാര്ത്ഥിയെ സംബന്ധിച്ച് ആലോചന നടത്തിയില്ലെന്ന കെ വി തോമസിന്റെ വിമര്ശനത്തിന് പിന്നാലെ ഷാനിമോള് ഉസ്മാന് നേതൃത്വത്തിനെതിരെ രംഗത്തെത്തി. പാര്ട്ടിയില് കൂടിയാലോചന ഇല്ലെന്ന് ഷാനിമോള് ഉസ്മാന് തുറന്നടിച്ചു.
പി ടി തോമസിന്റെ ഭാര്യയാണ് മത്സരിക്കുന്നത് എങ്കിലും തൃക്കാക്കരയിലേത് രാഷ്ട്രീയ പോരാട്ടമാണെന്നും ഷാനിമോള് ഉസ്മാന് കൂട്ടിച്ചേര്ത്തു. അഭിപ്രായം പറയേണ്ടെന്ന് രണ്ട് പേര് പറഞ്ഞാല് അംഗീകരിക്കാനാവില്ലെന്നും നേരത്തേ ഗ്രൂപ്പ് നേതാക്കള് കാര്യങ്ങള് അവതരിപ്പിക്കുമായിരുന്നുവെന്നും ഷാനിമോള് ഉസ്മാന് ഓര്മിപ്പിച്ചു. ഇപ്പോള് പാര്ട്ടിയില് ഓരോരുത്തരും നേതാക്കളാണെന്നും ഷാനിമോള് കൂട്ടിച്ചേര്ത്തു.
തൃക്കാക്കരയില് പി ടി തോമസിന്റെ ഭാര്യ ഉമ തോമസിനെയാണ് യു ഡി എഫ് സ്ഥാനാര്ഥിയായി പ്രഖ്യാപിച്ചിരിക്കുന്നത്. പതിവില് നിന്ന്് വ്യത്യസ്തമായി വളരെ നേരത്തേയായിരുന്നു കോണ്ഗ്രസിന്റെ സ്ഥാനാര്ത്ഥി പ്രഖ്യാപനം. എന്നാല്, തൃക്കാക്കരയിലെ സ്ഥാനാര്ഥിത്വത്തില് വേണ്ടത്ര കൂടിയാലോചന ഉണ്ടായില്ലെന്ന വിമര്ശനത്തിനാണ് ഇത് വഴിവെച്ചിരിക്കുന്നത്.
ഉമാ തോമസിന്റെ സ്ഥാനാര്ത്ഥി പ്രഖ്യാപനം പാര്ട്ടി പ്രവര്ത്തകരോട് ആലോചിക്കാതെ എടുത്ത തീരുമാനമാണ് എന്ന് ഡി സി സി ജനറല് സെക്രട്ടറി എം ബി മുരളീധരന് പറഞ്ഞിരുന്നു. പി ടി തോമസിനോട് നന്ദി കാണിക്കേണ്ടത് ഭാര്യക്ക് സ്ഥാനാര്ത്ഥിത്വം നല്കിയല്ലെന്നും സെമി കേഡര് എന്ന പേരില് പാര്ട്ടി പ്രവര്ത്തകരെ അടിച്ചമര്ത്താന് ശ്രമം നടക്കുന്നുണ്ടെന്നും എം ബി മുരളീധരന് കുറ്റപ്പെടുത്തിയിരുന്നു.
നേരത്തെ ഡൊമിനിക് പ്രസന്റേഷനും സ്ഥാനാര്ത്ഥി നിര്ണയത്തില് അതൃപ്തി അറിയിച്ചിരുന്നു. എന്നാല് മുന് മുഖ്യമന്ത്രി ഉമ്മന്ചാണ്ടി ഇടപെട്ട് ഡൊമിനിക് പ്രസന്റേഷനെ അനുനയിപ്പിക്കുകയായിരുന്നു. തൃക്കാക്കരയില് സ്ഥാനാര്ഥിയെ നിശ്ചയിക്കുമ്പോള് സാമൂഹിക സമവാക്യം പ്രധാനമാണെന്ന് ഡൊമിനിക് പ്രസന്റേഷന് പ്രതികരിച്ചിരുന്നു. സ്ഥാനാര്ത്ഥിയെപ്പറ്റി തന്നോട് ഇതുവരെ ചോദിച്ചിട്ടില്ലെന്നും സ്ഥാനാര്ത്ഥി ആരെന്ന് അറിഞ്ഞ ശേഷമേ പ്രചാരണത്തിനിറങ്ങൂവെന്നും അദ്ദേഹം പറഞ്ഞിരുന്നു.
കെ പി സി സി അധ്യക്ഷന് കെ സുധാകരന്, പ്രതിപക്ഷ നേതാവ് വി ഡി സതീശന്, യു ഡി എഫ് കണ്വീനര് എം എം ഹസ്സന്, ഉമ്മന്ചാണ്ടി, രമേശ് ചെന്നിത്തല എന്നിവര് പങ്കെടുത്ത യോഗത്തിലാണ് ഉമ തോമസിനെ സ്ഥാനാര്ത്ഥിയായി നിശ്ചയിച്ചത്. തീരുമാനം ഹൈക്കമാന്റ് അംഗീകരിച്ച് ഇന്നലെ പ്രഖ്യാപനവും നടത്തുകയായിരുന്നു.
സൂപ്പര്ലുക്കില് പാര്വതി; വൈറല് ചിത്രങ്ങള് കാണാം
-
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
ആരും കേരളത്തിൽ സർക്കാരുണ്ടാക്കാം, നേരിയ മുൻതൂക്കം ഈ മുന്നണിക്ക്, വോട്ട് വൈബ് സര്വ്വേ ഫലം പറയുന്നത് -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ
Click it and Unblock the Notifications
Sign in with Google