ഡബിള് ഡക്കര് ബസ്സില് തൃശൂര് നഗരം കാണാം; പുത്തൂര് സുവോളജിക്കല് പാര്ക്ക് യാത്ര ഹിറ്റടിക്കും
തൃശൂരിന് ഇരട്ടി മധുരമാണ് ലഭിക്കാന് പോകുന്നത്. ഈ മാസം 28ന് പുത്തൂര് സുവോളജിക്കല് പാര്ക്ക് ഉദ്ഘാടനം ചെയ്യും. തൃശൂരില് നിന്ന് സുവോളജിക്കല് പാര്ക്കിലേക്ക് തുറന്ന ഡബിള് ഡക്കര് ബസ് കെഎസ്ആര്ടിസി വക എത്തുകയാണ്. ഇതിന്റെ ട്രെയല് റണ് ഇന്ന് നടന്നു. മന്ത്രിമാരായ ഗണേഷ് കുമാറും ആര് രാജനും ഉള്പ്പെടെയുള്ള ജപ്രതിനിധികള് പങ്കെടുത്തു.
പാര്ക്ക് സജ്ജമാകുന്നതോടെ തൃശൂരിലേക്ക് കൂടുതല് ടൂറിസ്റ്റുകളെ പ്രതീക്ഷിക്കുന്നുണ്ട്. പ്രതിവര്ഷം 50 ലക്ഷം പേരെയാണ് ഇപ്പോള് പ്രതീക്ഷിക്കുന്നത്. ഇവരെ കൂടി ഉള്ക്കൊള്ളിക്കാനുള്ള സൗകര്യങ്ങള് നഗരത്തില് വരുത്താന് ശ്രമിക്കുകയാണ് കോര്പറേഷന്. അതിന് സഹായകമാണ് കെഎസ്ആര്ടിസി വക പുതിയ ബസ്. കൊച്ചിയില് നിന്ന് ബസ് കൊണ്ടുവന്നാണ് പരീക്ഷണ ഓട്ടം നടത്തിയത്.
ഈ മാസം 28നാണ് മുഖ്യമന്ത്രി സുവോളജിക്കല് പാര്ക്കിന്റെ ഉദ്ഘാടനം നിര്വഹിക്കുക. കാടിന്റെ പശ്ചാത്തലത്തിലാണ് പാര്ക്ക്. ദക്ഷിണേന്ത്യയിലെ ഏറ്റവും വലിയ രണ്ടാമത്തെ സുവോളജിക്കല് പാര്ക്കാകുമിത്. തൃശൂര് മൃഗശാലയിലെ മൃഗങ്ങളെ സുവോളജിക്കല് പാര്ക്കിലേക്ക് എത്തിച്ചുകൊണ്ടിരിക്കുകയാണ്. ജനുവരിയിലാണ് ജനങ്ങള്ക്ക് തുറന്നുകൊടുക്കുക.
മന്ത്രി ആവശ്യപ്പെട്ടു, ബസ് റെഡി
സുവോളജിക്കല് പാര്ക്കിലേക്ക് പോകാന് ഡബ്ബിള് ഡക്കര് ബസ് വേണം എന്ന് മന്ത്രി രാജന് ഗതാഗത മന്ത്രി കെബി ഗണേഷ് കുമാറിനോട് ആവശ്യപ്പെട്ടിരുന്നു. അദ്ദേഹം നടപടികള് വേഗത്തിലാക്കിയതോടെ ആണ് ഇന്ന് ട്രെയല് റണ് നടത്തിയത്. തുറന്ന ബസില് നഗരത്തിലൂടെ കറങ്ങി പുത്തൂരിലെ കാടുകള്ക്കുള്ളിലേക്ക് പോകുന്ന യാത്ര വളരെ മനോഹരമായിരിക്കും.
തൃശൂരിന് ലഭിച്ച ഡബ്ബിള് ഡക്കര് കെഎസ്ആര്ടിസി ബസ് ഹിറ്റടിക്കുമെന്ന ആത്മവിശ്വാസത്തിലാണ് മന്ത്രി ഗണേഷ് കുമാര്. നേരത്തെ തിരുവനന്തപുരത്തും കൊച്ചിയിലുമെല്ലാം മികച്ച പ്രതികരണം ലഭിച്ചതാണ് പ്രതീക്ഷ നല്കുന്നത്. രണ്ട് ബസുകള് വൈകാതെ തൃശൂരിലെത്തുമെന്നും മന്ത്രി പറഞ്ഞു. അതിവേഗമുള്ള നടപടികളാണ് ഗണേഷ് കുമാറിന്റെ കീഴിലുള്ള കെഎസ്ആര്ടിസിയുടെ എടുത്തുപറയേണ്ട മാറ്റം.
അതേസമയം, പുതിയ ഡബിള് ഡക്കര് ബസിന്റെ സര്വീസ് നീട്ടണം എന്ന അഭിപ്രായവും ഉയര്ന്നിട്ടുണ്ട്. പാലപ്പിള്ളി, ചിമ്മിണി വന്യജീവി സങ്കേതം വഴി ചിമ്മിണി ഡാം വരെ നീട്ടണം എന്നാണ് ഉയരുന്ന ആവശ്യം. കാട്ടിലൂടെയുള്ള യാത്ര കൂടുതല് പേരെ ആകര്ഷിക്കുമെന്നതാണ് ഇതിന്റെ നേട്ടം.
മൃഗങ്ങളെ പൂര്ണമായി സുവോളജിക്കല് പാര്ക്കിലേക്ക് മാറ്റിയാല് തൃശൂര് മൃഗശാലയുടെ പ്രവര്ത്തനം അവസാനിപ്പിക്കും. മൃഗശാലയിലെ സ്ഥിരം ജീവനക്കാരെ മൃഗശാല വകുപ്പില് നിന്ന് സുവോളജിക്കല് പാര്ക്കിന്റെ കീഴിലേക്ക് മാറ്റും. ഇതിന് ധനവകുപ്പ് അനുമതി നല്കിയിട്ടുണ്ട്. സുവോളജിക്കല് പാര്ക്ക് പ്രവര്ത്തന സജ്ജമാകുന്നതോടെ തൃശൂരില് ജനത്തിരക്കേറുമെന്നാണ് പ്രതീക്ഷിക്കുന്നത്.
-
മമ്മൂട്ടിക്ക് ഇപ്പോൾ വീണ്ടും മറ്റേ അസുഖം തുടങ്ങി, ഇനിയെങ്കിലും മനുഷ്യരുടെ പ്രാക്ക് വാങ്ങി കൂട്ടരുത്';ശാന്തിവിള -
സ്വർണ വില പവന് 70,000 രൂപയിലേക്ക്, അതുകഴിഞ്ഞ് കാത്തിരിക്കുന്നത് വൻ കുതിപ്പ്..1.65 ലക്ഷമാകുമെന്ന് -
'മഞ്ജു വാര്യർ കോടിക്കണക്കിന് രൂപയാണ് ഇങ്ങനെ സമ്പാദിക്കുന്നത്,ഏതൊക്കെ കോലത്തിലാണ് വരുന്നത്';ശാന്തിവിള ദിനേശ് -
ഒരു ആപ്പിൾ ഐഫോൺ വാങ്ങാൻ ആഗ്രഹിക്കാത്തവർ ആരുണ്ട്? എങ്കിൽ ഐഫോൺ 15 തന്നെയാവാം, വില? -
മോഹൻലാലിൻ്റെ ആഡംബര വസതികൾ കണ്ണുതള്ളിക്കും; ദുബായിൽ 25 കോടിയുടെ ഫ്ലാറ്റ്, ഊട്ടിയിൽ ആഡംബര വില്ല,കൊച്ചിയിലും -
തമിഴ്നാട്ടിൽ ബിജെപി-ടിവികെ സഖ്യമോ? ചുക്കാൻ പിടിക്കുന്നത് പവൻ കല്യാൺ? ഒടുവിൽ ആ തീരുമാനം അറിയിച്ചു -
കേരളം കിട്ടിയില്ലെങ്കിൽ എന്താ, തമിഴ്നാട് ബിജെപിയുടെ കൈകളിലേക്ക്?.ഡിഎംകെയ വീഴ്ത്തുമെന്ന് സർവ്വെ -
എൽഡിഎഫും യുഡിഎഫും ഒപ്പത്തിനൊപ്പമെത്തും, കിംഗ് മേക്കറാകുമോ ബിജെപി? മാട്രിസ്-ഐഎഎന്സ് സർവ്വേ ഫലം -
നടന് വിജയിയെ വിടാതെ ബിജെപി; കുടുങ്ങിയത് എഐഎഡിഎംകെ, സെങ്കോട്ടയ്യന് ഡിഎംകെ പിടിക്കുമോ -
'12ാം വയസില് കുഞ്ഞാലിക്കുട്ടിയെ കാണാന് തുടങ്ങിയതാ'; സബാഹ് രണ്ടുംകല്പ്പിച്ച്, കണക്കുകള് അനുകൂലം -
കൊയിലാണ്ടി, ബാലുശ്ശേരി നിലനിർത്തുക സിപിഎമ്മിന് വെല്ലുവിളി; തിരുവമ്പാടിയിലും കനത്ത പോരാട്ടം ഉറപ്പ് -
കണ്ണൂരിൽ പൊട്ടിത്തെറി: മുതിർന്ന സിപിഎം നേതാവ് ടികെ ഗോവിന്ദൻ പാർട്ടി വിട്ടു
Click it and Unblock the Notifications
Sign in with Google