നുണ പരിശോധനയ്ക്ക് തയ്യാറെന്ന് ടി.ഒ.സൂരജ്
തിരുവനന്തപുരം : കളമശേരി ഭൂമി ഇടപാട് കേസില് നുണപരിശോധനയ്ക്ക് തയ്യാറാണെന്ന് മുന് ലാന്ഡ് റവന്യൂ കമ്മിഷണര് ടി.ഒ.സൂരജ് . നുണ പരിശോധനയിലൂടെ സത്യം പുറത്തു വരുമെന്നും അദ്ദേഹം പറഞ്ഞു.
വരുന്ന തിങ്കളാഴ്ച കോടതി കേസ് പരിഗണിക്കുന്പോള് സൂരജ് നുണപരിശോധനയ്ക്കുള്ള സമ്മതം അറിയിക്കും. നുണപരിശോധയ്ക്ക് തയ്യാറല്ലെന്ന് സൂരജ് നേരത്തെ എറണാകുളത്തെ ചീഫ് ജുഡിഷ്യല് മജിസ്ട്രേട്ട് കോടതിയെ അറിയിച്ചിരുന്നു.
കേസില്സത്യം തെളിയിക്കാന് സൂരജിനേയും കണയന്നൂര് താലൂക്ക് ഡപ്യൂട്ടി തഹസീല്ദാര് കൃഷ്ണകുമാരിയേയും ശാസ്ത്രീയ പരിശോധനകള്ക്ക് വിധേയരാക്കണം എന്നായിരുന്നു സി.ബി.ഐയുടെ ആവശ്യം.
ഭൂമിത്തട്ടിപ്പുമായി ബന്ധപ്പെട്ട് സൂരജിനെയും വെള്ളിയാഴ്ച കൊച്ചിയില് വച്ച് സി.ബി.ഐ ചോദ്യം ചെയ്തിരുന്നു. തൃക്കാക്കര പത്തടിപ്പാലത്തെ 25 കോടി വിലയുള്ള 1.16 ഏക്കര് ഭൂമിയുടെ തണ്ടപ്പേര് റദ്ദാക്കി ലാന്ഡ് റവന്യൂ കമ്മിഷണറായിരുന്ന സൂരജ് ഇറക്കിയ ഉത്തരവാണ് എല്ലാ ക്രമക്കേടുകള്ക്കും കാരണം എന്നാണ് സി.ബി.ഐയുടെ കണ്ടെത്തല്.