ആശങ്ക ഒഴിയുന്നില്ല..!! സംസ്ഥാനത്ത് ഇന്ന് 54 പേര്ക്ക് കൊവിഡ് പോസിറ്റീവ്; 56 പേര്ക്ക് രോഗമുക്തി
തിരുവനന്തപുരം: കേരളത്തില് ഇന്ന് 54 പേര്ക്ക് കോവിഡ്-19 സ്ഥിരീകരിച്ചതായി ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു. കോഴിക്കോട് ജില്ലയില് നിന്നുള്ള 8 പേര്ക്കും, എറണാകുളം, തൃശൂര് ജില്ലകളില് നിന്നുള്ള 7 പേര്ക്ക് വീതവും, പാലക്കാട്, കാസര്ഗോഡ് ജില്ലകളില് നിന്നുള്ള 6 പേര്ക്ക് വീതവും, തിരുവനന്തപുരം, കണ്ണൂര് ജില്ലകളില് നിന്നുള്ള 4 പേര്ക്ക് വീതവും, കോട്ടയം, മലപ്പുറം ജില്ലകളില് നിന്നുള്ള 3 പേര്ക്ക് വീതവും, പത്തനംതിട്ട, ഇടുക്കി ജില്ലകളില് നിന്നുള്ള 2 പേര്ക്ക് വീതവും, കൊല്ലം, വയനാട്, ജില്ലകളില് നിന്നുള്ള ഒരാള്ക്ക് വീതവുമാണ് രോഗം സ്ഥിരീകരിച്ചത്.
രണ്ടും ആരോഗ്യ പ്രവര്ത്തകര്
ഇതില് 23 പേര് വിദേശ രാജ്യങ്ങളില് നിന്നും (യു.എ.ഇ.- 13, സൗദി അറേബ്യ- 5, നൈജീരിയ- 3, കുവൈറ്റ്- 2) 25 പേര് മറ്റ് സംസ്ഥാനങ്ങളില് നിന്നും (മഹാരാഷ്ട്ര- 13, തമിഴ്നാട്- 9, കര്ണാടക- 1, ഡല്ഹി- 1, ഹരിയാന-1) വന്നതാണ്. 3 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. തൃശൂര് ജില്ലയിലെ 2 പേര്ക്കും മലപ്പുറം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്. ഇതുകൂടാതെ 3 ആരോഗ്യ പ്രവര്ത്തകര്ക്കും രോഗം ബാധിച്ചിട്ടുണ്ട്. തിരുവനന്തപുരം ജില്ലയിലെ ഒന്നും തൃശൂര് ജില്ലയിലെ രണ്ടും ആരോഗ്യ പ്രവര്ത്തകര്ക്കാണ് രോഗം സ്ഥിരീകരിച്ചത്.
56 പേര്ക്ക് നെഗറ്റീവ്
അതേസമയം രോഗം സ്ഥിരികരിച്ച് ചികിത്സയിലായിരുന്ന 56 പേരുടെ പരിശോധനാഫലം നെഗറ്റീവ് ആയി. പാലക്കാട് ജില്ലയില് നിന്നുള്ള 27 പേരുടെയും, തൃശൂര് ജില്ലയില് നിന്നുള്ള 7 പേരുടെയും, മലപ്പുറം ജില്ലയില് നിന്നുള്ള 5 പേരുടെയും, തിരുവനന്തപുരം, ആലപ്പുഴ (ഒരു തിരുവനന്തപുരം സ്വദേശി), എറണാകുളം (ഒരു തൃശൂര് സ്വദേശി, ഒരു കോഴിക്കോട് സ്വദേശി) ജില്ലകളില് നിന്നുള്ള 3 പേരുടെ വീതവും, കോട്ടയം, ഇടുക്കി, കണ്ണൂര് ജില്ലകളില് നിന്നുള്ള 2 പേരുടെ വീതവും, വയനാട് കാസര്ഗോഡ് ജില്ലകളില് നിന്നുള്ള ഓരോരുത്തരുടെ വീതവും പരിശോധനാഫലമാണ് നെഗറ്റീവ് ആയത്. ഇതോടെ 1340 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 1,101 പേര് ഇതുവരെ കോവിഡില് നിന്നും മുക്തി നേടി.
നിരീക്ഷണത്തില്
എയര്പോര്ട്ട് വഴി 71,595 പേരും സീപോര്ട്ട് വഴി 1621 പേരും ചെക്ക് പോസ്റ്റ് വഴി 1,39,749 പേരും റെയില്വേ വഴി 27,312 പേരും ഉള്പ്പെടെ സംസ്ഥാനത്ത് ആകെ 2,40,277 പേരാണ് എത്തിയത്. സംസ്ഥാനത്തെ വിവിധ ജില്ലകളിലായി 2,42,767 പേര് നിരീക്ഷണത്തിലാണ്. ഇവരില് 2,40,744 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 2023 പേര് ആശുപത്രികളിലും നിരീക്ഷണത്തിലാണ്. 224 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
സാമ്പിളുകള്
കഴിഞ്ഞ 24 മണിക്കൂറിനിടെ 4848 സാമ്പിളുകളാണ് പരിശോധിച്ചത്. ഇതുവരെ 1,12,962 വ്യക്തികളുടെ (സ്വകാര്യ ലാബിലെ സാമ്പിള് ഉള്പ്പെടെ) സാമ്പിള് പരിശോധനയ്ക്ക് അയച്ചിട്ടുണ്ട്. ഇതില് 2851 സാമ്പിളുകളുടെ പരിശോധനാ ഫലം വരാനുണ്ട്. ഇതുകൂടാതെ സെന്റിനല് സര്വൈലന്സിന്റെ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 30,785 സാമ്പിളുകള് ശേഖരിച്ചതില് 28,935 സാമ്പിളുകള് നെഗറ്റീവ് ആയി. റുട്ടീന് സാമ്പിള്, ഓഗ്മെന്റഡ് സാമ്പിള്, സെന്റിനല് സാമ്പില്, പൂള്ഡ് സെന്റിനില്, സി.ബി. നാറ്റ്, ട്രൂ നാറ്റ് എന്നിവ ഉള്പ്പെടെ ആകെ 1,49,1164 സാമ്പിളുകളാണ് പരിശോധനയ്ക്കായി അയച്ചത്.
ഹോട്ട്സ്പോട്ടുകള്
ഇന്ന് പുതുതായി 6 ഹോട്ട് സ്പോട്ടുകളാണുള്ളത്. ഇടുക്കി ജില്ലയിലെ കുമളി, കാസര്ഗോഡ് ജില്ലയിലെ കാഞ്ഞങ്ങാട്, കാറഡുക്ക, പള്ളിക്കര, കണ്ണൂര് ജില്ലയിലെ മുഴക്കുന്ന്, പേരാവൂര് എന്നീ പ്രദേശങ്ങളാണ് പുതിയ ഹോട്ട് സ്പോട്ടുകള്. ഇന്ന് ഒരു പ്രദേശത്തേയാണ് ഹോട്ട് സ്പോട്ടില് നിന്നും ഒഴിവാക്കിയത്. കാസര്ഗോഡ് ജില്ലയിലെ വോര്ക്കാടി ആണ് ഹോട്ട് സ്പോട്ടില് നിന്നും ഒഴിവാക്കിയത്. നിലവില് ആകെ 122 ഹോട്ട് സ്പോട്ടുകളാണ് ഉള്ളത്.
Click it and Unblock the Notifications
Sign in with Google