ടോം ഉഴുന്നാലില് ജന്മനാട്ടില്... പക്ഷെ അവഗണിച്ച് സര്ക്കാര്, പ്രതിഷേധവുമായി ചെന്നിത്തല
സര്ക്കാരിന്റെ ഭാഗത്തു നിന്നു സ്വീകരിക്കാന് ആരും എത്തിയില്ല
കൊച്ചി: ഭീകരരുടെ തടവില് നിന്നു മോചിതനായ ഫാദര് ടോം ഉഴുന്നാലില് കേരളത്തിലെത്തി. നെടുമ്പാശേരിയില് വിമാനമിറങ്ങിയ അദ്ദേഹത്തെ സ്വീകരിക്കാന് പക്ഷെ സര്ക്കാരിന്റെ ഭാഗത്തു നിന്നു ആരുമെത്തിയില്ല. പ്രതിപക്ഷ നേതാക്കളും വൈദികരും ചേര്ന്നാണ് ഫാദര് ടോമിനെ സ്വീകരിച്ചത്.
സര്ക്കാരിനെ പ്രതിനിധീകരിച്ച് ആരും എത്താതിരുന്നതിനെ പ്രതിപക്ഷ നേതാവ് രമേശ് ചെന്നിത്തല രൂക്ഷമായി വിമര്ശിച്ചു. ഒരു മന്ത്രിയെ എങ്കിലും സ്വീകരിക്കാന് വിമാനത്താവളത്തിലേക്ക് അയക്കാമായിരുന്നുവെന്ന് അദ്ദേഹം പറഞ്ഞു. സര്ക്കാര് ഇക്കാര്യത്തില് കുറച്ചു കൂടി ഗൗരവം കാണിക്കണമായിരുന്നുവെന്നും ചെന്നിത്തല കൂട്ടിച്ചേര്ത്തു.
നാലു ദിവസത്തെ സന്ദര്ശനത്തിനായാണ് ഫാദര് ടോം കേരളത്തിലെത്തിയത്. വൈകീട്ട് ജന്മനാടായ രാമപുരത്ത് അദ്ദേഹത്തിനു സ്വീകരണമൊരുക്കിയിട്ടുണ്ട്. ഒന്നര വര്ഷത്തിനു ശേഷമാണ് ഫാദര് ടോം ജന്മനാട്ടിലെത്തുന്നത്. ഇതിനു മുമ്പ് അമ്മയുടെ വിയോഗത്തിലായിരുന്നു അദ്ദേഹം വീട്ടില് വന്നത്.