• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ടൂള്‍കിറ്റ്‌ കേസ്‌; കോടതി ജാമ്യം അനുവദിച്ച ദിഷ രവി ജയില്‍ മോചിതയായി

ദില്ലി: ടൂള്‍കിറ്റ്‌ കേസില്‍ ദില്ലി പോലീസ്‌ അറസ്‌റ്റ്‌ ചെയ്‌ത ദിഷ രവി ജയില്‍ മോചിതയായി. ഇന്നലെ കോടതി ജാമ്യം അനുവദിച്ച പശ്ചാത്തലത്തിലാണ്‌ ദിഷ തിഹാര്‍ ജയിലില്‍ നിന്നും മോചിതയായത്‌. കേസിലെ മറ്റ്‌ പ്രതികളായ ശാന്തനു മുളുകിന്റെയും നികിത ജേക്കബിന്റെയും ജാമ്യാപേക്ഷ ഇന്ന്‌ പരിഗണിക്കും. നീതിക്കായുളള പോരാട്ടില്‍ യുവത്വത്തിനൊപ്പം നിലകൊള്ളുന്നുവെന്ന്‌ ദിഷയുടെ അമ്മ മഞ്ചുള നഞ്‌ജയ്യ പറഞ്ഞു.

കേസില്‍ അറസ്റ്റിലായി പത്ത്‌ ദിവസത്തിന്‌ ശേഷമാണ്‌ ദിഷ രവിക്ക്‌ ജാമ്യം ലഭിക്കുന്നത്‌. ദില്ലി പാട്യാല ഹൈക്കോടതിയാണ്‌ ഇന്നലെ ദിഷക്ക്‌ ജാമ്യം അനുവദിച്ചത്‌. കഴിഞ്ഞ ഫെബ്രുവരി 13നാണ്‌ ബംഗളൂരുവിലെത്തി ദില്ലി പോലീസ്‌ ദിഷയെ അറസ്‌റ്റ്‌ ചെയ്‌തത്‌. ടൂള്‍കിറ്റ്‌ കേസില്‍ അന്വേഷണം നടക്കുന്നതിനാല്‍ ദിഷക്ക്‌ ജാമ്യം നല്‍കരുതെന്നായിരുന്നു ദില്ലി പോലീസിന്റെ വാദം.

കര്‍ഷക പ്രക്ഷോഭത്തിന് പിന്തുണയുമായി ഭഗത് സിങ്ങിന്റെ കുടുംബവും, ചിത്രങ്ങള്‍

എന്നാല്‍ ഇരു വിഭാഗങ്ങളുടേയും വാദം കേട്ട ദില്ലി പാട്യാല ഹൗസ്‌ കോടതി ദിഷക്കെതിരെ എന്തു തെളിവുകളാണ്‌ ഉള്ളതെന്ന്‌ ദില്ലി പോലീസിനോട്‌ ചോദിച്ചു. അവ്യക്തവും , അപര്യാപ്‌തവുമായ തെളിവുകള്‍ പരിശോധിക്കുമ്പോള്‍, മുന്‍കാലത്ത്‌ ക്രിമിനല്‍ പശ്ചാത്തലമൊന്നും ഇല്ലാത്ത 22കാരിയായ പെണ്‍കുട്ടിക്ക്‌ നിയമവിധേയമായി ജാമ്യം അനുവദിക്കാതിരിക്കാന്‍ പ്രത്യക്ഷമായ കാരണങ്ങള്‍ ഒന്നും കണ്ടെത്താന്‍ സാധിക്കുന്നില്ലെന്നായിരുന്നു കോടതിയുടെ പ്രതികരണം.

ദിഷ രവിക്ക്‌ സിഖ്‌ തീവ്രവാദ സംഘവുമായി ബന്ധമുണ്ടെന്നതിന്‌ ഒരു തെളിവും ഹാജരാക്കാന്‍ സാദിച്ചിട്ടില്ല, വാട്‌സ്‌ആപ്പ്‌ ഗ്രൂപ്പ്‌ ഉണ്ടാക്കുന്നതും, നിരുപദ്രവപരമായ ഒരു ടൂള്‍കിറ്റിന്റെ എഡിറ്ററാകുന്നതും ഒരു കുറ്റമായി കാണുവാന്‍ സാധിക്കില്ല, എന്തെങ്കിലും വിഘടനവാദം ആശയം പിന്തുടരുന്ന വ്യക്തിയാണ്‌ ദിഷ എന്നതിന്‌ രേഖകള്‍ ഒന്നും ഇല്ല, മുന്‍ധാരണകള്‍ വച്ച്‌ ഒരു പൗരന്റെ സ്വാതന്ത്ര്യത്തില്‍ എന്തെങ്കിലും തടസം സൃഷ്ടിക്കാന്‍ അന്വേഷണ ഏജന്‍സികള്‍ക്ക്‌ സാധിക്കില്ല, ജനങ്ങളുടെ മനസാക്ഷി സൂക്ഷിപ്പുകാരാണ്‌ സര്‍ക്കാര്‍, അതിനാല്‍ തന്നെ എന്തെങ്കിലും നയത്തില്‍ അഭിപ്രായ വ്യത്യാസമെണ്ടെന്ന പേരില്‍ അവരെ ജയിലിലാക്കുവാന്‍ സാധിക്കില്ല എന്നിങ്ങനെയായിരുന്നു കേസില്‍ കോടതിയുടെ നിരീക്ഷണങ്ങള്‍.

cmsvideo
    ആരാണീ മോദിയുടെ നരനായാട്ടിന് ഇരയായ പെണ്‍കുട്ടി | Oneindia Malayalam

    English summary
    toolkit case; Disha Ravi released from tihar jail
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X