പരോളിലിറങ്ങിയ ടിപി ചന്ദ്രശേഖരന് കേസ് പ്രതി കൊടിസുനി ക്വട്ടേഷന് കേസില് അറസ്റ്റില്
കണ്ണൂര്: ആര്എംപി നേതാവ് ടിപി ചന്ദ്രശേഖരന് വധക്കേസില് ജയില് ശിക്ഷ അനുഭവിക്കുന്നതിനിടെ പരോളിലിറങ്ങി ക്വട്ടേഷനേറ്റെടുത്ത കൊടി സുനി അറസ്റ്റില്. കൂത്തുപറമ്പ് സ്വദേശിയാ യുവാവിനെ സ്വര്ണ്ണക്കടത്തിന് ഉപയോഗിച്ചതുമായി ബന്ധപ്പെട്ട കേസിലാണ് കൊടി സുനിയെ പോലീസ് അറസ്റ്റ് ചെയ്തത്.
യുവാവിന്റെ കൈയില് നിന്ന് സ്വര്ണ്ണം നഷ്ടമായതോടെ പണം തിരികെ ലഭിക്കാന് യുവാവിന്റെ സഹോദരനെ തട്ടിക്കൊണ്ടുപോയി മര്ദ്ദിക്കുകയായിരുന്നു. സുനിയെ കൂടാതെ മറ്റ് മൂന്ന് പേര് കൂടി കേസില് അറസ്റ്റിലായിട്ടുണ്ട്. കൊടിസുനിയുടെ നിര്ദ്ദേശ പ്രകാരം ഗള്ഫില് നിന്ന് കൊച്ചി എയര്പോര്ട്ട് വഴി സ്വര്ണ്ണം എത്തിച്ചത് റാഷിദ് എന്ന യുവാവായിരുന്നു.
കൊച്ചിയില് നിന്ന് കണ്ണൂരേക്കുള്ള ട്രെയിന് യാത്രക്കിടെയാണ് 14 രൂപ വില വരുന്ന സ്വര്ണ്ണം നഷ്ടമാവുന്നത്. ഈ പണം തിരകെ കിട്ടാന് യുവാവിനെയും സഹോദരനേയും കൊടി സുനിയുടെ സംഘാഗങ്ങള് ഭീഷണിപ്പെടുത്തിയെന്നാണ് കേസ്. യുവാവിന്റെ സഹോദരനെ വയനാട്ടിലേക്ക് തട്ടിക്കൊണ്ടുപോവുകയും ഭീഷണപ്പെടുത്തി ക്രൂരമായി പീഡിപ്പിക്കുകയും ചെയ്തു. റാഷിദിന്റെ ഉമ്മ നല്കിയ പരാതിയിലാണ് പോലീസ് കേസ് എടുത്തിരിക്കുന്നത്. കൊടിസുനി ഈ സമയം പരോളിലായിരുന്നുവെന്നാണ് പോലീസ് വ്യക്തമാക്കുന്നത്.