#Dileep

'ഷോക്കിങ്, ഇതിലൂടെ അഹങ്കരിക്കുന്നത് മുറിവേൽപ്പിച്ച നീചരാണ്'; പ്രതികരിച്ച് അതിജീവിത
#Dileep

ദിലീപിന് ബന്ധമില്ലെങ്കില്‍ പിന്നെ അത് പറയുന്നത് എന്തിനാണ്: താല്‍പര്യം വ്യക്തമാക്കണമെന്നും ടിബി മിനി
#Dileep

'ദിലീപിനെതിരെ ഒന്നും അതിൽ ഇല്ല, എന്നിട്ടും ചേട്ടൻ പറയുന്നു അത് കൊടുക്കരുതെന്ന്,വിചിത്രം';ഭാഗ്യലക്ഷ്മി
#Dileep

'ദിലീപിന് അത് എതിർക്കാൻ എന്ത് അധികാരമാണുള്ളത്, മൊഴി അറിഞ്ഞേ തീരു';ഉറച്ച് അതിജീവിത,വിധി പറയുന്നത് മാറ്റി
#Dileep

കുറച്ചുകാലമായി ദിവസവും കരഞ്ഞുകൊണ്ടിരിക്കുകയാണ് ഞാനെന്ന് ദിലീപ്; 'കൈയ്യിലിരിപ്പ് കൊണ്ടല്ലേ',ഒട്ടിച്ച് കമന്റുകൾ
#Dileep

അങ്ങനെ ചെയ്യാമായിരുന്നു എന്നിട്ടും ചെയ്തില്ല; ദിലീപിന്റെ മീനൂട്ടിക്ക് കയ്യടിച്ച് ആരാധകർ

എല്ലാ പഴുതുമടയ്ക്കാന്‍ അന്വേഷണസംഘത്തിന്റെ പുതിയ നീക്കം, ദിലീപിന്റെ വിധി ഒരു വര്‍ഷത്തിനകം!!

ഒരു വര്‍ഷത്തിനുള്ളില്‍ വിചാരണ പൂര്‍ത്തിയാക്കാന്‍ തീരുമാനം

By Desk
Updated: Thursday, November 23, 2017, 10:35 [IST]

പ്രത്യക കോടതി വേണം

കേസിന്റെ വിചാരണ എത്രയും പെട്ടെന്നു പൂര്‍ത്തിയാക്കാന്‍ പ്രത്യേക കോടതി വേണമെന്നതാണ് അന്വേഷണസംഘം മുന്നോട്ട് വയ്ക്കുന്ന മുഖ്യ ആവശ്യം. ഇക്കാര്യമാവും സര്‍ക്കാരിനു നല്‍കുന്ന അപേക്ഷയില്‍ അന്വേഷണസംഘം ആവശ്യപ്പെടുക.
കേസിന്റെ ഗൗരവസ്വഭാവം കണക്കിലെടുത്ത് സര്‍ക്കാര്‍ ഈ ആവശ്യങ്ങള്‍ പരിഗണിക്കുമെന്നാണ് സൂചന. നേരത്തേ വിവാദമായ ടിപി ചന്ദ്രശേഖരന്‍ വധക്കേസ് അടക്കമുള്ള ചില വിവാദ കേസുകളുടെ വിചാരണ വേഗം പൂര്‍ത്തിയാക്കാന്‍ പ്രത്യേക കോടതി അനുവദിച്ചിരുന്നു.

ഒരു വര്‍ഷത്തിനുള്ളില്‍ വിചാരണ പൂര്‍ത്തിയാക്കും

നടി ആക്രമിക്കപ്പെട്ട കേസിന്റെ വിചാരണ
ഒരു വര്‍ഷത്തിനുള്ളില്‍ പൂര്‍ത്തിയാക്കാനാണ് അന്വേഷണസംഘം തീരുമാനിച്ചിരിക്കുന്നത്. വിചാരണ വൈകുകയാണെങ്കില്‍ നിരവധി സാക്ഷികള്‍ കൂറുമാറാനുള്ള സാധ്യതയുണ്ടെന്ന് നിയമോപദേശം ലഭിച്ച കാര്യവും അന്വേഷണസംഘം സര്‍ക്കാരിനെ ബോധ്യപ്പെടുത്തും.
കുറ്റപത്രം നല്‍കുന്നതിനു മുമ്പ് തന്നെ ചില സാക്ഷികള്‍ കൂറുമാറിയ കാര്യവും അന്വേഷണസംഘം ചൂണ്ടിക്കാട്ടും. കേസിലെ മുഖ്യ സാക്ഷികളിലൊരാളായ ലക്ഷ്യയിലെ ജീവനക്കാരനാണ് അന്വേഷണസംഘത്തെ വെട്ടിലാക്കി നേരത്തേ കൂറുമാറിയത്.

സുപ്രീം കോടതി ഉത്തരവ്

സ്ത്രീപീഡവുമായി ബന്ധപ്പെട്ട കേസുകള്‍ എത്രയം വേഗം തീര്‍പ്പാക്കണമെന്ന് സുപ്രീം കോടതി നേരത്തേ നിര്‍ദേശിച്ചിരുന്നു. ഒരു മാസത്തിനുള്ളില്‍ കേസ് തീര്‍പ്പാക്കണമെന്നും കോടതി പറഞ്ഞിരുന്നു. എന്നാല്‍ 350ലേറെ സാക്ഷികളുള്ള നടി ആക്രമിക്കപ്പെട്ട കേസില്‍ ഇത്രയും കുറഞ്ഞ സമയത്തിനുള്ളില്‍ വിചാരണ പൂര്‍ത്തിയാക്കുകയെന്നത് പ്രായോഗികമല്ല.
അതുകൊണ്ടാണ് എത്രയും വേഗം വിചാരണ പൂര്‍ത്തിയാക്കണമെന്നാവശ്യപ്പെട്ടു അന്വേഷണസംഘം സര്‍ക്കാരിനെ സമീപിക്കുന്നത്.

സിനിമാ മേഖലയില്‍ നിന്ന് നിരവധി സാക്ഷികള്‍

സിനിമാ മേഖലയില്‍ നിന്നു 50 ഓളം സാക്ഷികളാണ് കേസിലുള്ളത്. വിചാരണ വൈകിയാല്‍ ദിലീപ് തന്റെ സ്വാധീനം ഉപയോഗിച്ച് ഇവരില്‍ പലരെയും സ്വാധീനിക്കാന്‍ സാധ്യതയുണ്ടെന്നാണ് അന്വേഷണസംഘം പറയുന്നത്.
ഇതേ തുടര്‍ന്നാണ് കേസിന്റെ വിചാരണ പ്രത്യേക കോടതിയില്‍ എത്രയും വേഗം പൂര്‍ത്തിയാക്കണമെന്ന ആവശ്യം അന്വേഷണസംഘം ഉന്നയിച്ചിരിക്കുന്നത്.

നടിക്കും ആവശ്യപ്പെട്ടാം

അന്വേഷണ സംഘത്തിനു മാത്രമല്ല ആക്രമണത്തിനു ഇരയായ നടിക്കും വേണമെങ്കില്‍ വിചാരണ വേഗത്തില്‍ പൂര്‍ത്തിയാക്കണമെന്നാവശ്യപ്പെട്ടു സര്‍ക്കാരിനു കത്ത് നല്‍കാം. എന്നാല്‍ നടി ഇത്തരമൊരു നീക്കം നടത്തുമോയെന്ന കാര്യം സംശയത്തിലാണ്.

ഇതിനാലാണ് അന്വേഷണസംഘം തന്നെ മുന്‍കൈയോടുത്ത് വിചാരണ വേഗത്തിലാക്കാന്‍ പ്രത്യേക കോടതി വേണമെന്ന ആവശ്യവുമായി സര്‍ക്കാരിനെ സമീപിച്ചത്.

ജാമ്യം റദ്ദാക്കാന്‍ ആവശ്യപ്പെട്ടും

ദിലീപിന്റെ ജാമ്യം റദ്ദാക്കണമെന്നാവശ്യപ്പെട്ട് വരും ദിവസങ്ങളില്‍ അന്വേഷണസംഘം കോടതിയില്‍ അപേക്ഷ നല്‍കാനും തീരുമാനിച്ചിട്ടുണ്ട്. അങ്കമാലി മജിസ്‌ട്രേറ്റ് കോടതിയിലാണ് അന്വേഷണസംഘം അപേക്ഷ നല്‍കുക.

ജാമ്യം റദ്ദാക്കണമെങ്കില്‍ നിങ്ങള്‍ക്കു വേണമെങ്കില്‍ അങ്കമാലി കോടതിയെ സമീപിക്കാമെന്ന് കഴിഞ്ഞ ദിവസം ഹൈക്കോടതി അന്വേഷണസംഘത്തെ അറിയിച്ചിരുന്നു. ഇതേ തുടര്‍ന്നാണ് അങ്കമാലി കോടതിയില്‍ അപേക്ഷ നല്‍കുന്നത്.