പോപ്പുലർ ഫ്രണ്ടിന് പരിശീലനം; രണ്ട് ഉദ്യോഗസ്ഥർക്ക് സസ്‌പെൻഷൻ ഉത്തരവിട്ട് മുഖ്യമന്ത്രി

Published: Sunday, April 3, 2022, 17:11 [IST]

കൊച്ചി: ഫോഴ്‌സ് ഉദ്ദ്യോഗസ്ഥര്‍ക്ക് എതിരെ നടപടി സ്വീകരിച്ച് മുഖ്യമന്ത്രി. പോപ്പുലർ ഫ്രണ്ട് പ്രവർത്തകർക്ക് പരിശീലനം നൽകിയ കാരണം ചൂണ്ടിക്കാട്ടിയാണ് നടപടി. എറണാകുളം മേഖലാ ഫയർ ഓഫീസർക്കും ജില്ലാ ഫയർ ഓഫീസർക്കും എതിരെ ആണ് നടപടി എടുത്തത്.

മുഖ്യമന്ത്രി പിണറായി വിജയനായിരുന്നു സസ്‌പെൻഷൻ ഉത്തരവ് പുറത്തിറക്കിയത്. ഫയർ ഫോഴ്‌സ് ഉദ്ദ്യോഗസ്ഥര്‍ക്ക് ആയ കെ കെ ഷൈജു, ജെ എസ് ജോഗി എന്നിവർക്കാണ് സസ്‌പെൻഷൻ. ഈ ഉദ്ദ്യോഗസ്ഥര്‍ക്ക് എതിരെ വകുപ്പ് തലത്തിൽ നടപടിയും ഉണ്ടാകും എന്നാണ് വിവരം. പരിശീലനം നൽകിയ മൂന്ന് ഫയർമാൻമാരെ സ്ഥലം മാറ്റും.

അതേസമയം, മത, രാഷ്ട്രീയ സംഘടനകൾക്ക് അഗ്നിശമന സേനാംഗങ്ങൾ പരിശീലനം നൽകരുത് എന്ന് ഫയർ ഫോഴ്സ് മേധാവി ബി സന്ധ്യ ഉത്തരവ് പുറത്തിറക്കി. ഈ സംഭവം വിവാദമായതിന് പിന്നാലെ ആയിരുന്നു നീക്കം.

പരിശീലന അപേക്ഷകളിൽ ഉന്നത ഉദ്യോഗസ്ഥരുമായി കൂടിയാലോചന ഉണ്ടാകണം. സർക്കാർ അംഗീകൃത സംഘടനകൾ, വ്യാപാര സ്ഥാപനങ്ങളിലെ ജീവനക്കാർ, സിവിൽ ഡിഫൻസ് പ്രവർത്തകർ എന്നിവർക്ക് മാത്രം പരിശീലനം നൽകിയാൽ മതി എന്നും ബി സന്ധ്യ പുറത്തിറക്കിയ സർക്കുലറിൽ പറയുന്നു.

ആലുവയിലെ പോപ്പുലർ ഫ്രണ്ടിന് ഫയർഫോഴ്സ് ഉദ്യോഗസ്ഥർക്കാണ് പരിശീലനം നൽകിയത്. പരിശീലനത്തിന് അനുമതി നൽകിയത് അഞ്ച് ഉദ്യോഗസ്ഥരായിരുന്നു. ഇത് വകുപ്പിൽ നിന്നുളള ഗുരുതര പിഴവാണ്. വിഷയത്തിൽ നടപടി ആവശ്യമാണ്. ഇത് സംബന്ധിച്ച് ഫയർഫോഴ്സ് മേധാവി സർക്കാരിന് ഇന്നലെ റിപ്പോർട്ട് സമർപ്പിച്ചിരുന്നു.

കഴിഞ്ഞ ബുധനാഴ്ച ആയിരുന്നു സംഭവം നടന്നത്. ആലുവ മുനിസിപ്പൽ ഓഡിറ്റോറിയത്തിലാണ് ഫയർഫോഴ്സ് ഉദ്യോഗസ്ഥർ പോപ്പുലർ ഫ്രണ്ടിന് പരിശീലനം നൽകിയത്. റെസ്‌ക്യൂ ആൻഡ് റിലീഫ് എന്ന സംഘടനയ്ക്ക് പോപ്പുലർ ഫ്രണ്ട് പുതുതായി രൂപം നൽകിയിരുന്നു. ഇതിന്റെ സംസ്ഥാന തല ഉദ്ഘാടന പരിപാടിയും സംഘടിപ്പിച്ചു. ഇതിന് പിന്നാലെ ആയിരുന്നു വിവാദ സംഭവം നടന്നത്. ഒരാൾക്ക് അപകടം സംഭവിച്ചാൽ അയാളെ രക്ഷപ്പെടുത്തുന്നതിലെ രീതിയും, ഉപകരണങ്ങൾ ഉപയോഗിക്കുന്നതും ആയിരുന്നു ഉദ്യോഗസ്ഥർ പോപ്പുലർ ഫ്രണ്ട് പ്രവർത്തകർക്ക് പഠിപ്പിച്ച് നൽകിയത്. ഈ സംഭവത്തിലാണ് ഇപ്പോൾ നടപടി എടുത്തിരിക്കുന്നത്.

Published On April 3, 2022