5 ദിവസത്തിനിടെ 4472 നിയമലംഘനങ്ങള്, 263 വാഹനങ്ങളുടെ ഫിറ്റ്നസ് റദ്ദാക്കി: കര്ശന നടപടി
തിരുവനന്തപുരം: റോഡില് നിയമം ലംഘിക്കുന്ന കെ എസ് ആര് ടി സി ബസ് ഉള്പ്പെടെ എല്ലാത്തരം വാഹനങ്ങള്ക്കെതിരെയും ഹൈക്കോടതി നിര്ദേശത്തിന്റെ അടിസ്ഥാനത്തില് ശക്തമായ നടപടികളുമായി മുന്നോട്ടു പോകുമെന്ന് ട്രാന്സ്പോര്ട്ട് കമ്മീഷണര് എസ്.ശ്രീജിത്ത് പറഞ്ഞു. റോഡില് ഒരു ജീവന്പോലും പൊലിയരുതെന്ന ദൃഢനിശ്ചയത്തോടെയാണു സര്ക്കാരും ഗതാഗത വകുപ്പും നീങ്ങുന്നതെന്നും ട്രാന്സ്പോര്ട്ട് കമ്മീഷണര് വ്യക്തമാക്കി. നെടുമ്പാശേരി സിയാല് കണ്വെന്ഷന് സെന്ററില് നടന്ന മോട്ടോര് വാഹന വകുപ്പ് സെന്ട്രല് സോണ് 1, 2 ഉദ്യോഗസ്ഥരുടെ യോഗത്തില് സംസാരിക്കുകയായിരുന്നു അദ്ദേഹം.
അപകടകരമായ രീതിയിലെ ഡ്രൈവിംഗിന് ലൈസന്സ് റദ്ദാക്കപ്പെടുന്ന ഡ്രൈവര്മാര്ക്ക് എടപ്പാളിലെ ഡ്രൈവേഴ്സ് ട്രെയിനിങ് റിസര്ച്ച് ഇന്സ്റ്റിറ്റ്യൂട്ടില് പരിശീലനം നല്കും. കൂടാതെ റോഡപകടങ്ങളില് ഗുരുതരമായി പരുക്കേറ്റ് ചികിത്സയില് കഴിയുന്നവരെ പരിചരിച്ചതിനു ശേഷമാകും ഡ്രൈവര്മാരുടെ ലൈസന്സ് പുന:സ്ഥാപിക്കുക. ബസ് ഉടമകളുടെ അസോസിയേഷനും ഡ്രൈവര്മാര്ക്കു പരിശീലനം നല്കണമെന്ന് ആവശ്യപ്പെട്ടിട്ടുണ്ട്.
പരിശോധനകള് ശക്തമാക്കിയതിനെ തുടര്ന്നു കഴിഞ്ഞ അഞ്ചുദിവസത്തിനിടെ 4472 നിയമലംഘനങ്ങള് കണ്ടെത്തി. 75,73,020 രൂപ പിഴ ഈടാക്കി. 263 വാഹനങ്ങളുടെ ഫിറ്റ്നസ് റദ്ദാക്കി. അപകടകരമായി വാഹനമോടിച്ച 108 ഡ്രൈവര്മാരുടെ ലൈസന്സും റദ്ദാക്കി. 19 കെഎസ്ആര്ടിസി ബസുകള്ക്കെതിരെയും നടപടിയെടുത്തു. നിരത്തിലിറക്കാന് യോഗ്യമല്ലാത്ത ഏഴ് വാഹനങ്ങളുടെ രജിസ്ട്രേഷനും റദ്ദാക്കിയതായി ട്രാന്സ്പോര്ട്ട് കമ്മീഷണര് പറഞ്ഞു.
സംസ്ഥാനത്തൊട്ടാകെ പരിശോധനകള് ശക്തമായി തുടരുകയാണ്. നിയമവിരുദ്ധ സംവിധാനങ്ങളുള്ള വാഹനങ്ങള് നിരത്തിലിറക്കാന് അനുവദിക്കുകയില്ല. വേഗ നിയന്ത്രണ സംവിധാനങ്ങള്, അനധികൃത രൂപമാറ്റങ്ങള് മുതലായവ കര്ശനമായി പരിശോധിക്കും. വേഗ നിയന്ത്രണ സംവിധാനങ്ങള് പ്രവര്ത്തനരഹിതമാക്കുവാന് സഹായിക്കുന്ന കേന്ദ്രങ്ങളെ കണ്ടെത്തി അവര്ക്കെതിരെ നടപടികള് സ്വീകരിക്കും. പോലീസിന്റെ സഹായവും സ്വീകരിക്കും. ലഹരി പദാര്ത്ഥങ്ങള് ഉപയോഗിച്ചു വാഹനമോടിക്കുന്നവരെ കണ്ടെത്തുവാന് സംസ്ഥാന എക്സൈസ് വകുപ്പുമായി ചേര്ന്നു പരിശോധന കര്ശനമാക്കും. ഇത്തരക്കാരുടെ ഡ്രൈവിംഗ് ലൈസന്സും റദ്ദാക്കും.
നിരത്തുകള് അപകട രഹിതമാക്കാനും സുരക്ഷിതമായ ഡ്രൈവിംഗ് ഉറപ്പാക്കാനും ഗതാഗത നിയമങ്ങളെക്കുറിച്ചു ബോധവത്ക്കരിക്കുന്നതിനും സ്കൂള് പാഠ്യപദ്ധതിയില് ഗതാഗത നിയമങ്ങള് ഉള്പ്പെടുത്തുന്നതിനുള്ള നടപടികള് വിദ്യാഭ്യാസ വകുപ്പുമായി ചേര്ന്ന് പുരോഗമിക്കുകയാണ്.
നാഗാലാന്ഡ്, അരുണാചല്പ്രദേശ് പോലുള്ള ഇതര സംസ്ഥാനങ്ങളില് വാഹനങ്ങള് രജിസ്റ്റര് ചെയ്യുന്നതായി കണ്ടെത്തിയിട്ടുണ്ട്. കേരളത്തില് താമസിക്കുകയും എന്നാല് ഇത്തരത്തില് മറ്റ് സംസ്ഥാനങ്ങളില് വാഹനങ്ങള് രജിസ്റ്റര് ചെയ്യുന്നതും അന്വേഷിച്ച് ആവശ്യമെങ്കില് നടപടികള് സ്വീകരിക്കുമെന്നും ട്രാന്സ്പോര്ട്ട് കമ്മീഷണര് പറഞ്ഞു.
പരിശോധനകള് ശക്തമാക്കിയതോടെ റോഡുകളില് പ്രകടമായ മാറ്റം കണ്ടുതുടങ്ങിയിട്ടുണ്ട്. ഡ്രൈവിംഗ് സംസ്ക്കാരം മാറിവരും. സര്ക്കാരിന്റെയും കോടതിയുടെയും മികച്ച പിന്തുണ വകുപ്പിനു ലഭിക്കുന്നുണ്ട്. മാധ്യമങ്ങളുടെ പിന്തുണയുമുണ്ട്. വാഹന ഗതാഗതത്തില് കേരളത്തിനെ ഇന്ത്യയ്ക്കു തന്നെ മാതൃകയാക്കി മാറ്റാന് കഴിയുന്ന തരത്തിലുള്ള പ്രവര്ത്തനങ്ങളാണു നടന്നുവരുന്നതെന്നും അദ്ദേഹം പറഞ്ഞു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google