Click it and Unblock the Notifications
Just In
Don't Miss
-
ഞാനും അണ്ഡം ശീതികരിച്ച് വെക്കുകയാണ്! പിന്നീട് കുഞ്ഞിന് ജന്മം കൊടുക്കാൻ ഉദ്ദേശിക്കുന്നതിനെ പറ്റി മൃണാൽ താക്കൂർ -
T20 World Cup 2024: സഞ്ജു 314, രാഹുല് 302; മേല്ക്കൈ രാഹുലിന്! ബിസിസിഐയുടെ തനിനിറം പുറത്ത് -
ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും -
എത്ര കഠിനമായ താരനും അകറ്റും, ചൊറിച്ചിലില്ലാത്ത തല ഉറപ്പു നല്കും കൂട്ട് -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
തൃപ്തി ദേശായ് ശബരിമലയിലേക്ക്, തടയാന്‍ തീവ്ര ഹൈന്ദവ സംഘടനകള്‍!! സ്ഥിതി വഷളാവും
ഏറെ കോളിളങ്ങള്‍ക്ക് കാരണമായേക്കാവുന്ന തൃപ്തി ദേശായിയുടെ ശബരിമല പ്രവേശനം അടുത്ത മാസമാണ്. അവരെ അപായപ്പെടുത്താന്‍ ശിവസേനയടക്കമുള്ള നാല് തീവ്രഹിന്ദു സംഘടനകള്‍ ആലോചിക്കുന്നുണ്ടെന്നാണ് രഹസ്യാന്വേഷണ ഏജന്‍സി
പത്തനംതിട്ട: ശബരിമലയില്‍ പ്രവേശിക്കാനുള്ള തൃപ്തി ദേശായിയുടെ നീക്കം എന്തുവില കൊടുത്തും തടയാന്‍ തീവ്രഹിന്ദു സംഘനടകള്‍ ശ്രമം തുടങ്ങിയതായി റിപോര്‍ട്ട്. കഴിഞ്ഞ മാസം മുംബൈയിലെ ഹാജി അലി ദര്‍ഗയില്‍ കോടതി വിധിയുടെ ആനുകൂല്യത്തില്‍ പ്രവേശിച്ച ശേഷമാണ് അടുത്ത ലക്ഷ്യം ശബരിമലയാണെന്ന് സ്ത്രീ മുന്നേറ്റത്തിന് വേണ്ടി പ്രവര്‍ത്തിക്കുന്ന തൃപ്തിയും കൂട്ടരും പ്രഖ്യാപിച്ചത്.
ശബരിമലയില്‍ പ്രവേശിക്കാനൊരുങ്ങുന്ന തൃപ്തിയെ ചില തീവ്ര ഹൈന്ദവ സംഘടനകള്‍ അപായപ്പെടുത്താന്‍ ഒരുങ്ങുന്നതായി രഹസ്യാന്വേഷണ ഏജന്‍സികളുടെ മുന്നറിയിപ്പുണ്ടെന്ന് മംഗളമാണ് റിപോര്‍ട്ട് ചെയ്തത്. ഹാജി അലി ദര്‍ഗയില്‍ പ്രവേശിച്ച ശേഷം മാധ്യമങ്ങളെ കണ്ട തൃപ്തി ദേശായ് ജനുവരിയില്‍ ശബരിമലയില്‍ പ്രവേശിക്കുമെന്ന് അറിയിച്ചിരുന്നു.
അയപ്പസന്നിധാനത്ത് പ്രായഭേദമന്യേ എല്ലാ സ്ത്രീകളെയും പ്രവേശിപ്പിക്കണമെന്നാണ് അവരുടെ ആവശ്യം. കാലങ്ങളായി വിശ്വാസികള്‍ പിന്തുടരുന്ന ആചാരത്തിന് വിരുദ്ധമാണിത്. തൃപ്തിയുടെയും കൂട്ടരുടെയും പ്രഖ്യാപനത്തിന് ശേഷം ഇക്കാര്യം ചര്‍ച്ച ചെയ്യാനും എന്ത് നിലപാട് സ്വീകരിക്കണമെന്ന് ആലോചിക്കാനും ഹൈന്ദവ സംഘടനകള്‍ പ്രത്യേക യോഗം ചേര്‍ന്നിരുന്നുവെന്ന് റിപോര്‍ട്ടില്‍ പറയുന്നു.
ശിവസേനയുടെ കേരളഘടകം വിഷയം ചര്‍ച്ച ചെയ്യാന്‍ അടുത്താഴ്ച കൊല്ലത്ത് യോഗം ചേരുന്നുണ്ട്. സംഘടനയുടെ കേന്ദ്രകമ്മിറ്റിയുടെ നിര്‍ദേശപ്രകാരമാണിത്. സംസ്ഥാനത്തെ മുഴുവന്‍ പ്രവര്‍ത്തകരെയും അണിനിരത്തി വിഷയം നേരിടാനാണ് ശിവസേനയുടെ നീക്കമത്രെ. തൃപ്തിയെ ശാരീരികമായി അപായപ്പെടുത്താനും സാധ്യതയുണ്ടെന്ന് രഹസ്യാന്വേഷണ വിഭാഗം റിപോര്‍ട്ട് ചെയ്യുന്നു.
പ്രത്യേക സംഘങ്ങളായി തിരിഞ്ഞ് വിമാനത്താവളത്തിലും റെയില്‍വേ സ്റ്റേഷനിലും നിരീക്ഷണം ഏര്‍പ്പെടുത്താനും തൃപ്തിയുടേയും സംഘത്തിന്റെയും വരവ് തടയുകയുമാണ് ലക്ഷ്യം. ജനകീയമായി തടയുന്നതിനും ആലോചനയുണ്ട്. ശിവസേനയെ കൂടാതെ മറ്റു മൂന്ന് തീവ്ര സംഘടനകള്‍ കൂടി തൃപ്തിയുടെ വരവ് തടയാന്‍ നീക്കം നടത്തുണ്ടെന്നാണ് രഹസ്യാന്വേഷണ വിഭാഗങ്ങള്‍ക്ക് ലഭിച്ച വിവരം. ഈ സംഘടനകളുടെ പ്രവര്‍ത്തനങ്ങള്‍ പോലിസ് സൂക്ഷ്മമായി നീരീക്ഷിക്കുന്നുണ്ട്.
ശബരിമലയില്‍ സ്ത്രീകള്‍ക്കും ആരാധനാ സ്വാതന്ത്ര്യം വേണമെന്നും തങ്ങള്‍ സംഘര്‍ഷമുണ്ടാക്കാനല്ല വരുന്നതെന്നുമാണ് തൃപ്തിയുടെയും സംഘത്തിന്റെയും നിലപാട്. തൃപ്തിയുടെ പ്രഖ്യാപനം ദേവസ്വംബോര്‍ഡ് കാര്യമാക്കുന്നില്ലെന്ന് പ്രസിഡന്ററ് പ്രയാര്‍ ഗോപാലകൃഷ്ണന്‍ പ്രതികരിച്ചു. ശബരിമലയില്‍ സ്ത്രീപ്രവേശനം അനുവദിക്കണമെന്നാവശ്യപ്പെട്ടും എതിര്‍പ്പ് പ്രകടിപ്പിച്ചുമുള്ള ഹര്‍ജികള്‍ സുപ്രിംകോടതിയുടെ പരിഗണനയിലിരിക്കെയാണ് വിവാദങ്ങള്‍ക്ക് തിരികൊളുത്തിയേക്കാവുന്ന പുതിയ സംഭവങ്ങള്‍ക്ക് കളമൊരുങ്ങുന്നത്.
