എക്സൈസ് ഓഫീസറുടെ മകന് കോളേജിൽ അഡ്മിഷൻ ലഭിച്ചില്ല!! കെമിസ്ട്രി ലാബിൽ റെയ്ഡ് നടത്തി പ്രതികാരം!!ഒടുവിൽ?
സഹപ്രവർത്തകന്റെ മകന് സെന്റ് മൈക്കിൾസ് കോളേജിൽ മാനേജ്മെൻറ് സീറ്റിൽ പ്രവേശനം ഒരുക്കാനാണ് പരിശോധന നടത്തിയത്
ചേർത്തല: എക്സൈസ് ഉദ്യോഗസ്ഥന്റെ മകന് കോളേജിൽ അഡ്മിഷൻ നൽകാത്തതിന്റെ പ്രതികാരത്തിന് കോളേജ് കെമിസ്ട്രി ലാബിൽ റെയ്ഡ് നടത്തിയ ഉദ്യോഗസ്ഥർക്ക് പണികിട്ടി. രണ്ട് എക്സൈസ് ഉദ്യോഗസ്ഥരെ സസ്പെൻഡ് ചെയ്തു. ചേർത്തല എക്സൈസ് സർക്കിൾ ഇൻസ്പെക്ടർ കെടി ജയിംസ്, സിവിൽ എക്സൈസ് ഓഫീസർ എ തോമസ് എന്നിവരെയാണ് എക്സൈസ് കമ്മീഷ്ണർ സസ്പെൻഡ് ചെയ്തത്.
സഹപ്രവർത്തകന്റെ മകന് സെന്റ് മൈക്കിൾസ് കോളേജിൽ മാനേജ്മെൻറ് സീറ്റിൽ പ്രവേശനം ഒരുക്കാനാണ് പരിശോധന നടത്തിയത്. ഇതിനെതിരെ കോളേജ് മാനേജരും പ്രിൻസിപ്പലും മുഖ്യമന്ത്രിക്കും എക്സൈസ് കമ്മീഷ്ണർക്കും പരാതി നൽകിയിരുന്നു. ഇതിന്റെ അടിസ്ഥാനത്തിലാണ് നടപടി.
പള്ളിപ്പുറം സ്വദേശിയായ ചേര്ത്തല സ്റ്റേഷനിലെ എക്സൈസ് സിവിൽ ഓഫീസർ ഏതാനും ദിവസങ്ങൾക്ക് മുമ്പ് മകന് അഡ്മിഷൻ ആവശ്യപ്പെട്ട് കോളേജ് മാനേജർ ഫാ. നെൽസൺ തൈപ്പറമ്പലിനെ സമീപിച്ചിരുന്നു. ഉറപ്പു പറയാതെ സാഹചര്യം നോക്കി തീരുമാനിക്കാം എന്നായിരുന്നു അദ്ദേഹം പറഞ്ഞത്. എന്നാൽ ചൊവ്വാഴ്ച വൈകിട്ട് എക്സൈസ് ഓഫീസിൽ നിന്ന് പ്രിൻസിപ്പൽ ഡോ. മാത്യുവിനെ വിളിച്ച് അഡ്മിഷൻ ആവശ്യപ്പെട്ടു. അഡ്മിഷൻ നല്കിയില്ലെങ്കിൽ കെമിസ്ട്രി ലാബ് റെയ്ഡ് നടത്തുമെന്ന് ഭീഷണിപ്പെടുത്തിയതായും മാനേജർ പരാതിയിൽ പറയുന്നു.
ബുധനാഴ്ച രാവിലെ ചേർത്തല എക്സൈസ് സിഐ കെടി ജയിംസിന്റെ നേതൃത്വത്തിൽ പ്രിവന്റീവ് ഓഫീസറടക്കം ജീപ്പിലെത്തി കെമിസ്ട്രി ലാബിൽ അനധികൃതമായി സ്പീരിറ്റ് സൂക്ഷിച്ചിട്ടുണ്ടെന്നാരോപിച്ച് പരിശോധന നടത്തുകയായിരുന്നു. ആവശ്യപ്പെട്ട സീറ്റ് നൽകിയാൽ കാര്യങ്ങൾ അവസാനിപ്പിക്കാമെന്നും അല്ലെങ്കിൽ പ്രിൻസിപ്പലിന് പത്ത് വർഷം തടവ് ശിക്ഷ ലഭിക്കുന്ന കുറ്റം ചുമത്തി കേസെടുക്കുമെന്ന് ഭീഷണിപ്പെടുത്തുകയും ചെയ്തെന്നും പരാതിയിൽ പറയുന്നു.
കോളേജിൽ പരിശോധന നടത്തിയെങ്കിലും കേസെടുത്തിരുന്നില്ല. തുടർന്നാണ് കോളേജ് അധികൃതർ പരാതി നൽകിയത്. തുടർന്ന് എക്സൈസ് ഡെപ്യൂട്ടി കമ്മീഷ്ണർ കോളേജിലെത്തി മാനേജർ, പ്രിൻസിപ്പൽ, കെമിസ്ട്രി വിഭാഗം മേധാവി എന്നിവരിൽ നിന്ന് മൊഴി എടുക്കുകയായിരുന്നു.
സിഐ കെടി ജയിംസ്, സിവിൽ ഓഫീസർ എന്നിവരെ വിളിച്ച് വരുത്തിയും ഡെപ്യൂട്ടി കമ്മീഷ്ണർ മൊഴിയെടുത്തു. എന്നാൽ കോളേജ് ലാബിൽ സ്പിരിറ്റ് സൂക്ഷിക്കുന്നതിനുള്ള ലൈസൻസ് കോളേജ് അധികൃതർ പുതുക്കിയിരുന്നില്ലെന്നും ഇതിനെ തുടര്ന്നാണ് പരിശോധന നടത്തിയതെന്നാണ് സിഐ പറയുന്നത്. ഇതിന് കോളേജ് പ്രവേശനവുമായി ബന്ധമില്ലെന്നും സിഐ.
-
റിയാലിറ്റിഷോ വിജയിക്ക് 1 കോടിയുടെ ഫ്ളാറ്റ്, കിട്ടാൻ 10 ലക്ഷം കയ്യിൽ നിന്ന് അടക്കണം, പഴയ കഥയുമായി ബിജെപി നേതാവ് -
ഇപ്പോൾ തിരഞ്ഞെടുപ്പ് നടന്നാൽ എൽഡിഎഫിന് പൂജ്യം! ബിജെപി അടിച്ച് കയറും, യുഡിഫ് സീറ്റ് പിടിക്കും, സർവ്വേ -
ഒറ്റ വെടിയുണ്ട, ഹൃദയം തുളഞ്ഞുകയറി എന്ന് പോസ്റ്റ്മോര്ട്ടം റിപ്പോര്ട്ട്; ഉന്നത സംഘം എത്തുന്നു -
ഫെബ്രുവരി 12ന് ദേശീയ പണിമുടക്ക്; നിങ്ങൾ അറിഞ്ഞിരിക്കേണ്ട കാര്യങ്ങൾ -
സ്വർണം മൂക്കും കുത്തി വീഴുമോ അതോ കുതിച്ചുയരുമോ? സാമ്പത്തിക വിദഗ്ധ മേരി ജോർജ് പറയുന്നു -
നിലമ്പൂര് വിട്ട് പിവി അന്വര്; പൊടിപാറും പോരാട്ടം, യുഡിഎഫില് ധാരണ, കൂടുതല് സീറ്റ് ചോദിക്കും -
സ്വർണ്ണം ബാങ്ക് ലോക്കറിൽ വെച്ചിട്ടുണ്ടോ? ഈ RBI നിയമം അറിഞ്ഞില്ലെങ്കിൽ പണി കിട്ടും -
പത്താം ക്ലാസ് വിദ്യാർത്ഥികൾക്ക് ആശ്വാസം; നിർണ്ണായക പ്രഖ്യാപനവുമായി മന്ത്രി വി. ശിവൻകുട്ടി -
റഷ്യൻ എണ്ണ മറന്നേക്കൂ, ഇനി മുതൽ വെനിസ്വേലയിൽ നിന്ന് വാങ്ങാം; ഇന്ത്യയ്ക്ക് യുഎസിന്റെ പുതിയ ഓഫർ -
റമദാൻ പ്രമാണിച്ച് യുഎഇയിൽ വമ്പൻ ഓഫറുകൾ; 65 ശതമാനം വിലക്കുറവുമായി ലുലു ഗ്രൂപ്പും, ഒപ്പം മറ്റ് കമ്പനികളും -
ഫോട്ടോയെടുത്ത 'പാപ്പരാസി'യെ കെട്ടിപ്പിടിച്ച് രശ്മിക മന്ദാന; എത്ര വയസായെന്ന് ചോദിച്ചു; താരം പറഞ്ഞത് -
സൂര്യൻ രാശി മാറിയാൽ ഭാഗ്യനേട്ടം; ഈ രാശിക്കാർക്ക് രാജാവിനെ പോലെ ജീവിക്കാം, സമ്പത്തിൽ ആറാടാം!
Click it and Unblock the Notifications
Sign in with Google