ഇതാണ് സുഹൃത്തുക്കള്‍,പണം പങ്കിട്ട് ലോട്ടറി വാങ്ങി,ഒന്നാം സമ്മാനം കിട്ടി,ഇനി സമ്മാനത്തുകയും പങ്കിടും

ചെറുവത്തൂര്‍: അവശേഷിച്ച ലോട്ടറിയില്‍ ഭാഗ്യം കടാക്ഷിച്ചപ്പോള്‍ ലോട്ടറി വില്‍പ്പനക്കാരനും സുഹൃത്തായ ഓട്ടോ ഡ്രൈവര്‍ക്കും ലഭിച്ചത് ഒരു കോടി രൂപയുടെ ഭാഗ്യം. കാലിക്കടവിലെ ലോട്ടറി വില്‍പ്പനക്കാരന്‍ കെവി രമേശിനേയും സുഹൃത്തും ഓട്ടോ ഡ്രൈവറുമായ കെവി രമേശിനേയുമാണ് ഭാഗ്യം കാരുണ്യ ലോട്ടറിയുടെ രൂപത്തില്‍ സഹായിച്ചത് .

ശനിയാഴ്ച നറുക്കെടുത്ത ലോട്ടറിയ്ക്കാണ് ഇവര്‍ക്ക് സമ്മാനം ലഭിച്ചത്. രമേശന്റെ കടയില്‍ ബാക്കി വന്ന ടിക്കറിലാണ് ഭാഗ്യദേവത കടാക്ഷിച്ചത് . നറുക്കെടുപ്പിന് മുമ്പ് രമേശന്റെ കൈയ്യില്‍ അവശേഷിച്ച 50 രൂപയുടെ മൂന്ന് ടിക്കറ്റുകള്‍ രമേശനും പ്രകാശനും പങ്കിടാന്‍ തീരുമാനിച്ചു . രമേശന്റെ കൈയ്യില്‍ പ്രകാശന്‍ 75 രൂപ നല്‍കുകയും ചെയ്തു. നറുക്കെടുപ്പ് ഫലം വന്നപ്പോള്‍ കെആര്‍ 297846 എന്ന ടിക്കറ്റിന് ഒന്നാം സമ്മാനവും.

സമ്മാനത്തുക ഇരുവരും പങ്കിട്ടെടുക്കും . പീലിക്കോട് സര്‍വീസ് സഹകരണ ബാങ്ക് കാലിക്കോട് ശാഖയില്‍ ഇരുവരും ചേര്‍ന്ന് ടിക്കറ്റ് ഏല്‍പ്പിച്ചു . മറ്റൊരാളുടെ ഓട്ടോ ഓടിച്ച് ഉപജീവനം നടത്തുന്ന പ്രകാശന് സ്വന്തമായി ഒരു ഓട്ടോ വാങ്ങണമെന്നതാണ് ആഗ്രഹം .

English summary

Two friends won Rs 1 Crore Karunya Lottery