ഇടുക്കിയില് രണ്ട് വീടുകള്ക്ക് തീയിട്ടു: ആക്രമണം പെട്രോളൊഴിച്ച് തീ കൊളുത്തിയതിന് പിന്നാലെ
ഇടുക്കി: ഇടുക്കി പൈനാവില് വീടുകള്ക്ക് തീയിട്ടു. പൈനാവ് അമ്പത്തിയാറ് കോളനിയില് സ്ഥിതി ചെയ്യുന്ന രണ്ട് വീടുകള്ക്ക് നേരെയായിരുന്നു ആക്രമണം. കൊച്ചു മലയിൽ അന്നക്കുട്ടി, മകൻ ജിൻസ് എന്നിവരുടെ വീടുകളാണ് കത്തിയത്.വീടുകളില് ആരും ഇല്ലാതിരുന്നതിനാല് വന് ദുരന്തം ഒഴിവായി. അന്നക്കുട്ടിയുടെ വീട് പൂർണമായും കത്തി നശിച്ചു. ജിൻസിൻ്റെ വീടിന് ഭാഗികമായും തീപിടിച്ചു. ജിന്സിന്റേത് വാടക വീടാണ്.
പുലർച്ചെ മൂന്ന് മണിയോടെയായിരുന്നു സംഭവം. തീ പടരുന്നത് കണ്ട് നാട്ടുകാരാണ് ഫയർഫോഴ്സിനേയും പൊലീസിനേയും വിവരം അറിയിച്ചത്. ഉടന് തന്നെ ഫയർഫോഴ്സ് സ്ഥലത്തെത്തി തീ അണച്ചു. പെട്രോളില് മുക്കിയ പന്തം വീടിനുള്ളിലേക്ക് എറിഞ്ഞാണ് തീ കൊളുത്തിയതെന്നാണ് പ്രാഥമിക നിഗമനം. അന്നക്കുട്ടിയുടെയും പേരക്കുട്ടിയുടെയും ദേഹത്ത് കഴിഞ്ഞ ദിവസം മകളുടെ ഭർത്താവ് സന്തോഷ് പെട്രോളൊഴിച്ച് തീകൊളുത്തിയിരുന്നു.
വിദേശത്തുള്ള ഭാര്യയെ തിരികെ വിളിക്കണമെന്ന് ആവശ്യപ്പെട്ടുകൊണ്ട് തർക്കമുണ്ടായിരുന്നു. ആക്രമണത്തിന് ശേഷം പ്രതിയെ പിടികൂടാന് പൊലീസിന് സാധിച്ചിരുന്നില്ല. കഴിഞ്ഞ ദിവസത്തെ ആക്രമത്തില് പരിക്കേറ്റ അന്നക്കുട്ടിയും പേരക്കുട്ടിയും ആശുപത്രിയില് ചികിത്സയിലാണ്. പ്രതിയുടെ പിടികൂടാനുള്ള ശ്രമം കട്ടപ്പന പൊലീസ് ഊർജ്ജിതമാക്കി.
Click it and Unblock the Notifications
Sign in with Google