Click it and Unblock the Notifications
Just In
Don't Miss
-
IPL 2024: 6, 6, 6, 2; സ്ട്രൈക്ക്റേറ്റ് 500! ഹാര്ദിക്കിനെ പഞ്ഞിക്കിട്ട് ധോണി, ലോകകപ്പിന് റെഡി? -
വീട്ടിലേക്ക് ഭാഗ്യവും പോസിറ്റീവ് എനര്ജിയും കടന്നുവരാന് ഈ ഇടങ്ങള് വൃത്തിയാക്കണം -
'സൗന്ദര്യമുള്ളതുകൊണ്ട് ഹൗസിൽ നിലനിന്ന് പോകുന്നു, അല്ലെങ്കിൽ വഴ, നോക്കു കുത്തി എന്നൊക്കെ പറഞ്ഞ് ഔട്ടായേനെ' -
മുതിർന്ന പൗരന്മാർക്കുള്ള പ്രത്യേക ഓഫർ ഏപ്രിൽ 15ന് അവസാനിക്കും; എച്ച്ഡിഎഫ്സിയുടെ എഫ്ഡി മികച്ചതോ? -
കോളിങ്ങിൽ കോളടിപ്പിക്കുന്നത് ആര്! ജിയോ, എയർടെൽ, വിഐ ഉപയോക്താക്കൾ നോട്ട് ചെയ്യേണ്ട പ്ലാനുകൾ -
യൂത്തൻമാരുടെ ഡ്രീം ബൈക്ക് വാങ്ങിയാൽ ഇനി തിരിഞ്ഞുനോക്കേണ്ട! 5 വർഷത്തെ വാറണ്ടി ഗ്യാരണ്ടി -
ബെംഗളുരുവിലെ ചൂടിന് ഒരു ബ്രേക്ക്, മൂന്നാർ വഴി തേക്കടി, പെരിയാർ യാത്ര..
ഓട്ടോ ഡ്രൈവറെ വെട്ടിക്കൊലപ്പെടുത്താന്‍ ശ്രമിച്ച കേസ് രണ്ട് എസ്ഡിപിഐ പ്രവര്‍ത്തകര്‍ അറസ്റ്റില്‍
വടകര : പുതുപ്പണത്തെ ഓട്ടോ ഡ്രൈവറും സിപിഎം ബ്രാഞ്ച് കമ്മിറ്റി അംഗവുമായ കുന്താപുരത്ത് ശ്രീജേഷിനെ വെട്ടിക്കൊലപ്പെടുത്താന്‍ ശ്രമിച്ച കേസില്‍ രണ്ട് എസ്ഡിപിഐ പ്രവര്‍ത്തകര്‍ കൂടി അറസ്റ്റില്‍. കേസിലെ മുഖ്യസൂത്രധാരകന്‍ പുതുപ്പണം ഹാശ്മി നഗറില്‍ കോമത്ത് അബ്ദുല്‍ റഫീഖ്(31), മേക്കളത്ത് യൂനുസ്(29) എന്നിവരെയാണ് വടകര സിഐ ടി മധുസൂദനന്‍ നായരും സംഘവും അറസ്റ്റ് ചെയ്തത്. ഇക്കഴിഞ്ഞ നവംബര്‍ 28നാണ് ശ്രീജേഷിനെ ഓട്ടോ ഓട്ടം വിളിച്ച് പോയി ജനതാ റോഡ് വാട്ടര്‍ ടാങ്കിന് സമീപം വച്ച് വെട്ടിക്കൊലപ്പെടുത്താന്‍ ശ്രമിച്ചത്.
റഫീഖും യൂനുസും ചേര്‍ന്ന് ഓട്ടോ വിളിക്കുകയും, മൂന്ന് ബൈക്കുകളിലെത്തിയ ആറംഗ സംഘവും ചേര്‍ന്നാണ് അക്രമം നടത്തിയത്. ഇതില്‍ ചെമ്മരത്തൂര്‍ സ്വദേശിയായ അബ്ദുല്‍ ലത്തീഫിനെ നേരത്തെ പൊലീസ് അറസ്റ്റ് ചെയ്തിരുന്നു. മറ്റുള്ള അഞ്ച് പ്രതികള്‍ക്കായി അന്വേഷണം ഊര്‍ജ്ജിതമാക്കിയതായും പ്രതികളെ തിരിച്ചറിഞ്ഞതായും പൊലീസ് പറഞ്ഞു.
എസ്ഡിപിഐ പ്രവര്‍ത്തകനായ റഫീഖിനെ ജൂലായ് 21ന് പണിക്കോട്ടിയില്‍ പോസ്റ്റര്‍ പതിക്കുന്നതിനിടയില്‍ ശ്രീജേഷിന്റെ നേതൃത്വത്തിലുള്ള സംഘം അടിച്ചു പരിക്കേല്‍പ്പിക്കുകയും പോസ്റ്റര്‍ കീറി നശിപ്പിക്കുകയും ചെയ്തു. ഇതിലുള്ള പ്രതികാരമാണ് അക്രമത്തില്‍ കലാശിച്ചതെന്ന് പൊലീസ് പറഞ്ഞു. പ്രതികളെ ഇന്ന് കോടതിയില്‍ ഹാജരാക്കും. തൊണ്ടിമുതലുകള്‍ കണ്ടെടുക്കാന്‍ പ്രതികളെ പൊലീസ് കസ്റ്റഡിയില്‍ വാങ്ങിയ ശേഷം നടപടികള്‍ സ്വീകരിക്കും.
