• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

കുടുംബത്തിന്റെ കൂട്ടമരണം; ഭാര്യയ്ക്ക് കാമുകനുണ്ടെന്ന സംശയത്താല്‍

  • By Gokul

വൈക്കം: ഉദയനാപുരം നേരേകടവ് ജങ്ഷനില്‍ സൂപ്പര്‍മാര്‍ക്കറ്റ് നടത്തിവരികയായിരുന്ന സുഭാഷ് സുന്ദറും കുടുംബവും മരിക്കാന്‍ ഇടയായത് സുഭാഷിന്റെ ഭാര്യയ്ക്ക് മറ്റൊരാളുമായി അടുപ്പമുണ്ടെന്ന സംശയത്താലാണെന്ന് റിപ്പോര്‍ട്ട്. സുഭാഷ് സുന്ദര്‍ എഴുതിയ ആത്മഹത്യാ കുറിപ്പില്‍ ഇക്കാര്യം വ്യക്തമാക്കിയിട്ടുണ്ടെന്നാണ് വിവരം. ഇവര്‍ക്ക് സാമ്പത്തിക ബാധ്യതയൊന്നുമില്ലായിരുന്നെന്നും ദാമ്പത്യത്തിലെ പ്രശ്‌നങ്ങളാണ് മരണത്തിലേക്ക് നയിച്ചതെന്നും പോലീസും അറിയിച്ചു.

സുന്ദറിന്റെ ആത്മഹത്യാ കുറിപ്പില്‍ ഭാര്യയ്ക്ക് മറ്റൊരാളുമായി അടുപ്പമുള്ള കാര്യവും ഇയാളെ വിളിക്കാനായി പ്രത്യേക സിം കാര്‍ഡ് ഉള്ള കാര്യവും സൂചിപ്പിച്ചിട്ടുണ്ട്. ഇക്കാര്യത്തില്‍ ഇരുവരും തമ്മില്‍ വാക്കേറ്റമുണ്ടായതായി സംശയിക്കുന്നു. ദാമ്പത്യത്തിലെ അസ്വാരസ്യം വര്‍ദ്ധിച്ചപ്പോള്‍ സുഭാഷ് ഭാര്യയെയും മകനെയും കൊലപ്പെടുത്തി ആത്മഹത്യ ചെയ്യുകയായിരുന്നു.

ഭാര്യ സൗമ്യ(28)യെയും മകന്‍ ശിവകാര്‍ത്തികിനെയും (നാലര) കിടക്കയില്‍ മരിച്ച നിലയിലും സുഭാഷ് കിടപ്പുമുറിയിലെ ഫാനില്‍ തൂങ്ങിയ നിലയിലുമാണ് പോലീസ് കണ്ടെത്തിയത്. സൗമ്യയുടെ കഴുത്തില്‍ പ്ലാസ്റ്റിക് ചരട് മുറുക്കിയ പാടുകളുണ്ട്. പതിവു സമയത്തും മകന്‍ കട തുറക്കാത്തത് ശ്രദ്ധയില്‍പ്പെട്ട സുഭാഷ് സുന്ദറിന്റെ പിതാവ് നടത്തിയ പരിശോധനയിലാണ് മകനും കുടുംബവും മരിച്ച നിലയില്‍ കണ്ടെത്തിയത്. ആറുവര്‍ഷംമുമ്പാണ് സുഭാഷും സൗമ്യയും വിവാഹിതരായത്.

പോസ്റ്റുമോര്‍ട്ടം റിപ്പോര്‍ട്ട് ലഭിച്ചാല്‍ മാത്രമേ മരണകാര്യത്തില്‍ കൂടുതല്‍ വ്യക്തതയുണ്ടാവുകയുള്ളൂവെന്ന് പോലീസ് പറഞ്ഞു. പാലാ ഡിവൈ.എസ്.പി. ഡി.എസ്.സുനീഷ്ബാബിന്റെ നേതൃത്വത്തില്‍ പോലീസ് സംഘവും ഫൊറന്‍സിക് സംഘവും സ്ഥലത്ത് തെളിവെടുപ്പു നടത്തി.

English summary
udayanapuram vaikom family found dead; Police suspect murder-suicide .
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X