ജോര്‍ജ്ജിന്റെ കത്തിന് യുഡിഎഫിന് പുല്ല് വില

തിരുവനന്തപുരം: കെഎം മാണിക്കെതിരെ പിസി ജോര്‍ജ്ജ് മുഖ്യമന്ത്രിക്ക് നല്‍കിയ കത്തിന് യുഡിഎഫ് നല്‍കുന്നത് പുല്ലുവില. ജോര്‍ജ്ജ് നല്‍കിയ കത്ത് യുഡിഎഫ് യോഗം പരിഗണനയ്ക്ക് പോലും എടുത്തില്ല.

ജോര്‍ജ്ജിന്റെ കത്ത് പരിഗണനയ്ക്ക് പോലും അര്‍ഹമല്ലെന്നാണ് യുഡിഎഫ് കണ്‍വീനര്‍ പിപി തങ്കച്ചന്‍ പ്രതികരിച്ചത്. സരിത എസ് നായരുടെ കത്തും യുഡിഎഫ് യോഗം ചര്‍ച്ച ചെയ്തില്ല.

കെഎം മാണി അഞ്ച് കോടി രൂപ കൈക്കൂലി വാങ്ങിയെന്നും ജോസ് കെ മാണി 10 കോടി രൂപ കൈക്കൂലി വാങ്ങിയെന്നും ആരോപണം ഉന്നയിക്കുന്ന കത്താണ് പിസി ജോര്‍ജ്ജ് മുഖ്യമന്ത്രിയ്ക്ക് നല്‍കിയത്. ജോസ് കെ മാണിയും സരിതയും തമ്മിലുള്ള ബന്ധവും കത്തില്‍ ഉന്നയിച്ചിരുന്നു. എന്നാല്‍ ഇതൊന്നും ചര്‍ച്ചക്കെടുക്കാന്‍ യുഡിഎഫ് തയ്യാറായില്ല.

സരിത എസ് നായരുടെ കത്തില്‍ മന്ത്രിമാരുള്‍പ്പെടെയുള്ള പ്രമുഖ കോണ്‍ഗ്രസ് നേതാക്കളുടെ പേര് വന്നിട്ടും അക്കാര്യം ചര്‍ച്ച ചെയ്യാനും യുഡിഎഫ് യോഗം തയ്യാറായില്ല. സരതി ആളുകളെ പേടിപ്പിച്ച് പണമുണ്ടാക്കാന്‍ ശ്രമിക്കുകയാണെന്നാണ് പിപി തങ്കച്ചന്‍ പ്രതികരിച്ചത്.

എല്‍ഡിഎഫ് ആണ് സരിതയെ ആശ്രയിക്കുന്നത്. എല്ലാ സമരങ്ങളും പൊളിഞ്ഞുപോയ സാഹചര്യത്തിലാണിത്. യുഡിഎഫില്‍ ഒരു പ്രതിസന്ധിയും ഇപ്പോഴില്ലെന്നും പിപി തങ്കച്ചന്‍ പറഞ്ഞു.

English summary

UDF meeting didn't consider PC George's letter against KM Mani