Click it and Unblock the Notifications
Just In
Don't Miss
-
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
ഫാഷൻ ലോകത്തെ താര റാണി; കൈയിലെത്തുന്നത് കോടികൾ; മാളവികയുടെ സമ്പാദ്യം; റിപ്പോർട്ട് -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കേന്ദ്ര ബജറ്റില്‍ കേരളത്തിന് എന്തൊക്കെ... തിരഞ്ഞെടുപ്പ് മുന്നില്‍ കണ്ടുള്ള നീക്കമോ? അറിയാം
ദില്ലി/തിരുവനന്തപുരം: 2021-2022 വര്‍ഷത്തേക്കുള്ള കേന്ദ്ര ബജറ്റ് ആണ് ധനമന്ത്രി നിര്‍മല സീതാരാമന്‍ പാര്‍ലമെന്റില്‍ അവതരിപ്പിച്ചത്. കൊവിഡ് പ്രതിസന്ധിയും കര്‍ഷക സമരവും എല്ലാം കൊണ്ട് കലുഷിതമായ രാഷ്ട്രീയ, സാമ്പത്തിക സാഹചര്യത്തിലാണ് രാജ്യമിപ്പോള്‍.
അതിനൊപ്പമാണ് അഞ്ച് സംസ്ഥാനങ്ങളില്‍ വരാനിരിക്കുന്ന നിയമസഭ തിരഞ്ഞെടുപ്പ്. ഇത്തവണ പ്രധാന പ്രഖ്യാപനങ്ങളില്‍ ഇതിലെ നിര്‍ണായക സംസ്ഥാനങ്ങളും ഉള്‍പ്പെട്ടിട്ടുണ്ട്. അത് തിരഞ്ഞെടുപ്പ് മുന്നില്‍ കണ്ടിട്ടാണെന്ന് ആക്ഷേപവും ഉയര്‍ന്നുകഴിഞ്ഞു. കേരളത്തിന് എന്തെല്ലാമാണ് ബജറ്റില്‍ ഉള്ളത്? വിശദാംശങ്ങളും വിലയിരുത്തലുകളും.
65,000 കോടി
ദേശീയ പാതാ വികസനത്തിനായി കേരളത്തിന് കേന്ദ്ര ബജറ്റില്‍ വകയിരുത്തിയിരിക്കുന്നത് 65,000 കോടി രൂപയാണ്. 1,100 കിലോമീറ്റര്‍ റോഡ് വികസനമാണ് ലക്ഷ്യം എന്നാണ് പറയുന്നത്. കേരളത്തില്‍ ദേശീയപാതാ വികസനം അസാധ്യമല്ലെന്ന് തെളിയിക്കപ്പെട്ട ഒരു സാഹചര്യം കൂടിയാണ് ഇപ്പോഴുള്ളത്.
തമിഴ്‌നാടിന്റെ കൂടെ
തമിഴ്‌നാട്ടില്‍ ദേശീയപാതാ വികസനത്തിന് ഒരു ലക്ഷം കോടിയില്‍ അധികമാണ് അനുവദിച്ചിരിക്കുന്നത്. അതിന്റെ ഗുണഫലങ്ങളില്‍ ഒന്ന് കേരളത്തിനും ലഭിക്കും. മധുര- കൊല്ലം ഇടനാഴിയാണ് കേരളത്തിന്റെ ഗുണകരമാവുക.
കൊച്ചി മെട്രോ
കൊച്ചി മെട്രോയുടെ വികസനം കേരളത്തെ സംബന്ധിച്ച് ഏറെ പ്രതീക്ഷയുള്ള ഒന്നാണ്. കൊച്ചി മെട്രോ രണ്ടാം ഘട്ടത്തിനാണ് ബജറ്റില്‍ വകയിരുത്തിയിരിക്കുന്നത് 1975 കോടി രൂപയാണ്. 11.5 കിലോമീറ്റര്‍ ദൂരത്തില്‍ രണ്ടാം ഘട്ടം ഈ തുക ഉപയോഗിച്ചായിരിക്കും നിര്‍മിക്കുക.
കൊച്ചി തുറമുഖം
തുറമുഖ മേഖലയിലും വന്‍ പ്രഖ്യാപനങ്ങളാണ് ഉള്ളത്. ഇതിലും കേരളത്തിന് പ്രാതിന്ധ്യം ലഭിച്ചിട്ടുണ്ട്. കൊച്ചി ഫിഷിങ് ഹാര്‍ബറിനെ വാണിജ്യ ഹബ്ബ് ആക്കും എന്നാണ് ബജറ്റില്‍ പ്രഖ്യാപിച്ചിട്ടുള്ളത്. കൊച്ചി ഉള്‍പ്പെടെ അഞ്ച് ഫിഷിഭ് ഹാര്‍ബറുകള്‍ ആണ് വികസിപ്പിക്കുന്നത്.
കണക്കിലെ കളി
ദേശീയ പാതാ വികസനത്തിന് കേരളത്തിന് 65,000 കോടി രൂപ അനുവദിച്ചതിനെ പറ്റി ഇപ്പോഴേ ചര്‍ച്ചകള്‍ തുടങ്ങിയിട്ടുണ്ട്. 1,100 കിലോമീറ്റര്‍ പാത നിര്‍മാണത്തിന് ഇത്രയും തുകയുടെ ആവശ്യം വരുമോ എന്നാണ് ചോദ്യം. ഇതിനെ പരിഹസിച്ച് ട്രോളുകളും ഇറങ്ങിത്തുടങ്ങിയിട്ടുണ്ട്.
കേരളത്തിലെ എതിര്‍പ്പ്
കേന്ദ്ര ബജറ്റില്‍ ഇത്തവണയും പൊതുമേഖലാ സ്ഥാപനങ്ങളുടെ ഓഹരി വിറ്റ് പണം സമ്പാദിക്കുന്നതിനെ കുറിച്ചാണ് പറയുന്നത്. ഇതിനെതിരെയാണ് കേരളത്തില്‍ സിപിഎം, കോണ്‍ഗ്രസ് നേതാക്കള്‍ ഇപ്പോള്‍ രംഗത്ത് വന്നിട്ടുള്ളത്. പ്രതിസന്ധി ഘട്ടത്തില്‍ പൊതുമേഖലാ സ്ഥാപനങ്ങളെ വില്‍ക്കുന്നത് വിപരീത ഫലം ചെയ്യുമെന്നാണ് ആക്ഷേപം.
Recommended Video
