ദേശീയ പണിമുടക്ക്: ബുധനാഴ്ചത്തെ സർവ്വകലാശാല പരീക്ഷകൾ മാറ്റിവെച്ചു, പണിമുടക്ക് ചൊവ്വാഴ്ച രാത്രി മുതൽ
തിരുവനന്തപുരം: ദേശീയ പണിമുടക്കിനെ തുടർന്ന് ബുധനാഴ്ച നടത്താനിരുന്ന എല്ലാ പരീക്ഷകളും എംജി സർവ്വകലാശാല മാറ്റിവെച്ചു. എന്നാൽ പുതുക്കിയ തിയ്യതി സർവ്വകലാശാല പിന്നീട് അറിയിക്കും. കണ്ണൂർ സർവ്വകലാശാലയും അന്നത്തെ ദിവസം നടത്താനിരുന്ന പരീക്ഷകൾ ക്രമീകരിച്ചിട്ടുണ്ട്.
ജാദവ്പൂർ സർവ്വകലാശാല വിദ്യാർത്ഥികളുടെ മാർച്ചിനിടെ കൊൽക്കത്തയിൽ സംഘർഷം: പോലീസ് ലാത്തി വീശി
കണ്ണൂർ സർവ്വകലാശാല ബുധനാഴ്ച നടത്താനിരുന്ന ബിടെക് ഏഴാം സെമസ്റ്റർ പരീക്ഷകൾ 13ന് നടത്തും. അതേ സമയം മെഡിക്കൽ മൈക്രോ ബയോളജി/ബയോകെമിസ്ട്രി (പാർട്ട് 2), പരീക്ഷകൾ ജനുവരി 15നും നടക്കും. പരീക്ഷാ കേന്ദ്രങ്ങളും സമയവും നേരത്തെ നിശ്ചയിച്ച പ്രകാരം തന്നെയായിരിക്കും.
തൊഴിലാളികളുടെ മിനിമം വേതനം 21,000 രൂപയാക്കുക, പെൻഷൻ തുക 10,000 രൂപയാക്കുക എന്നീ ആവശ്യങ്ങളുന്നയിച്ചാണ് ട്രേഡ് യൂണിയൻ സമിതി 24 മണിക്കൂർ ദേശീയ പണിമുടക്കിന് ആഹ്വാനം ചെയ്തിട്ടുള്ളത്. ചൊവ്വാഴ്ച രാത്രി 12 മണി മുതൽ ബുധനാഴ്ച രാത്രി 12 മണിവരെയാണ് പണിമുടക്ക്.