മലപ്പുറത്തെ ബിജെപിക്കാരുടെ വീടിന്റെ ചുവരില് സന്ദേശം: : 'ഡിവൈഎഫ്ഐ ബുക്ക്ഡ്' താക്കീത്!
മലപ്പുറം: മലപ്പുറം പരപ്പനങ്ങാടി മേഖലയിലെ ബിജെപിക്കാരുടെ വീടിന്റെ ഭിത്തിയില് സിപിഎം, ഡിവൈഎഫ്ഐ ബുക്ക്ഡ് എന്നെഴുതിയ നിലയില്. പരപ്പനങ്ങാടി പുത്തന്പീടിക പഴശി നഗറിലെ തുടിശ്ശേരി വേലായുധന്, തണ്ടാം പറമ്പത്ത് ചന്ദ്രന് എന്നിവരുടെ വീടിന്റെ ചുമരാണ് ഞായറാഴ്ച അര്ദ്ധരാത്രിയില് അലങ്കോലമാക്കിയത്. ഈ മേഖലയില് കുറച്ച് ദിവസമായി സിപിഎം, ബിജെപി സംഘര്ഷം നിലനില്ക്കുണ്ട്.
ഇതിന്റെ തുടര്ച്ചയാണ് ഈ സംഭവമെന്ന് കരുതപ്പെടുന്നു. ഏതാനും ദിവസങ്ങള്ക്ക് മുമ്പ് ഇവിടെ നുബു എന്ന ഡിവൈഎഫ്ഐ പ്രവര്ത്തകന് ആക്രമിക്കപ്പെട്ടിരുന്നു. സംഭവത്തിന് പരപ്പനങ്ങാടി പോലീസ് കേസെടുത്ത് അന്വേഷണം ആരംഭിച്ചു.
മേഖലയില് കുറച്ച് ദിവസമായി നിലനില്ക്കുന്ന സിപിഎം, ബിജെപി സംഘര്ഷത്തിന്റെ ഭാഗമായി തന്നെയാണ് ചുമരഴെത്തെന്നാണു പോലീസ് നല്കുന്ന സൂചന. സംശയിക്കുന്ന വ്യക്തികളെ കുറിച്ചുള്ള വിവരങ്ങള് പോലീസ് പരപ്പനങ്ങാടി പുത്തന്പീടിക പഴശി നഗറിലെ തുടിശ്ശേരി വേലായുധന്, തണ്ടാം പറമ്പത്ത് ചന്ദ്രന് എന്നിവരോട് ചോദിച്ചു. തുടര്ന്നു അയല്വാസികളുടെ മൊഴിയെടുത്തു. പ്രതികളെ ഉടന് പിടികൂടാനാകുമെന്നാണു പോലീസ് പറയുന്നത്.