Click it and Unblock the Notifications
Just In
Don't Miss
-
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
IPL 2024: രാഹുല്‍ 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
അച്ഛന്റെ കൂടെ സംസാരിക്കാനോ പുറത്ത് പോകാനോ അനുവാദമില്ലായിരുന്നു; ബ്രേക്കപ്പിന്റെ സമയത്ത് മരണം; സൗഭാഗ്യ -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ശബരിമലയില്‍ അയ്യപ്പന്‍മാരെ നേരിട്ടതിന്റെ പത്തിലൊന്ന് സന്നാഹം വിഴിഞ്ഞത്തില്ലല്ലോ? കടന്നാക്രമിച്ച് വി മുരളീധരന്‍
ന്യൂദല്‍ഹി: വിഴിഞ്ഞം സംഘര്‍ഷത്തില്‍ സംസ്ഥാന സര്‍ക്കാരിനേയും മുഖ്യമന്ത്രി പിണറായി വിജയനേയും കടന്നാക്രമിച്ച് കേന്ദ്ര വിദേശകാര്യ സഹമന്ത്രി വി മുരളീധരന്‍. വിഴിഞ്ഞത്ത് സമുദായങ്ങള്‍ തമ്മില്‍ ഏറ്റുമുട്ടലുണ്ടായി എന്ന് കേരളത്തിലെ മന്ത്രിമാര്‍ തന്നെ പറയുന്നുണ്ട് എന്നും അദ്ദേഹം പറഞ്ഞു. ശബരിമലയില്‍ അയ്യപ്പന്‍മാരെ നേരിട്ടതിന്റെ പത്തിലൊരു പൊലീസ് സന്നാഹം പോലും വിഴിഞ്ഞത്ത് ആയുധങ്ങളുമായി എത്തിയവരെ നേരിടാനുണ്ടായിരുന്നില്ല എന്നും അദ്ദേഹം കൂട്ടിച്ചേര്‍ത്തു.
കേരളത്തിലെ ക്രമസമാധാന നില തകര്‍ന്നതിന്റെ നേര്‍ക്കാഴ്ചയാണ് ഇന്നലെയും മിനിഞ്ഞാന്നുമായി നടക്കുന്ന സംഭവങ്ങള്‍ കാണിക്കുന്നത് എന്ന് വി മുരളീധരന്‍ പറഞ്ഞു. സംസ്ഥാനത്തെ ക്രമസമാധാനം പാലിക്കുന്നതില്‍ പിണറായി വിജയന്‍ സര്‍ക്കാര്‍ സമ്പൂര്‍ണ്ണമായി പരാജയപ്പെട്ടു എന്നും വിഴിഞ്ഞത്ത് കലാപ സമാനമായ സാഹചര്യമാണ് ഉണ്ടായത് എന്നും വി മുരളീധരന്‍ കുറ്റപ്പെടുത്തി.
ജനങ്ങള്‍ പൊലീസ് സ്റ്റേഷന്‍ ആക്രമിക്കുന്ന തരത്തില്‍ ഗുരുതരമായ ഒരു സാഹചര്യമുണ്ടായിട്ടും കളക്ടര്‍ തലത്തിലുള്ള ഇടപെടല്‍ മാത്രമാണുണ്ടായത് എന്നും എവിടെപ്പോയി ഇരട്ടച്ചങ്കുള്ള മുഖ്യമന്ത്രി എന്നും കേന്ദ്ര മന്ത്രി ചോദിച്ചു. കേരളത്തിന്റെ ആഭ്യന്തര വകുപ്പിന് നാഥനില്ല എന്നും അദ്ദേഹം കുറ്റപ്പെടുത്തി. മുഖ്യമന്ത്രിയുടെ മൂക്കിന് താഴെ ഇത്രയും കാര്യങ്ങള്‍ സംഭവിച്ചിട്ട് ജില്ലാ കളക്ടറുടെ സന്ദര്‍ശനത്തിന് അപ്പുറത്തേക്ക് കാര്യങ്ങള്‍ കൈകാര്യം ചെയ്യാന്‍ സര്‍ക്കാര്‍ ശ്രമിക്കുന്നില്ല എന്നും അദ്ദേഹം പറഞ്ഞു.
ഗുരുതരമായ സംഭവം നടന്നിട്ട് തലസ്ഥാനത്തെ രണ്ട് മന്ത്രിമാര്‍ എവിടെയാണ്. അവര്‍ക്ക് ഇതില്‍ ഒരു ഉത്തരവാദിത്തവുമില്ലേ എന്നും വി മുരളീധരന്‍ ചോദിച്ചു. സര്‍വകക്ഷിയോഗം വിളിക്കേണ്ടിയിരുന്നത് മുഖ്യമന്ത്രിയായിരുന്നു. സംസ്ഥാന സര്‍ക്കാര്‍ മാളത്തില്‍ ഒളിച്ചിരിക്കുരകയാണ്. ഊരിപിടിച്ച വാളിനിടയിലൂടെ നടന്ന മുഖ്യമന്ത്രി ഇതുപോലുള്ള സാഹചര്യം വരുമ്പോള്‍ അതെന്താണ് വ്യക്തമാക്കാത്തത് എന്നും അദ്ദേഹം പരിഹസിച്ചു.
വിഴിഞ്ഞം തുറമുഖം സംസ്ഥാനത്തിന്റെ വികസനത്തിന് ഒഴിച്ചുകൂടാനാവാത്ത ഒരു പദ്ധതിയാണ്. അക്കാര്യം ജനങ്ങളേയും സമരക്കാരേയും ബോധ്യപ്പെടുത്തേണ്ടത് സര്‍ക്കാരാണ്. സര്‍ക്കാരിന്റെ മെല്ലപ്പോക്ക് നയം അവസാനിപ്പിക്കണം എന്നും സമ്പൂര്‍ണ്ണമായ അരാജകത്വമാണ് വിഴിഞ്ഞത്ത് ഉണ്ടായത് എന്നും അദ്ദേഹം കുറ്റപ്പെടുത്തി. വിഴിഞ്ഞം പദ്ധതിക്ക് അനുകൂലമായവരുടെ വീടുകള്‍ ആക്രമിക്കപ്പെട്ടിരിക്കുകയാണ് എന്നും മുരളീധരന്‍ പറഞ്ഞു.
ശബരിമലയില്‍ യുവതിപ്രവേശനത്തിന്റെ പേരില്‍ എന്തെല്ലാം ഉണ്ടാക്കി. അതിന്റെ പത്തിലൊന്ന് വിഴിഞ്ഞത്ത് ഉണ്ടാകാത്തത് എന്താണ്. സര്‍ക്കാര്‍ ആളെ നോക്കിയാണോ ക്രമസമാധാനപാലനം നടപ്പാക്കുന്നത് എന്നും ശബരിമലയില്‍ അയ്യപ്പന്‍മാരെ നേരിടാന്‍ എല്ലാ വിധ സന്നാഹങ്ങളും ഉണ്ടായിരുന്നല്ലോ എന്നും മുരളീധരന്‍ പറഞ്ഞു. അക്രമികള്‍ ആയുധങ്ങളുമായിട്ടാണ് എത്തിയത് എന്ന് മന്ത്രിമാര്‍ തന്നെ പറഞ്ഞിട്ടും പൊലീസ് എന്ത് നടപടിയാണ് സ്വീകരിച്ചത് എന്നും അദ്ദേഹം ആരാഞ്ഞു.
