‘ദേശീയപാതയോരങ്ങളിൽപോലും അമ്മായിയച്ഛന്റേയും മരുമകന്റേയും പടം വച്ച് ജനത്തെ തെറ്റിധരിപ്പിക്കുന്നു'; വി മുരളീധരൻ

തിരുവനന്തപുരം: മുഖ്യമന്ത്രി പിണറായി വിജയനേയും മന്ത്രി മുഹമ്മദ് റിയാസിനേയും രൂക്ഷമായി പരിഹസിച്ച് കേന്ദ്രമന്ത്രി വി മുരളീധരൻ. കേന്ദ്രം ഞെരുക്കുകയാണെന്ന് പ്രചരിപ്പിക്കുകയും മറുവശത്ത് കേന്ദ്ര പദ്ധതികളുടെ ക്രെഡിറ്റ് ഏറ്റെടുത്ത് വ്യാജ പ്രചരണം നടത്തുകയാണ് സംസ്ഥാന സർക്കാർ ചെയ്യുന്നതെന്ന് അദ്ദേഹം വിമർശിച്ചു.ദേശീയപാതയോരങ്ങളില്‍ പോലും അമ്മായിയച്ഛന്റെയും മരുമകന്റെയും പടംവെച്ച് ജനങ്ങളെ തെറ്റിദ്ധരിപ്പിക്കുന്നു. ജനങ്ങളുടെ പണം ഉപയോഗിച്ച് തയ്യാറാക്കിയ പദ്ധതികൾ രാഷ്ട്രീയ പ്രചരണത്തിനുള്ള വേദിയാക്കരുതെന്നാണ് പറയാനുള്ളതെന്നും മുരളീധരൻ മാധ്യമങ്ങളോട് പറഞ്ഞു.

'മൂന്നാറിലെ ദേശീയപാതയും അവിടുത്തെ ഇക്കോ ലോഡ്ജുമെല്ലാം മന്ത്രി മുഹമ്മദ് റിയാസ് ഫെയ്സ്ബുക്കിലൂടെ പങ്കുവച്ചിരുന്നു. അതൊക്കെ സംസ്ഥാന സർക്കാരിന്റേതാണെന്ന് തെറ്റിധരിപ്പിക്കുന്ന വിധത്തിലാണ് അദ്ദേഹം പോസ്റ്റിട്ടത്. അത് കാരണം കേന്ദ്രസർക്കാർ നടപ്പാക്കുന്ന വികസനങ്ങൾ കേരളത്തിലെ ജനങ്ങൾക്ക് മനസിലാക്കാൻ സാധിച്ചു. കേന്ദ്രസർക്കാർ ഞെരുക്കുന്നുവെന്നാണ് ഇവർ കുറെ കാലമായി നടത്തുന്ന പ്രചരണം. വാസ്തവത്തിൽ കേന്ദ്രസർക്കാരാണ് കേരളത്തിലെ ജനോപകാരപ്രദമായിട്ടുള്ള പദ്ധതികൾ നടപ്പാക്കുന്നുവെന്ന് പറയേണ്ടി വന്നത് കേന്ദ്രം ഞെരുക്കുന്നുവെന്ന് ഒരുവശത്ത് പ്രചരിപ്പിക്കുകയും കേന്ദ്ര പദ്ധതികള്‍ മുഴുവൻ തങ്ങളുടേതാണെന്ന വ്യാജ പ്രചാരണം നടത്തുകയുമാണ്.

ദേശീയപാതയോരങ്ങളില്‍ പോലും അമ്മായിയച്ഛന്റെയും മരുമകന്റെയും പടംവെച്ച് ജനങ്ങളെ തെറ്റിദ്ധരിപ്പിക്കുമ്പോശ്‍ ജനങ്ങൾ വസ്തുതൾ മനസിാക്കാൻ വേണ്ടി ഞാൻ ഇന്നലത്തെ അവസരം ഉപയോഗിച്ചു. അത് രാഷ്ട്രീയ പ്രചരണത്തിനുള്ള വേദിയാണെന്ന് പറയുമ്പോൾ എനിക്ക് ചിരിയാണ് വന്നത്.കഴിഞ്ഞ ഒന്നര മാസം നടന്ന കാര്യങ്ങൾ മറന്നുപോയോ എന്നാണ് അവരോട് ചോദിക്കാനുള്ളത്. ‌

സംസ്ഥാനത്തെ ജനങ്ങളുടെ പണം ഉപയോഗിച്ച് അമ്മായിഅച്ചനും മരുമകനും കൂടി കേരളത്തിന്റെ വടക്കേയറ്റം മുതൽ തെക്കേയറ്റം വരെ കേന്ദ്രസർക്കാരിനും എനിക്കുമെതിരെ നടത്തിയ പ്രചരണം മുഴുവൻ അവർ മറന്ന് പോയോ എന്നാണ് എനിക്ക് ചോദിക്കാനുള്ളത്. ജനങ്ങളുടെ പണം ഉപയോഗിച്ച് തയ്യാറാക്കിയ പദ്ധതികൾ രാഷ്ട്രീയ പ്രചരണത്തിനുള്ള വേദിയാക്കരുതെന്ന് അവർ സ്വയം പറയുകയാണ് വേണ്ടത്. നേതാക്കളെ കുറിച്ചെല്ലാം കേരളത്തിലെ ജനങ്ങൾക്ക് കൃത്യമായ ധാരണയുണ്ട്. അവരെ തെറ്റിധരിപ്പിക്കാൻ സാധിക്കില്ല.

കേരളത്തിലെ ജനങ്ങൾക്ക് കൃത്യമായ ധാരണയുണ്ട്. അവരെ തെറ്റിധരിപ്പിക്കാൻ സാധിക്കില്ല. ബി ജെ പിയില്‍ ചേര്‍ന്ന ഫാ ഷൈജു കുര്യനെതിരെയുള്ള ഓര്‍ത്തഡോക്‌സ് സഭയുടെ നടപടിയെക്കുറിച്ചുള്ള ചോദ്യത്തിന്, സഭയ്ക്കകത്തുള്ള തര്‍ക്കമാണ് അതിന് കാരണമെന്നും അതിലേക്ക് കടക്കാൻ താൻ ആഗ്രഹിക്കുന്നില്ലെന്നും മുരളീധരൻ പറഞ്ഞു.

English summary

V Muraleedharan Slams Pinarayi And muhammed Riyas, Says they are misleading people