നെഹ്റുവിനെതിരായ വി മുരളീധരന്റെ വിവാദ പ്രസ്താവന; മാപ്പ് പറയണമെന്നാവശ്യപ്പെട്ട് കെസി വേണുഗോപാല്
തിരുവനന്തപുരം; നെഹ്റു ട്രോഫി വള്ളം കളിയുമായി ബന്ധപ്പെട്ട് കേന്ദ്ര മന്ത്രി വി മുരളീധരന്റെ വിവാദ പ്രസ്താവനക്കെതിരെ രൂക്ഷ വിമര്ശനവുമായി എഐസിസി ജനറല് സെക്രട്ടറി കെ സി വേണുഗോപാല്. മുരളീധരന്റെ പ്രസ്താവന ആളുകളെ വിഢികളാക്കുന്നതിന് തുല്യമാണെന്ന് കെസി വേണു ഗോപാല് പറഞ്ഞു. പദവിക്ക് ചേരാത്ത പ്രസ്താവന നടത്തിയ കേന്ദ്ര മന്ത്രി വി മുരളീധരന് മാപ്പ് പറയണമെന്നും കെസി വേണുഗോപാല് ആവശ്യപ്പെട്ടു.
മുന് പ്രധാനമന്ത്രി ജവഹര്ലാല് നെഹ്റു വള്ളംകളിക്കാരനായിട്ടാണോ കേരളത്തിലെ ഏറ്റവും പ്രസിദ്ധമായ വള്ളംകളിക്ക് നെഹ്റു ട്രോഫി വള്ളം കളിയെന്ന് പേരിട്ടതെന്ന് കേന്ദ്ര മന്ത്രി വി മുരളീധരന് ചോദിച്ചിരുന്നു. രാജീവ് ഗാന്ധി സെന്റര് ഫോര് ബയോടെക്നോളജിയുടെ ആക്കുളത്തുള്ള കാമ്പസിന് ആര്എസ്എസ് താത്വികാചാര്യന് ഗോള്വാള്ക്കറുടെ പേര് നല്കാനുള്ള കേന്ദ്ര സര്ക്കാര് തീരുമാനത്തെ ന്യയീകരിച്ച് സംസാരിക്കുന്നതിനിടയിലാണ് ഇത്തരമൊരു പ്രസ്താവന മുരളീധരന്റെ ഭാഗത്ത് നിന്നുണ്ടായത്.
ളിന്റെ പേര് നല്കിയതും മുരളീധരന് ചൂണ്ടിക്കാണിച്ചിരുന്നു. മുസ്ലീം ലീഗിന്റെ പ്രസിഡന്റായിരുന്നു എന്ന് മാത്രമാണ് പൂക്കോയ തങ്ങള്ക്ക് നല്കാവുന്ന വിശേഷണം. എംഎല്എ പോലുമല്ലാതിരുന്ന ഒരാളുടെ പേരില് കോളജ് സ്ഥാപിക്കുന്നതില് കോണ്ഗ്രസുകാര്ക്ക് ബുദ്ധിമുട്ടില്ലെന്നും പക്ഷേ ദേശീയവാദിയായ ഗോള്വാള്ക്കറുടെ പേര് നല്കുന്നതാണ് അവര്ക്ക് പ്രശ്നമെന്നും മുരളീധരന് കുറ്റപ്പെടുത്തിയിരുന്നു.
തദ്ദേശ തിരഞ്ഞെടുപ്പില് യുഡിഎഫിന് മറ്റൊരു പാര്ട്ടിയമായും സഖ്യമില്ലെന്ന് വേണുഗോപാല് പറഞ്ഞു.യുഡിഎഫ് കണ്വീനര് എംഎം ഹസനെ തള്ളിയ കെസി വേണുഗോപാല് കെപിസിസി പ്രസിഡന്റ് പറയുന്നതാണ് പാര്ട്ടിയുടെ നിലപാടെന്നും വ്യക്തമാക്കി.