Click it and Unblock the Notifications
Just In
Don't Miss
-
തമിഴിനെ തരംതാഴ്ത്തുന്നതെന്തിന്? മലയാളത്തില് മാത്രമാണോ നല്ല സിനിമകള്? എണ്ണിപ്പറഞ്ഞ് നടന് -
IPL 2024: അന്ന് എന്നെ ചതിച്ചത് സംഗക്കാര! പഴി കേട്ടത് യുവതാരം; രാജസ്ഥാന് കോച്ചിനെതിരെ സെവാഗ് -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
മംഗലാപുരത്ത് പിണറായി പ്രസംഗിച്ചത് ബിജെപിയുടെ ദയ? ബിജെപി മനസുവച്ചിരുന്നേല്‍ പിണറായി എത്തില്ല!
ബിജെപി വിചാരിച്ചിരുന്നേല്‍ പിണറായിയെ തടയാമായിരുന്നുവെന്നും എന്നാല്‍ അങ്ങനെ ചെയ്തില്ലെന്നും മുരളീധരന്‍ പറയുന്നു.
കോഴിക്കോട്: സംഘപരിവാര്‍ സംഘടനകളുടെ എതിര്‍പ്പ് മറികടന്ന് മുഖ്യമന്ത്രി പിണറായി വിജയന്‍ മംഗലാപുരത്ത് പരിപാടിയില്‍ പങ്കെടുത്തതുമായി ബന്ധപ്പെട്ട വാദ പ്രതിവാദങ്ങള്‍ അവസാനിക്കുന്നില്ല. പരിപാടിയില്‍ പിണറായിക്ക് പങ്കെടുക്കാനായത് ബിജെപിയുടെ ദയ കൊണ്ടാണെന്ന് ബിജെപി നിര്‍വാഹക സമിതി അംഗം വി. മുരളീധരന്‍. ബിജെപി വിചാരിച്ചിരുന്നേല്‍ പിണറായിയെ തടയാമായിരുന്നുവെന്നും എന്നാല്‍ അങ്ങനെ ചെയ്തില്ലെന്നും മുരളീധരന്‍ പറയുന്നു.
മംഗലാപുരം വിഷയത്തില്‍ ബിജെപി സംസ്ഥാന അധ്യക്ഷന്‍ പറഞ്ഞതിനെക്കാളും വില ബി. ഗോപാലകൃഷ്ണന്റെ വാക്കുകള്‍ക്കാണെങ്കില്‍ ഗോപാലകൃഷ്ണനും പിണറായിയും കാര്യങ്ങള്‍ പറഞ്ഞു തീര്‍ക്കട്ടെയെന്നും മുരളീധരന്‍ പറയുന്നു. പിണറായി വരുന്നതില്‍ പ്രതിഷേധിച്ചാണ് ഹര്‍ത്താല്‍ നടത്തിയതെന്നും തടയുമെന്ന് പറഞ്ഞിട്ടില്ലെന്നും അദ്ദേഹം വ്യക്തമാക്കുന്നു.
വിചാരിച്ചാല്‍ തടയും
ബിജെപി വിചാരിച്ചിരുന്നേല്‍ ദക്ഷിണ കന്നടയില്‍ പിണറായി വരുന്നത് തടയാമായിരുന്നുവെന്ന് മുരളീധരന്‍ പറയുന്നു. ബിജെപി മനസു വച്ചിരുന്നേല്‍ പിണറായി അവിടെ എത്തില്ലായിരുന്നുവെന്നും മുരളീധരന്‍ പറയുന്നു. എന്നാല്‍ ബിജെപി അത് വിചാരിച്ചില്ലെന്നും അദ്ദേഹം.
പ്രതിഷേധം മാത്രം
പിണറായി വിജയനോടുള്ള പ്രതിഷേധത്തെ തുടര്‍ന്നാണ് ഹര്‍ത്താലിന് ആഹ്വാനം ചെയ്തതെന്ന് മുരളീധരന്‍ പറയുന്നു. പിണറായിയെ തടയുമെന്ന് ആര്‍എസ് എസ് ഒരിടത്തും പറഞ്ഞിട്ടില്ലെന്നും അദ്ദേഹം.
സംസ്ഥാന പ്രസിഡന്റ് പറഞ്ഞു
മംഗലാപുരം സംഭവത്തില്‍ ബിജെപി സംസ്ഥാന പ്രസിഡന്റ് പറഞ്ഞതിനെക്കാള്‍ വില ബി. ഗോപാലകൃഷ്ണന്റെ വാക്കുകള്‍ക്കാണെങ്കില്‍ പിണറായിയും ഗോപാലകൃഷ്ണും കാര്യങ്ങള്‍ പറഞ്ഞു തീര്‍ക്കട്ടെയെന്നും മുരളീധരന്‍ പറയുന്നു. സംസ്ഥാന പ്രസിഡന്റിനെക്കാളും മംഗലാപുരം എംപിയെക്കാളും പ്രാധാന്യം ഗോപാല കൃഷ്ണന് നല്‍കേണ്ടെന്നും മുരളീധരന്‍.
വക വയ്ക്കാതെ എത്തി
മംഗലാപുരത്ത് വാര്‍ത്ത ഭാരതി ദിനപത്രത്തിന്റെ പുതായ ഓഫീസ് ഉദ്ഘാടനം ചെയ്യാനും സിപിഎമ്മിന്റെ മത സൗഹാര്‍ദ റാലി ഉദ്ഘാടനം ചെയ്യാനുമാണ് പിണറായി എത്തിയത്. എന്നാല്‍ പിണറായിയെ തടയുമെന്നായിരുന്നു സംഘപരിവാര്‍ സംഘടനകളുടെ ഭീഷണി. ഹര്‍ത്താല്‍ നടത്താനും ആഹ്വാനം ചെയ്തിരുന്നു. എന്നാല്‍ ഇത് വക വയ്ക്കാതെ പിണറായി എത്തുകയായിരുന്നു. കനത്ത സുരക്ഷയിലാണ് പിണറായി ചടങ്ങില്‍ പങ്കെടുത്തത്.
അയ്യായിരം പോലീസ്
പിണറായിയുടെ ധൈര്യത്തെ പ്രകീര്‍ത്തിച്ച് പലരും രംഗത്തെത്തിയിരുന്നു. അയ്യായിരത്തോളം വരുന്ന പോലീസ് ഉദ്യോഗസ്ഥരുടെ സംരക്ഷണത്തില്‍ ആര്‍ക്കും ഇങ്ങനെ പ്രസംഗിക്കാന്‍ കഴിയുമെന്ന് ബിജെപി നേതാവ് ബി ഗോപാല കൃഷ്ണന് പറഞ്ഞു.
