വാളയാറിലെ ഇളയകുട്ടിയെ കൊലപ്പെടുത്തിയത്? പോലീസ് പറയുന്നത്...അറസ്റ്റ് ഇന്നുണ്ടാകും!!

തൂങ്ങി മരിച്ചതാണെന്ന കാര്യത്തില്‍ പോലീസിനും സംശയം ഉണ്ട്. കൊലപാതക സാധ്യതകള്‍ മുന്‍ നിര്‍ത്തിയാണ് പോലീസ് അന്വേഷണം പുരോഗമിക്കുന്നത്.

പാലക്കാട്: വാളയാറിലെ സഹോദരിമാരുടെ മരണം സംബന്ധിച്ച അന്വേഷണത്തില്‍ പോലീസിന് നിര്‍ണായക വിവരങ്ങള്‍ ലഭിച്ചതായി സൂചന. ഇളയ കുട്ടിയുടെ മരണത്തില്‍ പോലീസ് അന്വേഷണം നീങ്ങുന്നത് കൊലപാതക സാധ്യതയിലേക്കാണ്. കൊലപാതക സാധ്യകള്‍ പരിശോധിച്ച് വരികയാണ് പോലീസ്.

കൊലപാതകമാണെന്ന് പോലീസ് സംശയിക്കുന്നുണ്ട്. കുട്ടി തൂങ്ങി മരിച്ച നിലയില്‍ കാണപ്പെട്ട മുറിയുടെ ഉയരവും മറ്റ് സാഹചര്യങ്ങളും കണക്കാക്കിയാണ് പോലീസ് അന്വേഷണം. കളിച്ചു കൊണ്ടിരുന്ന ഒമ്പതുകാരി അര മണിക്കൂറിനുള്ളില്‍ തൂങ്ങി മരിച്ചതിലെ അസ്വാഭാവികതയും പരിശോധിക്കുന്നുണ്ട്.

പോലീസിന് സംശയം

ഒമ്പതു വയസുകാരി തൂങ്ങി മരിച്ചതില്‍ അസ്വാഭാവികത ഉണ്ടെന്നാണ് പോലീസ് പറയുന്നത്. തൂങ്ങി മരിച്ചതാണെന്ന കാര്യത്തില്‍ പോലീസിനും സംശയം ഉണ്ട്. കൊലപാതക സാധ്യതകള്‍ മുന്‍ നിര്‍ത്തിയാണ് പോലീസ് അന്വേഷണം പുരോഗമിക്കുന്നത്.

സാധ്യത

കുട്ടി തൂങ്ങി മരിച്ച നിലയില്‍ കാണപ്പെട്ട മുറിയുടെയും കുട്ടിയുടെ ഉയരവും മറ്റ് സാഹചര്യങ്ങളും പരിശോധിച്ചാണ് ഇക്കാര്യത്തില്‍ അന്വേഷണം നടത്തുന്നത്. മൃതദേഹ പരിശോധനയില്‍ കുട്ടി തൂങ്ങി മരിച്ചതാണെന്ന് വ്യക്തമാക്കുന്നുണ്ടെങ്കിലും കൊലപാതക സാധ്യത പോലീസ് തള്ളുന്നില്ല.

കളിച്ചു കൊണ്ടിരുന്ന കുട്ടി

ശനിയാഴ്ചയാണ് ഇളയകുട്ടിയെ തൂങ്ങി മരിച്ച നിലയില്‍ കണ്ടെത്തിയത്. മുത്തശ്ശിയാണ് കുട്ടിയുടെ മൃതദേഹം ആദ്യം കണ്ടത്. നാലര വരെ കളിച്ചുകൊണ്ടിരിക്കുകയായിരുന്ന കുട്ടി അരമണിക്കൂറിനുള്ളില്‍ തുങ്ങി മരിച്ച നിലയില്‍ കാണപ്പെട്ടതും അസ്വാഭാവികത ഉണ്ടാക്കുന്നുണ്ട്.

മൂത്ത കുട്ടിയുടെ മൊഴി

മരിച്ച രണ്ടു കുട്ടികളും പീഡനത്തിനിരയായിരുന്നതായി വിവരങ്ങളുണ്ട്. പോലീസ് വലയിലുള്ള മൂന്നു പേര്‍ രണ്ടുകുട്ടികളെയും പീഡിപ്പിച്ചതായി സൂചനകള്‍ ലഭിച്ചിട്ടുണ്ട്. ഇതില്‍ ഒരാള്‍ പീഡിപ്പിച്ച കാര്യം മരിക്കുന്നതിന് മുമ്പ് കുട്ടി തന്നെ സമീപ വാസികളോട് പറഞ്ഞിരുന്നു.

ബന്ധുക്കളും

സംഭവത്തില്‍ പോലീസ് വലയിലുള്ള പ്രതികളില്‍ ചിലരുടെ അറസ്റ്റ് ഇന്ന്(വ്യാഴാഴ്ച) ഉണ്ടാകാന്‍ സാധ്യത ഉണ്ട്. ഇതില്‍ കുട്ടികളുടെ ബന്ധുക്കളായ രണ്ട് യുവാക്കളും ഉണ്ടെന്നാണ് വിവരം.

English summary

valayar sister's death case, investigation based on murder.