Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
വഞ്ചിയൂര്‍ കോടതിയിലെ അനിഷ്ട സംഭവം; അഭിഭാഷകര്‍ക്കെതിരെ ഹൈക്കോടതി കേസെടുത്തു, പോലീസും
കൊച്ചി: തിരുവനന്തപുരം വഞ്ചിയൂര്‍ കോടതിയില്‍ മജിസ്‌ട്രേറ്റിനെ തടഞ്ഞ അഭിഭാഷകരുടെ നടപടിക്കെതിരെ ഹൈക്കോടതി സ്വമേധയാ കേസെടുത്തു. വിഷയത്തില്‍ ഹൈക്കോടതി ഇടപെടണമെന്നാവശ്യപ്പെട്ട് ജുഡീഷ്യല്‍ ഓഫീസേഴ്‌സ് അസോസിയേഷന്‍ ഹൈക്കോടതിക്ക് കത്ത് നല്‍കിയതിന് പിന്നാലെയാണിത്. കേസ് ഹൈക്കോടതി വെള്ളിയാഴ്ച പരിഗണിക്കും. അഭിഭാഷകര്‍ക്കെതിരെ പോലീസും കേസെടുത്തിട്ടുണ്ട്.
ബാര്‍ അസോസിയേഷന്‍ ഭാരവാഹികള്‍ ഉള്‍പ്പെടെ കണ്ടാലറിയാവുന്ന 10 പേര്‍ക്കെതിരെയാണ് പോലീസ് ജാമ്യമില്ലാ വകുപ്പ് പ്രകാരം കേസെടുത്തിരിക്കുന്നത്. മജിസ്‌ട്രേറ്റ് ദീപ മോഹന്‍ തന്നെ തടഞ്ഞ അഭിഭാഷകര്‍ക്കെതിരെ സിജെഎമ്മിന് പരാതി നല്‍കിയിരുന്നു. സിജെഎം പരാതി പോലീസിന് കൈമാറുകയും കേസെടുക്കാന്‍ നിര്‍ദേശിക്കുകയുമായിരുന്നു.
ബുധനാഴ്ചയാണ് വഞ്ചിയൂര്‍ കോടതിയില്‍ അനിഷ്ട സംഭവങ്ങളുണ്ടായത്. വാഹന അപകട കേസിലെ പ്രതിയുടെ ജാമ്യം റദ്ദാക്കിയ മജിസ്‌ട്രേറ്റിന്റെ നടപടിക്കെതിരെ അഭിഭാഷകര്‍ രംഗത്തുവരികയായിരുന്നു. മജിസ്‌ട്രേറ്റിന്റെ ചേംബറില്‍ കയറിയായിരുന്നു അഭിഭാഷകരുടെ പ്രതിഷേധം. തുടര്‍ന്ന് ചേംബര്‍ വിട്ടിറങ്ങിയ മജിസ്‌ട്രേറ്റ് സിജെഎമ്മിന് പരാതി നല്‍കി.
ഈ പരാതിയാണ് സിജെഎം പോലീസിന് കൈമാറിയത്. പോലീസ് കേസെടുത്തതിന് പിന്നാലെയാണ് ഹൈക്കോടതി സ്വമേധയാ കേസെടുത്തിരിക്കുന്നത്. വഞ്ചിയൂര്‍ കോടതിയിലുണ്ടായ സംഭവങ്ങള്‍ ജുഡീഷ്യറിയുടെ മനോവീര്യം നശിപ്പിക്കുന്നതാണെന്ന് ജില്ലാ ജഡ്ഡിമാരുടെ സംഘടന ഹൈക്കോടതിക്ക് നല്‍കിയ കത്തില്‍ പറയുന്നു.
