Click it and Unblock the Notifications
Just In
Don't Miss
-
നോറയ്ക്ക് കൃത്യമായ ടാര്ജറ്റുകളുണ്ട്, ഇവരാണവര്; നോറ സ്ട്രോങ് ആകാന് കാരണം ഇതാണ്! -
വേനൽക്കാല യാത്രയിലെ ട്രെൻഡിങ് ഇടങ്ങൾ.. ഗൂഗിളിന്റെ ലിസ്റ്റ്.. ഇതിലേതാണ് നിങ്ങളുടെ ഇടം? -
IPL 2024: ഡിക്കെ എന്തിനു ലോകകപ്പ് ടീമില്? റായുഡുവിനെ കളിയാക്കി ഇര്ഫാന്, സഞ്ജു മതി -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ -
ഇടംകൈയ്യനിൽ ഒതുങ്ങില്ല! ലോകത്തെ ആദ്യ റൈറ്റ് ഹാൻഡ് ഡ്രൈവ് ഹമ്മർ ഇവി ഇതാ -
ഓഹരി വില പറന്നത് 10ൽ നിന്നും 430 രൂപയിലേക്ക്, മൂന്ന് വർഷത്തെ വളർച്ച 3800%, കൂടെക്കൂട്ടുന്നോ...?
കേരളത്തിലും ദളിതരുടെ പ്രതിഷേധം! തിങ്കളാഴ്ച സംസ്ഥാനത്ത് ഹർത്താൽ...
തിങ്കളാഴ്ച രാവിലെ ആറ് മുതൽ വൈകീട്ട് ആറ് വരെയാണ് ഹർത്താൽ.
കോട്ടയം: ഉത്തരേന്ത്യയിൽ ആഞ്ഞടിച്ച ദളിത് പ്രക്ഷോഭത്തിന്റെ ചൂട് കേരളത്തിലേക്കും. ഏപ്രിൽ ഒമ്പത് തിങ്കളാഴ്ച കേരളത്തിൽ ഹർത്താൽ ആചരിക്കാൻ ദളിത് സംഘടനകളുടെ ആഹ്വാനം. ഭാരത് ബന്ദിൽ പങ്കെടുത്ത ദളിതരെ വെടിവച്ചു കൊന്ന സംഭവത്തിൽ അന്വേഷണം നടത്തുക, കൊലക്കുറ്റത്തിന് കേസ് എടുക്കുക, കൊല്ലപ്പെട്ടവരുടെ കുടുംബത്തിന് നഷ്ടപരിഹാരം നൽകുക, ദളിത് പീഡന നിയമം പൂർവസ്ഥിതിയിലാക്കുക തുടങ്ങിയ ആവശ്യങ്ങൾ ഉന്നയിച്ചാണ് ഹർത്താൽ.
തിങ്കളാഴ്ച രാവിലെ ആറ് മുതൽ വൈകീട്ട് ആറ് വരെയാണ് ഹർത്താൽ. കേരള ചേരമ സാംബവ ഡവലപ്മെന്റ് സൊസൈറ്റി, അഖില കേരള ചേരമർ ഹിന്ദു മഹാസഭ, നാഷണൽ ദളിത് ലിബറേഷൻ ഫ്രണ്ട്, ദളിത് ഹ്യൂമൻ റൈറ്റ് മൂവ്മെന്റ്, കേരള ചേരമർ സംഘം, സോഷ്യൽ ലിബറേഷൻ ഫ്രണ്ട് തുടങ്ങിയ ദളിത് സംഘടനകളാണ് ഹർത്താലിന് ആഹ്വാനം ചെയ്തിരിക്കുന്നത്. പാൽ, പത്രം, ആശുപത്രി, വിവാഹം എന്നിവയെ ഒഴിവാക്കിയിട്ടുണ്ടെന്നും, എല്ലാവരും ഹർത്താലുമായി സഹകരിക്കണമെന്നും സംഘടനാ നേതാക്കൾ അറിയിച്ചു.
പട്ടിക ജാതി-പട്ടിക വർഗ പീഡനം തടയൽ നിയമത്തിന്റെ ദുരുപയോഗം ഒഴിവാക്കുന്നതിനായി സുപ്രീംകോടതി പുറപ്പെടുവിച്ച മാർഗനിർദേശങ്ങൾക്കെതിരെയാണ് രാജ്യവ്യാപകമായി ദളിതുകൾ പ്രക്ഷോഭം ആരംഭിച്ചത്. ഇതിന്റെ ഭാഗമായി ആഹ്വാനം ചെയ്ത ഭാരത് ബന്ദിൽ ഉത്തരേന്ത്യയിലെ വിവിധ സംസ്ഥാനങ്ങൾ സംഘർഷം പൊട്ടിപുറപ്പെട്ടിരുന്നു. ഭാരത് ബന്ദിനിടെയുണ്ടായ അക്രമസംഭവങ്ങളിൽ 12 പേരാണ് കൊല്ലപ്പെട്ടത്.
