• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

വര്‍ക്കല വിവാദ ഭൂമി കൈമാറ്റം; അന്വേഷണത്തില്‍ വ്യക്തതയില്ല, ദിവ്യ എസ് അയ്യര്‍ക്കെതിരെ നടപടി വൈകും

  • By Ashif

തിരുവനന്തപുരം: വര്‍ക്കല വിവാദ ഭൂമി കൈമാറ്റക്കേസില്‍ സബ് കളക്ടര്‍ ദിവ്യ എസ് അയ്യരെ രക്ഷപ്പെടുത്താന്‍ നീക്കം നടക്കുന്നുണ്ടെന്ന ആക്ഷേപം നിലനില്‍ക്കെ, അന്വേഷണത്തില്‍ വ്യക്തത വരുത്താതെ ലാന്റ് റവന്യൂ കമ്മീഷണര്‍. സംഭവത്തില്‍ പ്രാഥമിക അന്വേഷണം നടത്തിയ ലാന്റ് റവന്യൂ കമ്മീഷണര്‍ എടി ജയിംസ് വ്യക്തമായ റിപ്പോര്‍ട്ട് മന്ത്രിക്ക് സമര്‍പ്പിച്ചില്ല. റവന്യൂ മന്ത്രി ചന്ദ്രശേഖരന് ഇക്കാര്യത്തില്‍ അതൃപ്തിയുണ്ട്.

വന്‍ ഭൂരിപക്ഷത്തോടെ ബിജെപി അധികാരത്തിലെത്തും: ആത്മവിശ്വാസത്തില്‍ അമിത് ഷാ, യുപിയില്‍ സംഭവിച്ചത്!

സബ് കളക്ടറുടെ ഭൂമി കൈമാറ്റ നടപടി റവന്യൂ മന്ത്രി ഇടപെട്ട് റദ്ദാക്കിയിരുന്നു. തുടര്‍ന്നാണ് ക്രമവിരുദ്ധ നടപടികളുണ്ടായോ എന്ന് അന്വേഷിക്കാന്‍ ലാന്റ് റവന്യൂ കമ്മീഷണറെ ചുമതലപ്പെടുത്തിയത്.

എന്നാല്‍ സബ് കളക്ടര്‍ക്കെതിരെ നടപടി വേണമെന്നോ വേണ്ടെന്നോ വ്യക്തമായി റിപ്പോര്‍ട്ടില്‍ പറയുന്നില്ലെന്നാണ് സൂചന. കളക്ടര്‍ ഹിയറിങ് നടത്തിയ ശേഷം മതി തുടര്‍നടപടിയെന്നാണ് അദ്ദേഹം മന്ത്രിയെ അറിയിച്ചത്. അന്വേഷണ റിപ്പോര്‍ട്ട് അടിസ്ഥാനമാക്കി സബ് കളക്ടര്‍ക്കെതിരെ നടപടിയുണ്ടാകുമെന്ന് നേരത്തെ വിവരങ്ങള്‍ വന്നിരുന്നു. പക്ഷേ, നടപടിയെക്കാന്‍ പര്യാപ്തമായ റിപ്പോര്‍ട്ട് സമര്‍പ്പിച്ചിട്ടില്ല.

സബ് കളക്ടറുടെ പരിചയ കുറവ് കൊണ്ടാകാം തെറ്റുപറ്റിയതെന്ന് ലാന്റ് റവന്യൂ കമ്മീഷണര്‍ മന്ത്രിയെ ധരിപ്പിച്ചിട്ടുണ്ടെന്നാണ് സൂചന. വര്‍ക്കല അയിരൂരിലെ റോഡിനോട് ചേര്‍ന്ന 27 സെന്റ് സ്ഥലം സ്വകാര്യ വ്യക്തിക്ക് തിരിച്ചു നല്‍കിയ സബ് കളക്ടറുടെ നടപടിയാണ് വിവാദമായത്. ഈ ഭൂമി തഹസില്‍ദാര്‍ അന്വേഷണ ശേഷം സര്‍ക്കാരിലേക്ക് ഏറ്റെടുത്തതായിരുന്നു. ഹൈക്കോടതി ഇടപെടലിനെ തുടര്‍ന്ന് അന്വേഷണം നടത്തിയ സബ് കളക്ടര്‍ ഭൂമി സ്വകാര്യ വ്യക്തിക്ക് തന്നെ തിരിച്ചുകൊടുക്കുകയായിരുന്നു.

വയല്‍ക്കിളി നേതാവ് സുരേഷ് കീഴാറ്റൂരിന്റെ വീട് ആക്രമിച്ചു, പിന്നില്‍ സിപിഎം?

ഇതിനെതിരെ വര്‍ക്കല എംഎല്‍എ വി ജോയിയും ഗ്രാമപഞ്ചായത്ത് അധികൃതരുമാണ് പരാതിയുമായി രംഗത്തുവന്നത്. ഭൂമി കൈമാറ്റത്തില്‍ ക്രമക്കേട് നടന്നോ എന്നറിയാല്‍ അടുത്ത ശനിയാഴ്ച കളക്ടര്‍ കെ വാസുകി ഹിയറിങ് നടത്തും. കളക്ട്രേറ്റില്‍ നടക്കുന്ന ഹിയറിങിന് എല്ലാ കക്ഷികളെയും വിളിച്ചിട്ടുണ്ട്. റീ സര്‍വേ നടത്തിയതുകാരണം രേഖകളില്‍ വന്ന മാറ്റമാണ് പ്രശ്‌നങ്ങള്‍ ഗുരുതരമാക്കിയതെന്നാണ് വിവരം.

English summary
Varkala Land Controversy: No recommendation in Inquiry report against Sub Collector Divya S Ayyar
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more